Transliteration
&P365477 = RIME 4.03.07.05Sumerian, ex. 01
#atf: lang sux
@tablet
@obverse
@column 1
1. u4 an {d}en-lil2
2. lugal an-ki-bi-da-ke4
3. {d}marduk dumu-sag
4. {d}en-ki-ka-ra
5. igi hul2-la-ne-ne-a
6. in-szi-in-bar-re-esz-a
7. nam-en ub-da limmu2-ba
8. mu-na-an-szum2-mu-usz-a
9. {d}a-nun-na-ke4-ne-er
10. mu mah-a mi-ni-in-sa4-esz-a
11. ka2-dingir-ra{ki}
12. suhusz#-bi an-ki-gin7
13. mu-na-an-ge-ne2-esz#-a
14. u4-ba {d}marduk
15. {d}en-lil2 kalam-ma-na
16. dingir nam-ku3#-zu
17. an-dim2-dim2-me-a
18. sa-am-su-i-lu-na
19. lugal la-la-ni i3-me-en-na-ta#
20. kur-kur kilib3-ba-bi
21. nam-sipa-bi ak-de3
@column 2
1. ma-an-szum2
2. kalam-ma-ni
3. u3-sal-la nu2-de3
4. ug3 dagal-la-ni#
5. silim-ma du-ri2-sze3 tum2-tum2-mu-de3
6. a2 gal hu-mu-da-an-ag2
7. sa-am-su-i-lu-na
8. lugal kal-ga
9. lugal ka2-dingir-ra{ki}
10. lugal an ub-da limmu2-ba
10. lugal an-ub-da limmu2-ba
11. ka tesz2-a bi2-in-si3-ga-me-en#
12. usu ni2-ga2#
13. igi-gal2 gal-mu-ta
14. bad3 an-za-gar3-{d}en-lil2-la2{[ki]}
15. {d}nin-hur-sag-ga2#
16. ama in-dim2-en-na-<mu>-usz
17. bad3 pa3-da#{ki#}
18. {d}iszkur a2-dah-[mu-ke4]
19. bad3 la-ga-ba{[ki]}
20. {d}nanna
21. dingir sag du-mu#-[sze3]
@column 3
1. bad3 iri ia-bu#-[szum{ki}]
2. {d}lugal-{gesz}asal2#
3. mu nam-lugal-la#-mu#-[um]
4. bi2-ib2-gu-ul#-la#-asz
5. bad3 iri gu-la-ba8{ki}
6. u3 bad3 u2-s,i-a-na-er3-ra{ki}
7. {d}nergal
8. tu10 lu2-erim2-mu-um#
9. bi2-in-ak-a-asz
10. 6(disz) bad3 gal-gal-la-bi#
11. su-mu-la-il3
12. a-a gu-la-mu
13. pa-bil2-ga 5(disz)-kam-ma-mu
14. mi-ni-in-du3-a
15. nam-sumun-ba ni2-te-a-ne-ne-a
16. i3-szub-szub-bu-usz-am3
17. sza3 iti 2(disz)-kam-ma-ta
18. szeg12-bi mi-ni-du8
19. gal-bi im-mi-du3
20. sag-ne-ne hur-sag-gin7 mi-ni-il2
21. kilib3 kur-kur-ra-ke4
22. suhusz#-bi mi#-ni-ge-en
@column 4
1. ka2-dingir-ra{ki}
2. mu-bi hu-mu-ni-mah
3. an ub-da limmu2-ba he2-bi2-diri
3. an-ub-da limmu2-ba he2-bi2-diri
4. ni2 me-lam2
5. nam-lugal-la-mu
6. za3 an-ki#-ke4 he2-en#-dul#
7. ur5-sze3-am3
8. dingir gal-gal-e-ne
9. igi zalag-ga-ne-ne-a
10. hu-mu-szi-in-bar-re-esz
11. nam-ti-la {d}nanna-gin7
12. iti-iti-da mu2-mu2-da
13. nam-sipa ub-da# limmu2-ba
14. silim-ma du-ri2-sze3# ak-da
15. sza3 kur-ku-da-mu
16. dingir#-gin7 sa2-di-da
17. [u4]-szu2-sze3 sag il2-la
18. asila sza3 hul2-la-ta du-du-da
19. sag-e-esz hu-mu-rig7-esz
