&P431880 = RIME 4.03.07.05Sumerian, ex. 02
#atf: lang sux
@object statuette
@surface a
@column 1
1. [u4 an {d}]en-lil2
2. [lugal an]-ki-bi-da-ke4
3. [{d}]marduk# dumu-sag
4. [{d}en]-ki#-ka-ra
5. [igi hul2]-la-ne2-ne-a
6. [in-szi]-in#-bar-re-esz-a
7. [nam-en] ub-da limmu2-ba
8. [mu-na]-an-szum2-mu-usz-a
9. [{d}a-nun]-na#-ke4-ne-er
10. [mu mah]-a# mi-ni-in-sa4#-esz-a
11. [ka2-dingir]-ra#{ki}
12. [suhusz#-bi] an#-ki-gin7
13. [mu-na]-an#-ge-[ne2]-esz#-a
14. [u4-ba {d}]marduk#
15. [{d}en]-lil2 kalam#-ma-na
16. [dingir nam]-ku3#-zu
17. [an-dim2]-dim2#-me-a
18. [sa-am-su]-i#-lu-na
19. [lugal la]-la#-ni
20. [i3-me]-en-na-ta#
21. [kur-kur] kilib3#-a-bi
21. [nam-sipa]-bi# ak-de3
@column 2
1. ma-an-szum2
2. kalam-ma-ni
3. u3-sal-la nu2-u3-de3
4. ug3 dagal-la-ni
5. silim-ma du-ri2-sze3 tum2-tum2-mu-de3
6. a2 gal hu-mu-da-an-ag2
7. sa-am-su-i-lu-na
8. lugal kal-ga
9. lugal ka2-dingir-ra{ki}
10. lugal an-ub-da limmu2-ba
11. ka tesz2-a bi2-in-si3-ga-me-en
12. usu ni2-ga2#
13. igi-gal2 gal-mu-ta
14. bad3 an-za-gar3-{d}en-lil2-la2{ki}
15. {d}nin-hur-sag-ga2
16. ama in-dim2-en-na-<mu>-usz
17. bad3 pa3-da{ki}
18. {d}iszkur a2-dah-mu-ke4
19. bad3 la-ga-ba{ki}
20. {d}nanna
@column 3
1. dingir sag du-mu-sze3
2. bad3 iri ia-bu-szum{ki}
3. {d}lugal-{gesz}asal2
4. mu nam-lugal-la-mu-um
5. bi2-ib2-gu-ul-la-asz
6. bad3 iri gu-la-ba8{ki}
7. u3 bad3 u2-s,i-a-na-er3-ra{ki}
8. {d}nergal
9. tu10 lu2-erim2-mu-um bi2-in-ak-a-asz
10. 6(disz) bad3 gal-gal-bi
11. su-mu-la-il3
12. a-a gu-la-mu
13. pa-bil2-ga 5(disz)-kam-ma-mu
14. mi#-ni-in-du3-a
15. nam-sumun-ba ni2-te-a-ne-ne-a
16. i3-szub-szub-bu-usz-am3
17. sza3 iti 2(disz)-kam-ma-ta
18. szeg12-bi mi-ni-du8
19. gal-bi im-mi-du3
20. sag-ne-ne hur-sag-gin7 mi-ni-il2
21. kilib3# kur-kur-ra-ke4
22. suhusz-bi# mi#-[ni]-ge-en
@column 4
1. ka2-dingir-ra{ki}
2. mu-bi hu-mu-ni-mah
3. an-ub-da limmu2-ba
4. he2-bi2-diri
5. ni2 me-lam2
6. nam-lugal-la-mu-um
7. za3 an-ki-ke4 he2-en-dul
8. ur5-sze3-am3
9. dingir gal-gal-e-ne
10. igi zalag-ga-ne-ne-a
11. hu-mu-szi-in-bar-re-esz
12. nam-ti-la {d}nanna-gin7
13. iti-iti-da mu2-mu2-dam
14. nam-sipa an ub-ta limmu2-ba
15. silim-ma du-ri2-sze3# ak-da
16. sza3 kur-ku-da-mu
17. dingir-gin7 sa2-di-da
18. u4-szu2-sze3 sag il2-la
19. asila sza3 hul2-la-ta du-du-da
20. sag-e-esz hu-mu-rig7-esz
Total 1 record(s)