Transliteration
&P393783 = RINAP 4 Esarhaddon 116, ex. 01
#atf: lang akk
@tablet
@obverse
$ beginning broken
1'. [...] ana be-el-ti-sza2 ul i-szem-[me]
2'. [_dingir-mesz_-szi-na i-bu-ka-ma i-me-sza2 {d}isz-tar-szin par-s,i-szi]-na u2-masz-szi-ra-ma sza2-na-tim-ma ir-ka-ba
3'. [...]-tu szur-szu-u2 a-sak-ku ak-lu
4'. [... sat-tuk]-ku u2-szab-t,a-lu u2-szab-szu-u2 ri-kil-tu2
5'. [a-na _nig2-szu_ e2-sag-gil2 u _dumu e_{ki}] _szu-min_-su-nu u2-bi-lu-u-ma im-szu-'u _nig2-szu-mesz_-szu2
6'. [_ku3-sig17 ku3-babbar_ ... sza qe2]-reb _e2-kur_ a-na {kur}e-lam-ti ip-szu-ru ma-hi-risz
7'. [... {d}]en-lil2 ip-pa-lis-ma e-zi-iz lib3-ba-szu2 ka-bat-tusz is,-s,a-ri-ih
8'. [{d}en-lil2-la5 _dingir-mesz en kur-kur_ a]-na sa-pah _kur_ u _ug3-mesz_ ik-ta-pu-ud le-mut-tu
9'. [a-na sa-pan _kur_ u3 hul-lu-uq _un]-mesz_-sza2 lib-bu-usz e-ziz-ma ar-rat ma-ru-usz-ti isz-sza2-kin ina pi-i-szu2
10'. [ina _an_-e u _ki_-tim _a2-mesz hul_]-tim ma-gal it-ta-nab-sza2-a sza ha-laq mit-har-tim
11'. [_kaskal_ szu-ut {d}en-lil2 _kaskal_ szu-ut {d}1(gesz2) _kaskal_] szu-ut {d}e2-a man-za-su-nu u2-lam-mi3-nu usz-ta-nak-la-mu _geszkim-mesz_ szal-pu2-ti
12'. [...] _ki_ mit-ha-risz it-ta-nak-ki-ra i-da-a-ti-sza2
13'. [{i7}a-ra-ah-ti _i7 he2-gal2_ a]-gu-u szam-ru e-du-u ez-zu _illu_ kasz-szu tam-szil a-bu-bi ib-bab-lam-ma
14'. _iri_ [szu-bat-su esz-re-e-ti-szu _a]-mesz_ usz-bi-i'-ma u2-sze-mi u2-szal-lisz
15'. _dingir-[mesz {d}1(u)-5(disz)-mesz_ a-szib lib3-bi-szu2 is,]-s,u-risz ip-par-szu2-ma e-lu-u2 sza2-ma-mesz
16'. _{d}alad-mesz [{d}lamma-mesz_ ... ip-par-szi]-id-du-ma i-ta-nam-gi-szu2 a-ha-a-ti
17'. _ug3-mesz_ a-szib [qer-bi-szu2 a-szar sza2-nam-ma in-nar-qu]-ma ina er-s,e-et la i-du-u2 e-hu-zu pu-uz-ra-te
18'. a-di _u4-mesz_ im-[lu-u lib3-bi _en gal_]-e {d}marduk i-nu-hu-ma a-na _kur_ sza e-ni-nu ir-szu-u2 sa-li-mu
19'. 1(gesz2) 1(u) _mu-an-na-mesz_ im-[lu-u2 ... 1(u) 1(disz)? _mu-an-na]-mesz_ esz-t,ur-ma re-e-mu ir-szi-ma iq-ta-bi a-hu-lap
20'. ia-a-ti {disz}{d}asz-[szur-szesz-szum2-na ...] mu-du-u2 pu-luh-ti _dingir_-ti-szu2 _gal_-ti
21'. ina re-esz [_lugal_-ti-ia ina mah-re-e _bala_-ia sza ina _{gesz}]gu-za sanga_-ti u2-szi-bu-ma a-ge-e be-lu-ti a-pi-ru-um-ma
@reverse
1. [... isz-szak-na]-nim-ma sza szu-szu-ub _iri_ u _e2_ usz-ta-nak-la-man-ni _saga_-tu _a2_
2. [{mul}_sag-me-nig2_ mut-tan-bi-t,u pa-ri-is _esz-bar kur_ uri{ki} ina {iti}sig4 u2-qar]-rib-ma a-szar {d}utu ul-tap-pa-a i-zi-iz ba-il3 zi-mu-szu2 sa-[a-mu]
3. [ni-pi-ih-szu2 ki-ma ni-pi-ih {d}utu ga-mir _dingir-mesz_ ze-nu-ti it-ti _kur_ uri{ki} is-li-mu _szeg3]-mesz_ t,ah2-du-ti _illu-mesz_ sad-ru-[ti ina _kur_ uri{ki}] _gal2-mesz_
4. [usz-tasz-ni-ma ina {iti}bad-ka2 a-szar ni]-s,ir-ti ik-szu-dam-ma [ina _ki-tusz_-szu i-kun]
5. [asz2-szu2 li-i-ti sza2-ka-nu ga-me-ru-tu] e-pe-szi gesz-kim-ma _saga_-tim u2-szak-[li-ma sza2 e-reb]
6. [e2-sag-il2 _iti_-szam-ma {d}3(u) {d}utu ina _igi-lal_-szu2-nu sza2 ud-du-usz _dingir-mesz_ szuk-lul esz-ret ma-ha-zi ku-tu-un]-ni _bala_-ia szur-szu-du _{gesz}gu-za sanga_-ti-ia an-nu [ke-e-nu]
7. [e-tap-lu a-ha-mesz ina _gesztu-min dagal_-ti ha]-sis-si pal-ke-e sza isz-ru-[ka _abgal dingir-mesz_]
8. [_nun_ {d}nu-dim2-mud a-na szu-szu-ub _iri_ sza2-a-szu2 ud-du-usz esz-re-e]-ti-szu2 nu-um-mur ma-ha-zi ina uz-ni-ia [ib-szi-ma usz-ta-bi-la ka-bat]-ti
9. [a-na e-pesz szip-ri szu-a-ti asz-hu-ut ak]-kud-ma sza {d}utu {d}iszkur {d}marduk _di-ku5-gal dingir-[mesz en-mesz_-ia ak-ta-mis ma]-har-szu2-un
10. [ina ma-kal-ti _{lu2}hal_-u2-ti _a2_]-ti _saga_-tim isz-szak-nu-nim-ma sza szu-szu-ub _iri_ ud-du-[usz e2-sag-il2] u2-sza2-asz2-t,i-ru a-mu-ti
11. [a-na an-ni-szu2-nu ke-e-nu at-kal]-ma ad-ke-ma gi-mir _erin2 hi-a_-ia u {kur}kar2-{d}dun-ia2-asz3 tup-szik-ku u al-[lu] u2-szat-rik-szu2-nu-ti
12. [ina _i3-gesz du10-ga lal3 i3-nun-na kurun-nam_] mu-tin-ni szi-kar _kur_-i ab-lu-la ta-ra-ah-husz
13. [ina _{gesz}u3-szub-mesz zu2 am-si {gesz}esi {gesz}tug2 {gesz}mes-ma2-kan]-na ad-me-kar2_ a-na ne2-ri-sza2 u2-szal-bi-na li-bit-tusz
14. [_dumu-mesz_ {lu2}um-ma-ni en-qu-te _{lu2}]szitim-gal_-li le-'u-u2-ti mu-kin-nu gesz-hur-ri 1(disz)-nisz u2-pah-hi-ir-ma
15. [sza e2-sag-gil2 _e2-gal dingir-mesz?_] usz-szi-szu2 ad-di-ma u2-kin lib-na-as-su
16. [... u2-nak]-ki-la ni-kil-tusz tam-szil szit,-ri-szu2 es,-s,i-ra is,-rat-su
17. [im-gur-{d}en-lil2 _bad3_-szu2 _gal_-a ina {gesz}]as-li _gal_-ti ki-i gesz-hur-ri-szu2 mah-ri-i mi-szi-ih-ta-szu2 am-szu-uh
18. [...] te-me-en-szu2 ki-ma szu-pu-uk _kur_-i dan-ni u2-dan-nin
19. [...]-lu-ti ki-ma sza2 u4-me pa-ni szi-kit-ta-szu2 ab-ni
20. [e2-te-me-en-an-ki ziq-qur-ra-tu asz2-lu s,u-up]-pan _usz_ asz2-lu s,u-up-pan _sag-ki_ ki-ma mah-rim-ma e-pu-[usz]
21. [... _dingir-mesz] gal-mesz_ u3 {d}kulla _en_ usz-szi _sig4 {udu}siskur-mesz ku3-mesz bal_
22. [...]-a _gesztin_ ku-ru-un-ni usz-szi-szu2-un ad-di-ma u2-kin te-me-en-[szun]
23. [...] {na4}s,a-lam-ti ta-nit-ti _en gal_-e _en_-ia [asz-t,ur]
24. [... ab]-ni-ma asz2-tak-[ka-nu si-ma-a]-te qe2-reb-szu2-un
25. [... ki-du]-de-e-szu2 szu-qu-ru-ti [a-na asz]-ri-szu2-nu u2-ter-ma
26. [... asz]-kun
27. [...] _hu_ [...]
$ rest broken
