Transliteration
&P463637 = RIMA 2.0.101.002 composite
#atl: lang akk
@object composite text
@surlace a
1. _e2-gal_ {disz}asz-szur-pab-a _sanga_ asz-szur ni-szit {d}bad u {d}masz na-ra-am {d}a-nim u3 {d}da-gan ka-szu-usz _dingir-mesz gal-mesz man_ dan-nu _man szu2 man kur_ asz-szur
2. _dumu_ geszkim-{d}nin-urta _man gal_-e _man_ dan-ni _man szu2 man kur_ asz-szur _dumu_ 1(u)-erin2-tah2 _man szu2 man kur_ asz-szur-ma _en_-szu2 qar-du sza2 ina _{gesz}tukul_-ti asz-szur _en_-szu2 _du-du_-ku-ma
3. ina mal-ki-_mesz_ sza2 kib-rat 4(disz)-ta sza2-nin-szu la-a _tuku_-u2 _lu2-sipa_ tab-ra-te la a-di-ru _{gesz}la2_ e-du-u2 gap-szu2
4. sza2 ma-hi-ra la-a _tuku_-u2 _man_ mu-szak-nisz la kan-szu-te-szu2 sza2 nap-har kisz-szat _ug3-mesz_ i-pe-lu _nita2_ dan-nu mu-kab-bi-is
5. _gu2_ a-a-bi-szu2 da-a-isz kul-lat _kur-mesz_ mu-pa-ri-ru ki-is,-ri mul-tar-hi _man_ sza2 ina _{gesz}tukul_-ti _dingir-mesz_
6. _gal-mesz en-mesz_-szu2 _du-du_-ku-ma _kur-kur-mesz _du3_-szi-na _su_-su _kur_-ud hur-sza2-ni _du3_-szu-nu i-pe-lu-ma
7. bi-lat-su-nu im-hu-ru s,z-bit li-i-t,i2 sza2-kin2 li-i-te _ugu du3_-szi-na _kur-kur-mesz_ e-nu-ma asz-szur _en_
8. na-bu-u2 _mu_-ia mu-szar-bu-ti _man_-ti-ia _{gesz}tukul_-szu2 la pa-da-a a-na i-da-at _en_-ti-ia
9. lu-u2 it-muh _erin2-hi-a-mesz kur_ lu-ul-lu-me-e _dagal-mesz_ ina qe2-reb tam-ha-ri ina _{gesz}tukul-mesz_ lu u2-szam-qit
10. ina re-s,u-te sza2 {d}sza2-masz u {d}iszkur _dingir-mesz_ tik-li-ia _erin-hi-a-mesz kur-kur_ na-i-ri _kur_ hab-hi _kur_ szu-ba-re-e
11. u _kur_ ne2-reb _gin7_ {d}iskur_ ra-hi-s,i u_ugu_-szu-nu asz2-gu-um _man_ sza2 _ta_ e-ber-tan _i7-idigna_ a-di _kur_ lab-na-na
12. u _a-ab-ba gal_-te _kur_ la-qe-e ana si-hir2-ti-sza _kur_ su-hi a-di _iri_ ra-pi-qi ana _giri3-min_-szu2 u2-szek2-ni-sza2
13. _ta sag_ e-ni _i7_ su-ub-na-at a-di _kur_ u2-ra-ar-t,i2 _szu_-su _kur_-ud _ta kur_ ne2-reb sza2 _kur_ kir-ru-ri a-di _kur_ gil2-za-ni
14. _ta_ e-ber-tan _i7_ za-ba _ki-ta_ a-di _iri-du6_-ba-a-ri sza2 el-la-an _kur_ za-ban _ta iri-du6_-sza2-za-ab-da-ni
15. u _iri-du6_-sza2-ab-ta-a-ni _iri_ hi-ri-mu _iri_ ha-ru-tu _kur_ bi-ra-a-te sza2 _kur_ kar-du-ni-asz2 ana mi-is,-ri _kur_-ia _u2-te-ri
16. _ta kur_ ne2-er-bi sza2 _kur_ ba-bi-te a-di _kur_ hasz-mar a-na _ug3-mesz kur_-ia am-nu ina _kur-kur-mesz_ sza2 a-pe-lu-szi-na-ni _lu2-gar_-nu-te-ia al-ta-kan
17. ur-du-ti u2-pu-usz {disz}asz-szur-pab-a _nun_-u_ na-a-du pa-lih2 _dingir-mesz gal-mesz_ u2-szum2-gal-lu ek-du ka-szid _iri-didli_ u hur-sza2-ni
18. pat, gim-ri-szu2-nu _man en-mesz_-e mu-la-it, ek-s,u2-te a-pi-ir sza2-lum-ma-te la-di-ru _{gesz}la2_ ur-sza2-nu la pa-du-u2
19. mu-rib a-nun-te _man_ ta-na-da-a-te _lu2-sipa_ s,a-lu-ul _ub-mesz man_ sza2 ina qi2-bit _ka_-su usz-har-ma-t,u _kur-mesz_-e
20. u _a-ab-ba-mesz_ sza2 ina qi-it-ru-ub _en_-ti-szu2 _man-mesz_-ni ek-du-te la pa-du-te _ta_ s,i-it {d}szam-szi a-di
21. e-reb {d}szam-szi pa-a 1(disz)-en u2-sza2-asz-kin2 e-ta-tiq _kur-mesz_-e dan-nu-te a-tam-mar du-rug szap-sza2-qi sza2 _du3_-szi-na _ub-mesz_
22. u2-sza2-az-ni-ni nab-li mul-mul-li _ugu_ mal-ki-_mesz_ sza2 nap-har _du3 iri-didli_ si-qir _ka_-ia e-ta-nam-da-ru
23. u2-sza2-pu-u2 _en_-ti ana-ku {disz}asz-szur-pab-a er-szu mu-du-u2 ha-si-su pe-et uz-ni ne2-me-qi {d}e2-a _man abzu_ isz-ma-ni a-na ia-szi
24. _dingir-mesz gal-mesz_ sza2 _an_-e u3 _ki_-tim ina ke-e-ni _sza3_-szu2-nu u2-du-ni-ma _man_-ti _en_-ti kisz-szu-ti ina _ka_-szu2-nu _ku3_ u2-s,a-a _kur-kur-mesz_
25. u hur-sza2-ni dan-nu-te ana pe-e-li szuk-nu-sze u3 sza2-pa-ri a-gi-isz u2-ma-'i-ru-ni ina qi2-bit asz-szur _en gal_-e _en_-ia
26. u {d}nin-urta _aga4 sanga_-ti-ia a-na _kur_ lab-na-na lu-u2 a-lik ana _a-ab-ba gal_-te lu-u2 e-li ina _a-ab-ba gal_-te
27. _{gesz}tukul-mesz_-ia lu ul-lil _udu-siskur-mesz_ a-na _dingir-mesz_-ni-ia lu as,-bat ina u4-me-szu2-ma ma-da-tu2 sza2 _man-mesz_-ni sza2 si-di tam-di
28. sza2 _kur_ s,ur-ra-a-ia _kur_ s,i-du-na-a-ia _kur_ a-mur-ra-a-a _kur_ gu-bal-a-ia _kur_ ma-hal-la-ta-a-a _kur_ ka-i-za-a-a
29. _kur_ ma-i-za-a-a u _iri_ ar-ma-da sza2 _murub4_ tam-di _ku3-babbar-mesz ku-sig17-mesz an-na-mesz zabar-mesz utul2-mesz zabar_
30. _tug2_ lu-bul2-ti bir-me _{tug2}gada-mesz zu2-mesz_ na-hi-ri bi-nu-ut tam-di am-hur ina u4-me-szu-ma pa-ga-a-te _gal-mesz_
31. pa-ga-a-te-_mesz tur-mesz_ it-ti ma-da-ti-szu2-nu am-hur-szu-nu a-na _kur_-ia asz-szur lu ub-la-szi-na i-na _iri_ kal-hi
32. mar-szi-si-na ana ma-a'-disz u2-sza2-li-di _ug3-mesz kur_-ia _du3_-szi-na u2-szab-ri ina ti-ri-s,i _szu_-ia
33. u2 szu-usz-mur _sza3_-ia _1(u) 5(disz) ur-mah-mesz kal-mesz ta kur-mesz_-e _u3 _{gesz}tir-mesz_ ina _szu_-te _dab_-bat 5(u) mu-ra-ni
34. _ur-mah-mesz_ lu asz2-sza2-a ina _iri_ kal-hi u3 _e2-gal-mesz kur_-ia ina _e2_ e-sir lu ad-di-szu2-nu mu-ra-ni-szu-nu
35. a-na ma-a'-dis u2-sza2-li-di _ur_ mi-in-di-na-asz2 _ti-la-mesz_ ina _szu-mesz_ u2-s,ab-bi-ta su-gul-lat _gu4-am-mesz_
36. _am-si-mesz ur-mah-mesz ga-nu11{muszen}-mesz_ pa-ge-e pa-ga-a-te _ansze-edin-na-mesz masz-da3-mesz dara4-masz-mesz_ a-sa-a-te-_mesz_
37. ni-im-ri-_mesz_ se-en-kur-ri-_mesz_ u2-ma-am _edin kur_-e _du3_-szu2-nu ina _iri_-ia _iri_ kai-hi lu-u2 ak-s,ur _ug3-mesz_
38. _kur_-ia _du3_szu2-nu u2-szab-ri _nun_-u2 _egir_-u2 ina _man-mesz_-ni _dumu-mesz_-ia sza2 asz-szur i-na-bu-szu lu-u2 _ug3-mesz_
39. _egir-mesz lu-u2 _lu_ um-ma-an _man_ lu-u2 _uj-gal-li lu-ti _lu_ sza2-sag ia ta-ta-pl1 ina pa-an asz-szur _zi_ si-i _ti_
40. {d}nin-urta u3 {d}igi-du_ sza2 _sanga_-ti _aga4_-mu _masz2-ansze edin_ u2-szat-li-mu-ni e-pesz ba-'u-ri iq-bu-ni
41. _3(u) am-si-mesz_ ina szub-ti a-duk _2(u) me 5(u) 7(disz) gu4-am-mesz kal-mesz_ ina _{gesz}gigir-mesz_-ia pa-tu-te ina qi-it-ru-ub
42. _en_-ti-ia ina _{gesz}tukul-mesz_ u2-szam-qit _3(disz) me 1(gesz2) 1(u) ur-mah-mesz kal-mesz gin7 muszen-mesz_ qu-up-pi ina {gesz}pu-asz-hi a-duk
43. ina _iti-gu4 u4 8(disz)-kam ta iri_ kal-hi at-tu-musz _i7-hal-hal_ e-te-bir a-na _iri_ gar-ga-misz sza _kur_ hat-te
44. aq-t,i2-rib _nig2-gur11 e2-gal_-szu2_-hi-a-mesz_ sza _ki-la2_-szu2 _nu_ s,ab-ta-at am-hur-szu2 _man-mesz_-ni sza2 _kur-kur-mesz du3_-szu2-nu
45. ana muh-hi-ia _du_-ku-ni _giri3-min_-a is,-s,ab-tu li-t,i2-szu2-nu as,-bat pa-na-tu-ia uk-ti-lu a-na _kur_ lab-na-na _du_-ku
46. _ta iri_ gar-ga-misz at-tu-musz ina bi-rit _kur_ mun-zi-ga-ni _kur_ ha-mur-ga a-s,a-bat _kur_ a-ha-nu a-na _gub3_-ia u2-ta-szer3
47. a-na _iri_ ha-za-zi sza {disz}lu-bar-na _kur_ pa-ti-na-a-a aq-t,i2-rib _ku3-babbar ku-sig17 tug2_ lu-bul2-ti _{tug2}gada-mesz_ at-ta-har e-te-tiq _i7_ ap-re-e
48. e-te-bir3 a-sa-kan be-dak3 _ta ugu i7_ ap-re-e at-tu-musz a-na _iri_ ku-nu-lu-a _iri man_-ti-szu2 sza2 {disz}lu-bar-na _kur_ pa-ti-na-a-a aq-t,i2-rib
49. _ta igi {gesz}tukul-mesz_-a ez-zu-te _me3_-ia szit-mu-ri ip-lah2-ma a-na szu2-zu-ub _zl-mesz_-szu2 _giri3-min-mesz_-a is,-bat 2(u) _gu2 ku3-babbar-mesz 1(asz) gu3 ku-sig17-mesz 1(disz) me gu2 an-na-mesz_
50. _1(disz) me gu2 an-bar-mesz 1(disz) lim gu4-mesz 1(u) lim udu-mesz 1(u) lim tug2_ lu-bul2-ti bir-me _{tug2}gada-mesz_ {gesz}ne2-mat-ti _{gesz}taskarin-mesz_ sza tam-li-te uh-hu-za-te
51. _{gesz}na4-mesz {gesz}taskarin-mesz {gesz}na4-mesz zu2-mesz_ sza tam-li-te _gar-ra-mesz_ u2-nu-tu2 _e2-gal_-szu2-_hi-a-mesz_ sza _ki-la2_-sza2 _nu_ s,ab-ta-at am-hur-szu2
52. _iri_ kal-hu mah-ra-a sza2 {disz}{d}szul3-ma-nu-sag _man kur_ asz-szur _nun_ a-lik pa-ni-ia _du3_-usz _iri_ szu2-u_ e-na-ah-ma is,-lal
53. _iri_ szu2-u2 ana esz-szu2-te ab-ni _ug3-mesz_ ki-szit-ti _szu_-ia sza2 _kur-kur-mesz_ sza2 a-pe-lu-szi-na-ni sza2 _kur_ su-hi
54. _kur_ la-qe-e ana si-hir2-ti-sza2 _iri_ sir-qu sza2 ne2-ber-ti _i7_ pu-rat-te _kur_ za-mu-a ana pat, gim-ri-sza2
55. _kur e2-a-di-ni u3 kur hat-te u sza2 {disz}lu-bar-na _kur_ pa-ti-na-a-a al-qa-a ina lib3-bi u2-sza2-as,-bit _du6_ la-be-ru
56. u2-na-kir7 a-di _ugu a-mesz_ lu u2-sza2-pil2 1(disz) me 2(u) tik-pi ina musz-pa-li lu u2-t,a-bi _e2-gal {gesz}eren-na_
57. _e2-gal {gesz}szur-min e2-gal_ {gesz}dap2-ra-ni _e2-gal {gesz}taskarin-mesz e2-gal_ {gesz}mes-kan-ni _e2-gal_ {gesz}bu-ut,-ni u {gesz}t,ar-ppi
58. a-na _szu-bat _man_-ti-ia ana mul-ta-'i-it _en_-ti-a sza2 da-ra-a-te ina lib3-bi ad-di u2-ma-am _kur-mesz_-e
59. u _a-ab-ba-mesz_ sza2 {na4}pe-li _babbar_-e u {na4}pa-ru-te _du3_-usz ina _ka2-mesz_-sza2 u2-sze-zi-iz u2-si-im-szi u2-szar-rih-szi
59. u _a-ab-ba-mesz_ sza2 {na4}pi-li _babbar_-e u {na4}pa-ru-te _du3_-usz ina _ka2-mesz_-sza2 u2-sze-zi-iz u2-si-im-szi u2-szar-rih-szi
60. si-kat kar-ri _zabar_ al-me-szi _{gesz}ig-mesz_ {gesz}e-re-ni {gesz}szur-min_ {gesz}dap-ra-ni {gesz}mes-kan-ni ina _ka2-mesz_-sza2 u2-re-ti
61. _ku3-babbar-mesz ku-sig17-mesz an-na-mesz zabar-mesz_ ki-sit-ti _szu_-ia sza2 _kur-kur-mesz_ sza2 a-pe-lu-szi-na-ni
62. a-na ma-a'-di-isz al-qa-a ina lib3-bi u2-kln2
