RINAP 4 Esarhaddon add144 (Succession Treaty) composite artifact (P519586)

object composite artifact
obverse
surface a
column 1
1. _{na4}kiszib_ {d}a-szur4 _lugal dingir-mesz_
 en: Seal of (the god) Aššur, king of the gods,
  single ruling
column 2
1. _en kur-kur_ sza la szu-un-ne2-e
 en: lord of the lands—not to be altered;
  single ruling
column 3
1. _{na4}kiszib nun_-e _gal_-e _ad dingir-mesz_
 en: seal of the great ruler, father of the gods—
  single ruling
column 4
1. sza la pa-qa-a-ri
 en: not to be disputed.
  single ruling
surface b
column 1
Paragraph 01 Preamble
1. a-de-e sza {disz}asz-szur-pap-asz _man szu2 man kur_ asz-szur{ki}
 en: The treaty of Esarhaddon, king of the world, king of Assyria,
2. _dumu_ {disz}{d}sin-pap-mesz-su _man szu2 man kur_ asz-szur-ma
 en: son of Sennacherib, king of the world, king of Assyria,
3. _ta@v_ {disz}hum-ba-re-esz _{lu2}en-iri_ {iri}na-ah-szi-mar-ti
 en: with Humbareš, city-ruler of Nahšimarti,
4. _ta@v dumu-mesz_-szu2 _dumu-dumu-mesz_-szu2 _ta@v_ {iri}na-ah-szi-mar-ta-a-a
 en: his sons, his grandsons, with all the Nahšimarteans,
5. _{lu2}erin2-mesz szu-min_-szu2 gab-bu _tur_ u _gal_ ma-la ba-szu-u
 en: the troops in his hands young and old, as many as there are
6. _ta@v_ na-pa-ah {d}utu-szi a-di ra-ba {d}szam-szi
 en: from sunrise to sunset,
7. am-mar {disz}asz-szur-pap-asz _man kur_ asz-szur _lugal_-tu be-lu-tu
 en: all those over whom Esarhaddon, king of Assyria, kingship and lordship,
8. ina _ugu_-hi-szu2-nu up-pa-asz2-u-ni
 en: exercises
9. is-si-ku-nu _ta@v dumu-mesz_-ku-nu _dumu-dumu-mesz_-ku-nu
 en: (with) you all, your sons and your grandsons
10. sza _egir_ a-de-e a-na _u4_-me s,a-a-ti ib-ba-asz2-szu2-u-ni
 en: who after this treaty in days to come will be born,
11. sza2 ina _ugu_ {disz}asz-szur-du3-a _dumu-man gal_ sza _e2 usz_-ti _dumu_ {disz}asz-szur-pap-asz
 en: concerning Assurbanipal, the great crown prince designate, son of Esarhaddon,
12. _man kur_ asz-szur sza ina _ugu_-hi-szu2 a-de-e is-si-ku-nu isz-ku-nu-ni
 en: king of Assyria, on behalf of whom this treaty with you all he has concluded.
  single ruling
  blank space
  seal 1 impression
  single ruling
Paragraph 02 Divine Witnesses
13. ina _igi_ {mul}sag-me-gar {mul}dil-bat
 en: (which) in the presence of Jupiter, Venus,
14. {mul}udu-idim-sag-usz {mul}udu-idim-gu4-ud
 en: Saturn, Mercury,
15. {mul}s,al-bat-a-nu {mul}gag-si-sa2
 en: Mars and Sirius;
16. ina _igi_ {d}asz-szur {d}a-num {d}en-lil2 {d}e2-a
 en: in the presence of Aššur, Anu, Illil, Ea,
17. {d}sin {d}sza2-masz {d}iszkur {d}marduk
 en: Sîn, Šamaš, Adda, Marduk,
18. {d}pa {d}pa-tug2 {d}urta {d}u-gur
 en: Nabû, Nusku, Uraš, Nergal,
19. {d}nin-lil2 {d}sze-ru-u-a {d}be-let-dingir-mesz
 en: Mullissu, Šerua, Bēlet-ilī,
20. {d}1(u)-5(disz) sza {iri}nina{ki} {d}1(u)-5(disz) sza {iri}arba-il3
 en: Ištar of Nineveh, Ištar of Arbela,
21. _dingir-mesz_ a-szi-bu-ti _an_-e u3 _ki_-tim
 en: the gods dwelling in heaven and on earth,
22. _dingir-mesz kur_ asz-szur _dingir-mesz kur_ szu-me-ri u _uri{ki}_
 en: the gods of Assyria, the gods of Sumer and Akkad,
23. _dingir-mesz kur-kur du3_-szu2-nu u2-dan-nin-u-ni
 en: all the gods of the lands, he confirmed,
24. is,-ba-tu isz-ku-nu-ni
 en: made and concluded.
  single ruling
Paragraph 03 Adjuration
25. {d}asz-szur _ad dingir-mesz en kur-kur_ ti-tam-ma-a
 en: By Aššur, father of the gods, lord of the lands, swear each of you!
26. {d}a-num {d}en-lil2 {d}e2-a _min_
 en: By Anu, Illil (and) Ea ditto!
27. {d}sin {d}sza2-masz {d}iszkur {d}marduk_min_
 en: By Sîn, Šamaš, Adad (and) Marduk ditto!
28. {d}ag {d}pa-tug2 {d}urta {d}u-gur _min_
 en: By Nabû, Nusku, Uraš (and) Nergal ditto!
29. {d}nin-lil2 {d}sze-ru-u-a {d}be-let-dingir-mesz _min_
 en: By Mullissu, Šerua (and) Bēlet-ilī ditto!
30. {d}1(u)-5(disz) sza {iri}nina{ki} {d}1(u)-5(disz) sza {iri}arba-il3 _min_
 en: By Ištar of Nineveh (and) Ištar of Arbela ditto!
31. _dingir-mesz du3_-szu2-nu sza {iri}sza3-iri _min_
 en: By all the gods of the Inner City ditto!
32. _dingir-mesz du3_-szu2-nu sza {iri}nina{ki} _min_
 en: By all the gods of Nineveh ditto!
33. _dingir-mesz du3_-szu2-nu sza {iri}kal-ha _min_
 en: By all the gods of Calaḫ ditto!
34. _dingir-mesz du3_-szu2-nu sza {iri}arba-il3 _min_
 en: By all the gods of Arbela ditto!
35. _dingir-mesz du3_-szu2-nu sza {iri}kal3-zi _min_
 en: By all the gods of Kilizi ditto!
36. _dingir-mesz du3_-szu2-nu sza _{iri}kaskal _min_
 en: By all the gods of Ḫarran ditto!
37. _dingir-mesz_ babila2{ki} bar2-sipa2{ki} nibru{ki} du3_-szu2-nu _min_
 en: By all the gods of Babylon, Borsippa (and) Nippur ditto!
38. _dingir-mesz kur_ asz-szur _du3_-szu2-nu _min_
 en: By all the gods of Assyria ditto!
39. _dingir-mesz kur_ szu-me-ri u _uri{ki} du3_-szu2-nu _min_
 en: By all the gods of Sumer (and) Akkad ditto!
40. _dingir-mesz kur-kur du3_-szu2-nu _min_
 en: By all the gods of the lands ditto!
40.a. _dingir-mesz_ sza2 _an_-e u _ki_-tim _du3_-szu2-nu _min_
 en: By all the gods of heaven (and) earth ditto!
40.b. _dingir-mesz kur_-szu na-gi-szu
 en: By all the gods of one's land (and) one's district!
  single ruling
Paragraph 04 Assurbanipal Designated Heir to Throne
41. a-de-e sza {disz}asz-szur-pap-asz _man kur_ asz-szur ina _igi dingir-mesz gal-mesz_
42. sza2 _an_-e u _ki_-tim is-si-ku-nu isz-ku-nu-u-ni
43. ina _ugu_ {disz}asz-szur-du3-a _dumu-man gal_ sza2 _e2 usz_-ti
44. _dumu_ {disz}asz-szur-pap-asz _man kur_ asz-szur _en_-ku-nu sza2 a-na _dumu-man_-u-te
45. sza2 _e2 usz_-ti _mu_-szu2 iz-kur-u-ni ip-qi-du-szu2-u-ni
46. ki-ma {disz}asz-szur-pap-asz _man kur_ asz-szur a-na szim-ti it-ta-lak
47. {disz}asz-szur-du3-a _dumu-man gal_ sza2 _e2 usz_-ti ina _{gesz}gu-za_-e
48. _lugal_-ti tu-sze-szab-ba _lugal_-u-tu2 _en_-u-tu2
49. sza2 _kur_ asz-szur ina _ugu_-hi-ku-nu up-pa-asz2 ina _a-sza3_ ina bir-ti _iri_
50. la ta-na-s,ar-szu2-u-ni ina _ugu_-hi-szu2 la ta-ma-qut-a-ni
51. la ta-mut-ta-a-ni ina ket-ti sza2 lib3-bi-ku-nu
52. is-si-szu2 la ta-da-bu-ba-a-ni mil-ku _saga_
53. sza2 gam-mur-ti lib3-bi-ku-nu la ta-mal-lik-a-szu2-u-ni
54. _kaskal saga_ ina _giri3-min-mesz_-szu2 la ta-sza2-kan-a-ni
55. szum-ma at-tu-nu tu-nak-kar-a-szu-ni _ta@v sza3 szesz-mesz_-szu2
56. _gal-mesz tur-mesz_ ina ku-mu-szu2 ina _{gesz}gu-za kur_ asz-szur{ki}
57. tu-sze-szab-a-ni szum-ma a-bu-tu2 sza2 {disz}asz-szur-pap-asz _man kur_ asz-szur{ki}
58. te-na-a-ni tu-sza2-an-na-a-ni szum-ma {disz}asz-szur-du3-a _dumu-man gal_-u
59. sza2 _e2 usz_-ti sza2 {disz}asz-szur-pap-asz _man kur_ asz-szur{ki} _en_-ku-nu
60. u2-kal-lim-ka-nu-ni ha-an-nu-um-ma la ta-da-gal-a-ni
61. _lugal_-u-tu2 _en_-u-tu2 sza2 _kur_ asz-szur ina _ugu_-hi-ku-nu la u2-pa-asz2-u-ni
Paragraph 05 Obligation to Protect Heir
62. szum-ma at-tu-nu a-na {disz}asz-szur-du3-a _dumu-man gal_ sza2 _e2 usz_-ti
63. sza2 {disz}asz-szur-pap-asz _man kur_ asz-szur{ki} u2-kal-lim-u-ka-nu-ni
64. iq-ba-ka-nu-ni a-de-e ina _ugu_-hi-szu2 is-si-ku-nu
65. u2-dan-nin-u-ni isz-ku-nu-ni la ta-na-s,ar-a-ni
66. ina lib3-bi-szu2 ta-ha-t,a-a-ni _szu-min_-ku-nu a-na _hul_-tim
67. ina lib3-bi-szu2 tu-bal-a-ni ep-szu2 bar-tu a-bu-tu2 la _du10-ga_-tu2
68. la _saga_-tu2 te-ep-pa-sza2-ni-szu2-u-ni ina _lugal_-ti _kur_ asz-szur
69. tu-nak-ka-ra-szu2-u-ni _ta@v_ lib3-bi _szesz-mesz_-szu2 _gal-mesz tur-mesz_
70. ina ku-mu-szu2 _{gesz}gu-za kur_ asz-szur tu-sza2-as,-bat-a-ni
71. _lugal_ sza2-nu-um-ma _en_ sza2-nu-um-ma ina _ugu_-hi-ku-nu ta-sza2-kan-a-ni
72. a-na _lugal_ sza2-ni-ma _dumu-man_ sza2-ni-ma ma-mit ta-tam-ma-a-ni
  single ruling
column 2
  single ruling
Paragraph 06 Obligation to Report Opposition to Succession
1. szum-ma at-tu-nu a-bu-tu2 la _du10-ga_-tu2 la ba-ni-tu2
2. la ta-ri-su sza e-pesz _lugal_-te sza2 ina _ugu_ {disz}asz-szur-du3-a
3. _dumu-man gal_-u sza2 _e2 usz_-te la tar-s,a-tu2-u-ni la t,a-bat-u-ni
4. lu-u ina pi-i _szesz-mesz_-szu2 _szesz-mesz-ad-mesz_-szu2 _dumu-szesz-mesz-ad-mesz_-szu2
5. qin-ni-szu2 _numun e2-ad_-szu2 lu ina pi-i _{lu2}gal-mesz {lu2}nam-mesz_
6. lu ina pi-i {lu2}sza2-ziq-ni _{lu2}sag-mesz_
  single ruling
7. lu-u ina pi-i {lu2}um-ma-ni lu-u ina pi-i nap-har s,al-mat-_sag-du_
8. ma-la ba-szu-u ta-szam-ma-a-ni tu-pa-za-ra-a-ni
9. la ta-lak-a-ni-ni a-na {disz}asz-szur-du3-a _dumu-man gal_-u
10. sza2 _e2 usz_-ti la ta-qab-ba-a-ni
  single ruling
  blank space
  seals 1-2 impressions
  single ruling
Paragraph 07 Succession at Esarhaddon's Untimely Death
11. szum-ma {disz}asz-szur-pap-asz _man kur_ asz-szur ina s,a-ha-ri sza2 _dumu-mesz_-szu2
12. a-na szim-ti it-ta-lak {disz}asz-szur-du3-a _dumu-man gal_-u
13. sza2 _e2 usz_-ti _{gesz}gu-za_ sza2 _kur_ asz-szur tu-sza2-as,-ba-ta
14. _{disz}{d}gesz-nu11-mu-gi-na szesz_ ta-li-me-szu2 _dumu-man_ sza2 _e2 usz_-ti
15. sza2 babila2{ki} ina _{gesz}gu-za lugal_-ti sza2 babila2{ki}
16. tu-sze-sza2-ba _lugal_-ti _kur_ szu-me-ri u _uri{ki}_ {kur}kar-{d}dun-ia2-asz2
17. _du3-a-bi_ ina pa-ni-szu2 tu-szad-ga-la ti-din-tu2
18. am-mar {disz}asz-szur-pap-asz _man kur_ asz-szur _ad_-szu2 id-din-na-szu2-ni
19. is-si-szu2 ub-bal 1(disz)-en la ta-kal-la-a
Paragraph 08 Definition of Loyalty
20. szum-ma {disz}asz-szur-du3-a _dumu-man gal_ sza2 _e2 usz_-ti
21. sza2 {disz}asz-szur-pap-asz _man kur_ asz-szur u2-kal-lim-u-ka-nu-ni
22. u3 _szesz-mesz_-szu2 _dumu ama_-szu2 sza2 {disz}asz-szur-du3-a _dumu-man gal_-u
23. sza2 _e2 usz_-ti sza2 {disz}asz-szur-pap-asz _man kur_ asz-szur ina _ugu_-hi-szu2-nu
24. a-de-e is-si-ku-nu isz-ku-nu-ni ket-tu sza2-lim-tu
25. la tu-kal-la-a-ni ina ke-na-a-te tar-s,a-a-ti
26. la ta-ta-nab-bal-a-sza2-nu-u-ni ina ket-ti sza2 lib3-bi-ku-nu
27. is-si-szu2-nu la ta-da-bu-ba-ni ina _a-sza3_ bir-ti _iri_
28. la ta-na-s,ar-a-szu2-nu-u-ni
  single ruling
Paragraph 09 Prohibition of Disloyal Conduct
29. szum-ma {disz}asz-szur-du3-a _dumu-man gal_-u sza2 _e2 usz_-ti
30. sza2 {disz}asz-szur-pap-asz _man kur_ asz-szur iq-ba-ka-nu-u-ni
31. u _szesz-mesz_-szu2 _dumu ama_-szu2 sza2 {disz}asz-szur-du3-a _dumu-man gal_-u
32. sza _e2 usz_-te ina _ugu_-hi-szu2-nu a-de-e is-si-ku-nu
33. isz-ku-nu-u-ni ta-ha-t,a-a-ni qa-at-ku-nu ina _hul_-tim
34. ina lib3-bi-szu2-nu tu-bal-a-ni
35. ep-szu2 bar-tu2 a-bu-tu2 la _du10-ga_-tu2 te-pa-sza2-ni-szu2-nu-u-ni
  single ruling
Paragraph 10 Obligation to Report Treason
36. szum-ma a-bu-tu2 la _du10-ga_-tu2 la de-iq-tu2
37. la ba-ni-tu2 ina _ugu_ {disz}asz-szur-du3-a _dumu-man gal_ sza _e2 usz_-ti
38. _dumu_ {disz}asz-szur-pap-asz _man kur_ asz-szur _en_-ku-nu la tar-s,a-at-u-ni
39. la t,a-bat-u-ni lu-u ina pi-i _{lu2}kur2_-szu2
40. lu-u ina pi-i sal-me-szu2
41. lu ina pi-i _szesz-mesz_-szu2
42. _szesz-mesz-ad-mesz_-szu2 _dumu-szesz-mesz-ad-mesz_-szu2
43. qin-ni-szu _numun e2-ad_-szu lu-u ina pi-i _szesz-mesz_-ku-nu
44. _dumu-mesz_-ku-nu _dumu-munus-mesz_-ku-nu lu ina pi-i {lu2}ra-gi-me
45. {lu2}mah-he-e _dumu_ sza2-'i-li a-mat _dingir_
46. lu-u ina pi-i nap-har s,al-mat-_sag-du_ mal ba-szu2-u
47. ta-szam-ma-a-ni tu-pa-za-ra-a-ni
48. la ta-lak-a-ni-ni a-na {disz}asz-szur-du3-a _dumu-man gal_-u
49. sza2 _e2 usz_-te _dumu_ {disz}asz-szur-pap-asz _man kur_ asz-szur
50. la ta-qab-ba-a-ni
  single ruling
Paragraph 11 Injunction against Treason
51. szum-ma at-tu-nu {disz}asz-szur-du3-a _dumu-man gal_-u
52. sza2 _e2 usz_-te sza {disz}asz-szur-pap-asz _man kur_ asz-szur
53. iq-ba-ka-nu-u-ni la t,a-ab-tu2 la de-iq-tu2
54. te-ep-pa-sza2-ni-szu-un-ni ta-s,a-ba-ta-szu-u-ni
55. ta-du-ka-szu2-u-ni a-na _{lu2}kur2_-szu2 ta-da-na-szu-u-ni
56. a-na _lugal_-u-te _kur_ asz-szur tu-nak-kar-a-szu2-u-ni
57. a-na _lugal_ sza2-nim-ma _en_ sza2-nim-ma ma-mit ta-tam-ma-ni
  single ruling
Paragraph 12 Action against Those Suborning Treason
58. szum-ma me-me-ni a-na {disz}asz-szur-du3-a _dumu-man gal_ sza2 _e2 usz_-te
59. _dumu_ {disz}asz-szur-pap-asz _man kur_ asz-szur _en_-ku-nu sza2 ina _ugu_-hi-szu2
60. a-de-e is-si-ku-nu isz-ku-nu-u-ni
61. si-hu bar-tu2 sza2 du-a-ki-szu sza-mut-ti-szu
62. hul-lu-qi-szu2 a-na ka-szu-nu iq-ba-ka-nu-u-ni
63. u3 at-tu-nu ina pi-i me-me-ni ta-szam-ma-a-ni
64. e-pisz-a-nu-te sza2 bar-te la ta-s,ab-bat-a-ni-ni
65. ina _ugu_ {disz}asz-szur-du3-a _dumu-man gal_ sza _e2 usz_-ti
66. la tu-bal-a-ni-ni szum-ma am-mar s,a-ba-ti-szu2-nu
67. du-a-ki-szu2-nu ma-s,a-ku-nu la ta-s,ab-bat-a-sza2-nu-ni
68. la ta-du-ka-a-sza2-nu-ni _mu_-szu2-nu _numun_-szu2-nu
69. ina _kur_ la tu-hal-laq-qa-a-ni
70. szum-ma am-mar s,a-ba-te-szu2-nu du-a-ki-szu2-nu
71. la ma-s,a-ku-nu _gesztu-min_ sza2 {disz}asz-szur-du3-a _dumu-man gal_-u
72. sza _e2 usz_-ti la tu2-pat-ta-a-ni is-si-szu2
73. la ta-za-za-a-ni e-pisz-a-nu-ti sza2 bar-te
74. la ta-s,ab-bat-a-ni la ta-du-ka-a-ni
  single ruling
column 3
  single ruling
Paragraph 13 Action against Traitors
1. szum-ma e-pi-sza2-nu-te sza2 bar-te lu-u e-s,u-te lu-u ma-a'-du-te
2. is-si-szu2-nu ta-sza2-kan-a-ni du-un-qu la du-un-qu
3. ta-szam-ma-a-ni
4. a-na {disz}asz-szur-du3-a _dumu-man gal_-u sza2 _e2 usz_-ti
5. _dumu_ {disz}asz-szur-pap-asz _man kur_ asz-szur la ta-lak-a-ni-ni
6. la ta-qab-ba-a-ni lib-ba-ku-nu is-si-szu la gam-mur-u-ni
7. sza _dingir-mesz_-ni u2-sze-sza2-bu-u-ni a-de-e ina _igi dingir-mesz_-ni
8. i-sza2-kan-u-ni ina ri-kis _{gesz}banszur_ sza2-te-e ka-si
  single ruling
9. ni-pi-ih {d}gesz-bar _a-mesz i3-mesz_ s,i-bit tu-le-e
10. a-na a-he-isz tu-tam-ma-a-ni a-na {disz}asz-szur-du3-a _dumu-man gal_-u
11. sza2 _e2 usz_-ti _dumu_ {disz}asz-szur-pap-asz _man kur_ asz-szur _en_-ku-nu
  single ruling
  blank space
  seal 3 impression
  single ruling
12. la tal-lak-a-ni-ni la ta-qab-ba-a-ni
13. e-pisz-a-nu-ti sza2 bar-ti u3 _{lu2}erin2-mesz en_-hi-t,i
14. la ta-s,ab-bat-a-ni-ni la ta-du-ka-a-ni
15. _mu_-szu2-nu _numun_-szu2-nu ina _kur_ la tu-hal-laq-qa-a-ni
  single ruling
Paragraph 14 Action against Open Rebellion
16. szum-ma lu {lu2}asz-szu-ra-a-a lu da-gil2-pa-ni sza2 _kur_ asz-szur
17. lu-u {lu2}sza2-ziq-ni lu-u _{lu2}sag_ lu _dumu kur_ asz-szur{ki}
18. lu _dumu kur_ sza2-ni-tim-ma lu ina szik-nat_-zi_-tim ma-la ba-szu2-u
19. a-na {disz}asz-szur-du3-a _dumu-man gal_ sza2 _e2 usz_-te lu ina _a-sza3_
20. lu ina _sza3 iri_ e-ta-as-ru-szu2 si-hu bar-tu2 ina _ugu_-hi-szu2 e-tap-szu
21. at-tu-nu _ta@v_ {disz}asz-szur-du3-a _dumu-man gal_ sza2 _e2 usz_-ti
22. la ta-za-za-a-ni la ta-na-s,ar-a-szu2-u-ni
23. _{lu2}erin2-mesz_ sza2 bar-ti e-pa-szu2-ni-szu2-u-ni ina gam-mur-ti lib3-bi-ku-nu
24. la ta-du-ka-a-ni a-na {disz}asz-szur-du3-a _dumu-man gal_
25. sza2 _e2 usz_-ti u _szesz-mesz_-szu2 _dumu ama_-szu2 is-si-szu2
26. la tu-sze-za-ba-a-ni-ni
  single ruling
Paragraph 15 Obligation to Escape from Rebels
27. szum-ma sza _ta@v_ {disz}asz-szur-du3-a _dumu-man gal_ sza2 _e2_-re-du-ti
28. _dumu_ {disz}asz-szur-pap-asz _man kur_ asz-szur _en_-ku-nu sza2 ina _ugu_-hi-szu2
29. a-de-e is-si-ku-nu isz-ku-nu-u-ni ib-bal-kat3-u-ni
30. at-tu-nu is-si-szu2 ta-sza2-kan-a-ni
31. szum-ma ki-i da-'a-a-ni is,-s,ab-tu-ku-nu
32. at-tu-nu la ta-hal-liq-a-ni ina _ugu_ {disz}asz-szur-du3-a
33. _dumu-man gal_-u sza2 _e2 usz_-ti la tal-lak-a-ni-ni
  single ruling
Paragraph 16 Rejection of Rebellion
34. szum-ma at-tu2-nu lu ina x-e hu-ra-di ...
35. lu ina _u4_-me? ra-qi ki-i qa-bal _kur_
36. asz2-ba-ka-nu-ni lu ki-i ina pi-ir-ri
37. te-rab-a-ni-ni a-bu-tu2 la _du10-ga_-tu2
38. sza2 {disz}asz-szur-du3-a _dumu-man gal_-u sza2 _e2 usz_-ti
39. ina lib3-bi-ku-nu ta-sza2-kan-a-ni ina _ugu_-hi-szu2
40. ta-bal-kat3-a-ni ep-szu bar-tu a-bu-tu
41. la _du10-ga_-tu2 te-pa-sza2-nisz-u-ni
  single ruling
Paragraph 17 Succession of Assurbanipal
42. szum-ma {disz}asz-szur-du3-a _dumu-man gal_-u sza2 _e2-usz_-ti
43. _dumu_ {disz}asz-szur-pap-asz _man kur_ asz-szur _en_-ku-nu ina _u4_-me sza2 {disz}asz-szur-pap-asz
44. _man kur_ asz-szur _en_-ku-nu a-na szim-ti il-lak-u2-ni
45. szu-u la _lugal_-ka-nu-ni la _en_-ka-nu-u-ni
46. dan-nu la u2-szap-pal-u-ni szap-lu la i-ma-tah2-u-ni
47. sza2 du-a-ki la i-du-ku-u-ni sza bal-lu-t,i2
48. la u2-bal-lat,-u-ni am-mar i-qab-bu-u-ni
49. la ta-szam-ma-a-ni ki-i pi-i-szu2
50. la te-pa-sza2-a-ni _lugal man_-ma _en man_-ma
51. ina _ugu_-hi-szu2 tu-ba-'a-a-ni
  single ruling
Paragraph 18 Rejection of Palace Revolt against Esarhaddon
52. szum-ma me-me-ni ina _e2-gal_ bar-tu lu ina kal _u4_-me
53. lu-u ina kal _mi_ lu-u ina _kaskal_ lu ina qab-si _kur_ a-na
54. {disz}asz-szur-pap-asz _man kur_ asz-szur e-ta-pa-asz2 at-tu-nu
55. la tasz-me-a-szu2 lu-u ina kal _u4_-me lu-u ina kal mu-szi
56. ina la si-me-ni-szu2 _{lu2}a_-szip-ri _ta@v sza3 e2-gal_
57. ina _ugu dumu-man_ it-tal-ka ma-a _ad_-ka
58. re-esz-ka i-ti-szi ma-a _en_ lil-li-ka
59. at-tu-nu la ta-szam-me-a-szu2 la tu-ra-ma-szu2
60. la il-lak ma-s,ar-tu-szu2 tu-da-a-na
61. a-di 1(disz)-en ina lib3-bi-ku-nu sza _en_-szu i-ra-'a-mu-u-ni
62. ina _ugu e2-en-mesz_-szu mar-s,a-szu-u-ni
63. il-lak-u-ni ina _e2-gal di_-mu sza2 _lugal en_-szu
64. e-mar-u-ni ha-ra-me-ma _ta@v dumu-man_
65. _en_-ku-nu ina _e2-gal_ tal-la-ka
  single ruling
Paragraph 19 Prohibition against Seditious Meetings
66. szum-ma at-tu-nu pu-uh-ru ta-sza2-kan-a-ni a-he-isz
67. tu-tam-ma-a-ni a-na 1(disz)-en ina lib3-bi-ku-nu _lugal_-u-tu ta-dan-a-ni
  single ruling
Paragraph 20 Action against Pretenders to Throne
68. szum-ma at-tu-nu _ta@v_ lib3-bi _szesz-mesz_-szu2 _szesz-mesz-ad-mesz_-szu2
69. _dumu-szesz-mesz-ad-mesz_-szu2 qin-ni-szu _numun e2-ad_-szu2
70. lu-u sza2 ina _kur_ asz-szur szu-nu-u-ni lu sza2 ina _kur_ sza2-ni-tim-ma
71. in-nab-tu-u-ni lu-u ina kal-zi _e2-gal_ qur-bu-ti
  single ruling
column 4
  single ruling
1. lu-u ina kal-zi _e2-gal_ pa-ti-u2-ti lu-u ina kal-za-a-ni
2. _gal-mesz tur-mesz_ lu-u ina _gal-mesz tur-mesz_-te
3. lu-u ina _dumu-saga-mesz_ lu-u ina _dumu_-musz-ke-nu-ti
4. lu sza2 {lu2}ziq-ni lu _{lu2}sag_ lu-u ina _{lu2}ARAD-mesz_
5. lu-u ina _{lu2}szam2-mesz_ lu ina _dumu kur_ asz-szur lu ina _dumu kur_
6. sza2-ni-tim-ma lu-u ina nap-har s,al-mat-_sag-du_ mal ba-szu-u
7. 1(disz)-en ina lib3-bi-ku-nu _{gesz}gu-za kur_ asz-szur tu-sza2-as,-bat-a-ni
8. _lugal_-u2-tu2 _en_-u2-tu2 sza2 _kur_ asz-szur ta-da-na-nisz-szu2-ni
9. szum-ma {disz}asz-szur-du3-a _dumu-man gal_-u sza2 _e2 usz_-te
10. _{gesz}gu-za_ sza2 _kur_ asz-szur{ki} la tu2-sza2-as,-bat-a-ni
11. _lugal_-tu2 _en_-tu2 sza2 _kur_ asz-szur ina _ugu_-hi-ku-nu la u2-pa-asz2-u2-ni
  single ruling
  blank space
  seal 3 impression
  single ruling
Paragraph 21 Allegiance to Assurbanipal
12. szum-ma at-tu-nu ina _ugu_ {disz}asz-szur-du3-a _dumu-man gal_ sza2 _e2 usz_-te
13. _dumu_ {disz}asz-szur-pap-asz _man kur_ asz-szur _en_-ku-nu la ta-ma-qut-a-ni
14. la ta-mut-ta-a-ni sza2 ina _ugu_-hi-szu2 t,a-bu-u-ni
15. la tu-ba-'a-a-ni la te-ep-pa-sza2-a-ni
16. szum-ma la _du10-ga_-tu2 te-ep-pa-sza2-nisz-szu2-un-ni
17. mil-ku la dam-qu ta-mal-lik-a-szu2-u-ni
18. _kaskal_ la szal-mu ina _giri3-min_-szu2 ta-sza2-kan-a-ni
19. ina ke-na-a-te tar-s,a-a-te la ta-ta-nab-bal-a-szu2-u-ni
  single ruling
Paragraph 22 Action against Murderer of Assurbanipal
20. szum-ma {disz}asz-szur-pap-asz _man kur_ asz-szur _en_-ku-nu ina s,a-ha-ri sza2 _dumu-mesz_-szu2
21. a-na szim-te it-ta-lak lu _{lu2}sag_ lu {lu2}sza2-ziq-ni
22. a-na {disz}asz-szur-du3-a _dumu-man gal_-u
23. sza2 _e2 usz_-te i-du-ak
24. _lugal_-u-tu sza2 _kur_ asz-szur it-ti-szi
  single ruling
25. szum-ma at-tu-nu is-si-szu2 ta-sza2-kan-a-ni
26. a-na _{lu2}ARAD_-nu-ti-szu2 ta-tu-ra-a-ni
27. la ta-bal-kat3-a-ni la ta-na-kir-a-ni
28. _kur-kur_ gab-bu is-si-szu2 la tu-szam-kar-a-ni si-hu ina _ugu_-hi-szu2 la ta-sza2-kan-a-ni
29. la ta-s,ab-bat-a-ni-szu2-u-ni la ta-du-ka-szu2-u-ni
30. u3 _dumu_ {disz}asz-szur-du3-a _dumu-man gal_ sza2 _e2 usz_-ti
31. _{gesz}gu-za_ sza2 _kur_ asz-szur{ki} la tu-sza2-as,-bat-a-ni
  single ruling
32. szum-ma at-tu-nu ina _igi munus-a_-ri-ti
33. sza2 {disz}asz-szur-pap-asz _man kur_ asz-szur{ki} u3 _dam_ {disz}asz-szur-du3-a _dumu-man gal_-u
34. sza2 _e2 usz_-ti la ta-da-gal-a-ni
35. ki-ma it-tab-szi la tu-rab-ba-a-ni
36. _{gesz}gu-za_ sza2 _kur_ asz-szur{ki} la tu-sza2-as,-bat-a-ni
37. e-pi-sza2-nu-ti sza2 bar-ti la ta-s,ab-bat-a-ni-ni
38. la ta-du-ka-a-ni _mu_-szu2-nu _numun_-szu2-nu
39. ina _kur_ la tu-hal-laq-qa-a-ni da-me ku-um da-me
40. la ta-ta-ba-ka-a-ni gi-im-lu
41. sza2 {disz}asz-szur-du3-a _dumu-man gal_-u sza2 _e2 usz_-te
Paragraph 23 Prohibition against Killing Assurbanipal
42. la tu-tar-ra-a-ni-ni szum-ma at-tu-nu
43. a-na {disz}asz-szur-du3-a _dumu-man gal_-u sza2 _e2 usz_-te
44. _dumu_ {disz}asz-szur-pap-asz _man kur_ asz-szur _en_-ku-nu
45. szam-mu sza2 mu-a-ti-szu2 tu-sza2-kal-a-szu2-u-ni
46. ta-sza2-qi-a-szu2-u-ni ta-pa-sza2-sza2-szu-u-ni
47. kisz-pi te-ep-pa-sza2-nisz-szu2-u-ni _dingir-mesz_ u {d}isz-tar
48. is-si-szu2 tu-sza2-az-na-a-ni
  single ruling
Paragraph 24 Action in Favour of Assurbanipal's Brothers
49. szum-ma at-tu-nu a-na {disz}asz-szur-du3-a _dumu-man gal_-u sza2 _e2 usz_-te
50. _dumu_ {disz}asz-szur-pap-asz _man kur_ asz-szur _en_-ku-nu
51. ki-i nap-sza2-te-ku-nu la tar-'a-ma-a-ni
52. szum-ma at-tu-nu ina _igi_ {disz}asz-szur-du3-a _dumu-man gal_ sza2 _e2 usz_-ti
53. sza2 _szesz-mesz_-szu2 _dumu ama_-szu2 kar-s,i-szu2-nu ta-kal-a-ni
54. la _mun_-szu2-nu ta-qab-ba-a-ni _a2-min_-ku-nu
55. ina _e2-mesz_-szu2-nu tu-bal-a-ni ina lib3-bi-szu2-nu ta-ha-t,a-a-ni
56. _ta@v_ lib3-bi ti-din-tu2 sza2 {disz}asz-szur-pap-asz _man kur_ asz-szur _ad_-szu2-nu i-din-na-sza2-nu-ni
57. qi-ni-tu sza2 szu2-nu iq-nu-u-ni ta-na-asz2-sza2-a-ni
58. szum-ma ti-din-tu2 _a-sza3-mesz e2-mesz {gesz}sar-mesz_
59. _ug3-mesz_ u2-nu-tu2 _ansze-kur-ra-mesz ansze-giri3-nun-na_
60. _ansze-mesz gu4-mesz udu-mesz_ sza2 {disz}asz-szur-pap-asz _man kur_ asz-szur{ki}
61. a-na _dumu-mesz_-szu2 id-din-u-ni la ina pa-ni-szu2-nu la szu-tu2-u-ni
62. szum-ma de-iq-ta-szu2-nu ina _igi_ {disz}asz-szur-du3-a _dumu-man gal_
63. sza2 _e2 usz_-ti la ta-qab-ba-a-ni
64. szum-ma ina _igi_-ni-szu2 la i-za-zu-u-ni is-si-ku-nu
65. la u2-sa-ta-mah-u-ni
  single ruling
Paragraph 25 Perpetuating Allegiance to Assurbanipal
66. a-de-e an-nu-ti sza2 {disz}asz-szur-pap-asz _man kur_ asz-szur{ki}
67. ina _ugu_ {disz}asz-szur-du3-a _dumu-man gal_ sza2 _e2 usz_-ti
68. u _szesz-mesz_-szu2 _dumu ama_-szu2 sza2 {disz}asz-szur-du3-a _dumu-man gal_
69. sza2 _e2 usz_-ti u2-dan-nin-u-ni is-si-ku-nu
70. isz-kun-u-ni ta-me-tu2 u2-tam-mu-ka-nu-ni
71. a-na _dumu-mesz_-ku-nu _dumu-dumu-mesz_-ku-nu a-na _numun_-ku-nu
72. a-na _numun-numun_-ku-nu sza2 _egir_ a-de-e a-na _u4_-me s,a-a-ti
73. ib-ba-szu2-u-ni la ta-qab-ba-a-ni t,e3-mu
reverse
column 1
  single ruling
1. la ta-sza2-kan-szu2-u-ni ma-a a-de-e an-nu-te
2. us,-ra ma-a ina lib3-bi a-de-e-ku-nu la ta-ha-t,i-a
3. _zi-mesz_-ku-nu la tu-hal-la-qa
4. ma-a _kur_-ku-nu a-na ha-pe-e _ug3-mesz_-ku-nu
5. a-na szal-la-li la ta-da-na ma-a a-bu-tu2
6. an-ni-tu sza2 ina _igi dingir-mesz_ a-me-lu-te mah-rat-u-ni
7. szi-i ina pa-ni-ku-nu lu mah-rat ina _ugu_-hi-ku-nu lu t,a-bat
8. {disz}asz-szur-du3-a _dumu-man gal_ sza2 _e2 usz_-ti a-na be-lu-ti
9. _kur_ u _ug3-mesz_ lu na-s,ir
10. _egir_ a-na _lugal_-u2-ti lu na-bi _mu_-szu2
11. _lugal man_-ma _en man_-ma ina _ugu_-hi-ku-nu la ta-sza2-ka-na
Paragraph 26 Action against Usurper of Esarhaddon's Throne
12. szum-ma me-me-ni ina _ugu_ {disz}asz-szur-pap-asz _man kur_ asz-szur
13. si-hu bar-tu e-tap-asz2 ina _{gesz}gu-za lugal_-ti-szu2
14. it-tu-szib szum-ma a-na _lugal_-ti-szu2
15. ta-ha-du-a-ni la ta-s,ab-bat-a-nisz-szu2-u-ni
16. la ta-du-ka-a-szu2-u-ni szum-ma am-mar s,a-ba-ti-szu2
17. du-a-ki-szu2 la ma-s,a-ku-nu a-na _lugal_-u-ti-szu2
18. ta-ma-gur2-a-ni ta-me-tu2 sza _{lu2}ARAD_-nu-ti
19. ta-tam-ma-a-ni-szu2-u-ni ina _ugu_-hi-szu
20. la ta-bal-kat3-a-ni ina gam-mur-ti lib3-bi-ku-nu
21. qa-ra-a-bu is-si-szu2 la tu-pa-asz2-a-ni
22. _kur-kur_ sza2-ni-a-te is-si-szu2 la tu-szam-kar-a-ni
23. hu-ub-tu-szu2 la ta-hab-bat-a-ni-ni
24. de-ek-tu-szu2 la ta-du-ka-a-ni
25. _mu_-szu2 _numun_-szu2 ina _kur_ la tu-hal-laq-a-ni
26. {disz}asz-szur-du3-a _dumu-man gal_-u sza _e2 usz_-u-te
27. _{gesz}gu-za ad_-szu2 la tu-sza2-as,-bat-a-ni
  single ruling
Paragraph 27 Injunction against Fomenting Strife between King and Crown Prince
28. szum-ma at-tu-nu _ta@v_ lib3-bi _szesz-mesz_-szu2
29. _szesz-mesz-ad-mesz_-szu2 _dumu-szesz-mesz-ad-mesz_-szu2
30. _ta@v_ lib3-bi _numun e2-ad_-szu2 _ta@v_ lib3-bi _numun man_ pa-ni-u2-ti
31. _ta@v_ lib3-bi _{lu2}gal {lu2}nam {lu2}sag ta@v_ lib3-bi _dumu kur_ asz-szur
32. _ta_ lib3-bi _dumu kur_ sza2-ni-tim-ma u2-szak-pa-du-ka-nu-u-ni
33. i-qab-ba-ak-ka-nu-u-ni ma-a kar-s,i sza2 {disz}asz-szur-du3-a
34. _dumu-man gal_-u sza2 _e2 usz_-ti ina _igi ad_-szu2 ak-la
35. ma-a a-bat-su la _du10-ga_-tu la _saga_-tu qi-bi-a
36. ina bir-tu-szu2 ina bir-ti _ad_-szu2 tu-szam-ha-s,a-a-ni
37. a-na zi-a-ri ina _igi_ a-he-isz ta-sza2-kan-a-sza2-nu-ni
  single ruling
Paragraph 28 Response to Fomentors of Strife
38. _en_-qi-'i sza2 t,e3-e-mu i-sza2-kan-u-ka-nu-u-ni
39. u2-sza2-an-za-ru-ka-nu-ni qi?-ba?-ni?-szu2
40. ma-a lu _szesz-mesz_-szu2 ma-a lu _{lu2}ARAD-mesz_-ni
41. sza ina _ugu ad_-szu2 u2-sza2-an-zi-ru-u-ni
42. sza kar-s,i-szu2 ina _igi ad_-szu2 e-kal-u-ni a-le-e'
43. ma-a la sza2 {d}asz-szur {d}utu u3 _{d}im?_ ina _ugu_-szu2 iq-bu-u-ni ta-kun
44. ma-a ina ba-lat asz-szur u3? {d}utu _ad_-ku-nu lu _ti_ u2 _szid_
45. ma-a sza2 _szesz_-ku-nu kab-bi-da _zi-mesz_-ku-nu us,-ra
  single ruling
Paragraph 29 Injunction against Fomenting Strife between Prince and His Brothers
46. szum-ma me-me-ni u2-szak-pa-du-ka-nu-u-ni i-qab-ba-kan-u-ni
47. _ta_ lib3-bi _szesz-mesz_-szu2 _szesz-ad-mesz_-szu2 _dumu-szesz-mesz-ad-mesz_-szu2 qin-ni-szu2
48. _numun e2-ad_-szu2 lu _{lu2}sag_ lu {lu2}sza2-ziq-ni lu _dumu kur_ asz-szur
49. lu _dumu kur_ sza2-ni-nim-ma lu ina nap-har s,al-mat-_sag-du_
50. ma-la ba-szu-u i-qab-ba-ka-nu-u-ni
51. ma-a kar-s,i sza2 _szesz-mesz_-szu2 _dumu ama_-szu2 ina pa-ni-szu2
52. ak-la ma-a szam-hi-s,a ina bir-tu-szu2-nu
53. ma-a _szesz-mesz_-szu2 _dumu ama_-szu2 _ta@v_ pa-ni-szu2 pur-sa
54. at-tu-nu ta-szam-ma-a-ni la _du10-ga_-tu2
55. sza _szesz-mesz_-szu2 ina _igi_-szu2 ta-qab-ba-a-ni
56. _ta@v igi szesz-mesz_-szu2 ta-par-ra-sa-a-szu2-u-ni
57. szum-ma qa-bi-a-nu sza2 a-bu-tu2 an-ni-tu2
58. iq-ba-ka-nu-u-ni tu-ra-ma-szu2-u-ni
59. szum-ma la tal-lak-a-ni-ni a-na {disz}asz-szur-du3-a _dumu-man gal_
60. sza2 _e2 usz_-te la ta-qab-ba-a-ni
61. ma-a _ad_-u-ka a-de-e ina _ugu_-ka is-si-ni
62. is-sa-kan u2-tam-ma-na-a-szi
  single ruling
Paragraph 30 Response to Attempts to Foment Strife
63. szum-ma ta-da-ga-la-ni? ina? _igi?_ {disz}asz-szur-du3-a _dumu-man gal_ sza2 _e2 usz_-ti
64. _szesz-mesz_-szu2 x kan szu x-x x-x-ku-usz
65. ma-s,ar-tu ... at-tu-nu
66. ki-i ra-ma-ni-ku-nu la ta-ga-ri-szu2-nu-ni
67. pu-x-... ina lib3-bi-szu2-nu
68. la tu-sze-... ma-a _ad_-ku-nu ina lib3-bi a-de-e
69. is-sa-kan u2-tam-ma-na-a-szi
  single ruling
Paragraph 31 Injunction against Fomenting Strife after Assurbanipal's Accession
70. szum-ma at-tu-nu ki-ma {disz}asz-szur-pap-asz _man kur_ asz-szur _en_-ku-nu
71. a-na szim-ti it-ta-lak {disz}asz-szur-du3-a
72. _dumu-man gal_-u sza2 _e2 usz_-ti ina _{gesz}gu-za lugal_-u-te it-tu-szib
73. a-bu-tu2 la _du10-ga_-tu sza2 _szesz-mesz_-szu2 _dumu ama_-szu2
74. ina _igi szesz_-szu2-nu ta-qab-ba-a-ni tu-sza2-an-za-ra-ni
75. ma-a _szu-min_-ka ina _hul_-tim ina lib3-bi-szu2-nu ub-bil2
76. szum-ma _ta@v igi_ {disz}asz-szur-du3-a _dumu-man gal_-u
77. sza2 _e2 usz_-te tu-na-kar-a-sza2-nu-u-ni
78. di-ib-bi-szu2-nu la _saga-mesz_ ina _igi szesz_-szu2-nu
79. ta-qab-ba-a-ni ma-za-a-su sza2 {disz}asz-szur_-pap-asz_
80. _man kur_ asz-szur _ad_-szu2-nu u2-kal-lim-u-szu2-nu-ni ina _igi_ {disz}asz-szur-du3-a
81. _dumu-man gal_ sza _e2 usz_-ti ta-qab-ba-a-ni
82. x-... u2-na-kar-szu2-nu-u-ni
  single ruling
Paragraph 32 Prohibition against Invalidation of Oath
83. szum-ma sar-bu sza2 ina _ugu dingir-mesz_ sza pu-uh-ri
84. lu pa-ni-ku-nu lu _szu-min_-ku-nu lu na-pul-ta-ku-nu
85. ta-pa-sza2-asz2-a-ni lu-u ina si-qi-ku-nu
86. ta-rak-kas-a-ni sza2 ma-mit pa-sza2-ri te-ep-pa-sza2-a-ni
  single ruling
Paragraph 33 Prohibition against Undoing the Oath
87. szum-ma at-tu-nu tur-tu tu-tar-ra-a-ni
88. ma-mit ta-pa-szar-a-ni szi-in-ga-te ...
89. ina _igi_-ni sza2 tur-tu tur-ri ma-mit pa-sza2-a-ri ta-ha-sa-sa-a-ni
90. te-pa-sza2-a-ni ta-me-tu an-ni-tu ina _ugu?_ {disz}asz-szur-du3-a _dumu-man gal_
91. sza2 _e2 usz_-ti _dumu_ {disz}asz-szur-pap-asz _man kur_ asz-szur _en_-ku-nu
92. sza2 ul-tu2 _u4_-me an-ni-e a-di sza _egir_ a-de-e
93. ib-ba-asz2-szi-u-ni at-tu-nu _dumu-mesz_-ku-nu sza2 a-na
94. _u4_-me s,a-a-ti ib-ba-asz2-szu2-u-ni ta-'a-ku-nu
  single ruling
Paragraph 34 Attitude toward Swearing the Oath
95. szum-ma at-tu-nu ki-i (ina) kaq-qar ta-me-ti an-ni-tu
96. ta-za-za-a-ni ta-me-tu2 sza da-bab-ti szap-ti
97. ta-tam-ma-a-ni ina gu-mur-ti _sza3_-ku-nu la ta-tam-ma-a-ni a-na _dumu-mesz_-ku-nu sza _egir_ a-de-e
98. ib-ba-asz2-szu2-u-ni la tu-szal-mad-a-ni
99. szum-ma at-tu-nu _gig_ la pa-at,-ru! ina _ugu_
  single ruling
column 2
  single ruling
1. ra-ma-ni-ku-nu ta-sza2-kan-a-ni ina lib3-bi a-de-e
2. sza2 {disz}asz-szur-pap-asz _man kur_ asz-szur sza2 ina _ugu_ {disz}asz-szur-du3-a _dumu-man gal_-u
3. sza2 _e2 usz_-te la te-rab-a-ni
4. a-na _egir ud_-me a-na _u4_-me s,a-a-ti asz-szur _dingir_-ku-nu
5. {disz}asz-szur-du3-a _dumu-man gal_ sza2 _e2 usz_-ti _en_-ku-nu
6. _dumu-mesz_-ku-nu _dumu-dumu-mesz_-ku-nu
7. a-na sza2-a-szu2 lip-lu-hu
  single ruling
Paragraph 35 Obligation to Guard the Treaty Document
8. sza2 ma-mit t,up-pi an-ni-i e-nu-u e-gu-u
9. i-ha-t,u-u i-pa-sa-su x szu2 a-de-e x x
10. e?-gu-ma i-par-ra-s,u ma-mit-su-un
11. _en?_ t,up-pi a-de-e an-ni-i
12. {d}asz-szur _man dingir-mesz_ u _dingir-mesz gal-mesz en-mesz_-ia
13. ...-szu2? lu-u s,a-lam {disz}asz-szur-pap-asz _man kur_ asz-szur
14. lu s,a-lam {disz}asz-szur-du3-a _dumu-man gal_ sza2 _e2 usz_-ti
15. lu s,a-lam _szesz?-mesz?_-szu2 ...
16. _{na4}kiszib nun_-e _gal_-e _ad dingir-mesz_ ...
17. sza2 _e2_ x ...
18. ina lib3-bi _{na4}kiszib_ sza2 {d}asz-szur _man dingir-mesz_-ni
19. ka-nik-u-ni ina _igi_-ku-nu sza2-kin2-u-ni
20. ki-i _dingir_-ku-nu la ta-na-s,ar-a-ni
  single ruling
Paragraph 36 Injunction against Destroying the Document
21. szum-ma at-tu-nu tu-na-kar-a-ni a-na {d}gesz-bar
22. ta-pa-qid-a-ni ina _a-mesz_ ta-na-da-a-ni
23. ina ep-ri ta-kar-ra-ra-a-ni ina mim-ma szi-pir ni-kil-ti
24. ta-bat-a-ni tu-hal-la-qa-a-ni ta-sa-pan-a-ni
  single ruling
Paragraph 37 Standard Curse Section
25. an-szar2 _lugal dingir-mesz_ mu-szim _nam-mesz_ szi-mat _{munus}hul_
26. _la _du10-ga_-ti li-szim-ku-nu a-rak _ud_ sze-bu-ti_
27. ki-szid lit-tu-ti a-a i-qisz-ku-nu_
  single ruling
28. {d}nin-lil2 hi-ir-tu na-ram-ta-szu2 a-mat _ka_-szu2_
29. li-lam-min2-ma a-a is,-bat ab-bu-tu2-ku-un
  single ruling
29.a. {d}a-num _man dingir-mesz gig_ ta-ne2-hu di-'u di-lip-tu
29.b. ni-is-sa-tu la _du10-ga numun ugu_ nap-har
29.c. _e2-mesz2_-ku-nu li-sza2-az-nin
  single ruling
30. {d}sin na-an-nar _an-mesz_ u _ki_-tim ina _sahar-szub_-pu_
31. li-hal-lip-ku-nu ina _igi dingir-mesz_ u _lugal_ e-rab-ku-nu a-a iq-bi
32. ki-i sir2-ri-me _masz-da3_ ina _edin_ ru-up-da
  single ruling
33. {d}utu nu-ur2 sza2-ma-mi u kaq-qar di-in ket-ti me-sza2-ri
34. a-a i-di-in-ku-nu ni-t,il _igi-min-mesz_-ku-nu li-szi-ma
35. ina ek-le-ti i-tal-la-ka
  single ruling
36. {d}masz a-sza2-rid _dingir-mesz_ ina szil-ta-hi-szu szam-ri li-szam-qit-ku-nu
37. _mud2-mesz_-ku-nu li-mal-li _edin uzu_-ku-nu _a2{muszen}_ zi-i-bu
38. li-sza2-kil
  single ruling
39. {d}dil-bat na-bat _mul-mesz_ ina ni-t,il _igi-min_-ku-nu hi-ra-a-te-ku-nu_
40. _ina _ur2 {lu2}kur2_-ku-nu li-sza2-ni-il _dumu-mesz_-ku-nu
41. a-a i-be2-lu _e2_-ku-un _{lu2}kur2_ a-hu-u li-za-i-za mim-mu-ku-un
  single ruling
42. {d}sag-me-gar _en dingir_ s,i-i-ru e-rab _en_ ina {e2}sag-gil2
43. a-a u2-kal-lim-ku-nu li-hal-li-qa nap-szat-ku-un
  single ruling
44. {d}marduk _dumu-nita_ resz-tu-u hi-t,u kab-tu ma-mit la pa-sza2-ri
45. a-na szi-im-ti-ku-nu li-szim
  single ruling
46. {d}numun-du3-tu2 na-di-na-at _mu_ u _numun mu_-ku-nu_
47. _ina _kur_ lu-hal-liq
  single ruling
48. {d}be-lit-dingir-mesz {d}be-lit nab-ni-ti ta-lit-tu ina _kur_-ku-nu
49. lip-ru-us ik-kil _tur-disz_ u la-ke-e
50. ina _sila_ ri-bit li-za-am-mi ta-rit-ku-un_
  single ruling
51. {d}iszkur _gu2-gal an_-e _ki_-tim a-kal?_ ina _kur_-ku-nu lip-ru-us_
52. ta-me-ra-a-ti-ku-nu li-za-am-mi
53. ina ri-ih-s,i dan-ni _kur_-ku-nu ... _buru5_
54. mu-s,a-hi-ir _kur buru14_-ku-nu le-kul ik-kil _{na4}ur5_ u _nindu_
55. ina _e2-mesz_-ku-nu a-a _gal2_-szi _{sze}pad-mesz_ a-na t,i-ia-ni
56. lu tah-li-qa-ku-nu ku-um _{sze}pad-mesz_ es,-ma-ti-ku-nu
57. _dumu-mesz_-ku-nu _dumu-munus-mesz_-ku-nu li-t,i-nu ki-s,ir sza2 _szu-si_-ku-nu
58. ina le-e-sze lu la i-t,a-ab-bu ... a-s,u-da-ti-ku-nu le-e-szu
59. le-kul _ama ugu dumu-munus_-sza2 _ka2_-sza2 le-di-il
60. ina bu-ri-ku-nu _uzu-mesz dumu-mesz_-ku-nu ak-la ina bu-bu-ti
61. hu-szah-hu _lu2 uzu lu2_ le-kul _lu2 kusz lu2_
62. li-la-bisz _uzu-mesz_-ku-nu _ur-gi7-mesz szah-mesz_ le-e-ku-lu
63. e-t,im2-ma-ku-nu pa-qi-du na-aq _a-mesz_ a-a ir-szi
  single ruling
64. {d}isz-tar be-lit _murub4 me3_ ina _me3_ dan-ni _{gesz}ban_-ku-nu lisz-bir
65. i-di-ku-nu lik-si ina _ki-ta {lu2}kur2_-ku-nu li-sze-szib-ku-nu
  single ruling
66. {d}u-gur qar-rad _dingir_ ina _gir2_-szu2 la ga-me-li nap-szat-ku-nu_
67. _li-bal-li sza2-ga-asz2-tu2 mu-ta-a-nu ina lib3-bi-ku-nu lisz-kun_
  single ruling
68. {d}nin-lil2 a-szi-bat {iri}nina{ki}
69. pat-ru ha-am-t,u it-ti-ku-nu li-ir-ku-su
  single ruling
70. {d}isz-tar a-szi-bat {iri}arba-il3 re-e-mu gim-lu
71. lu la i-sza2-kan _ugu_-ku-un
  single ruling
72. {d}gu-la a-zu-gal-la-tu2 _gal_-tu2 _gig_ ta-ne2-hu ina lib3-bi-ku-nu
73. si-mu la-zu ina _su_-ku-nu lisz-kun da-mu u szar-ku
74. ki-ma _a-mesz_ ru-un-ka
  single ruling
75. {d}si-bit-ti _dingir-mesz_ qar-du-te ina _{gesz}tukul-mesz_-szu2-nu
76. ez-zu-ti na-asz-pan-ta-ku-nu lisz-ku-nu
  single ruling
77. {d}a-ra-misz _en_ im? x-...-ku-nu ...-tu_
  single ruling
78. {d}ba-a-a-ti-dingir-mesz {d}a-na-ti-ba-a-a-ti-dingir-mesz
79. ina _szu-min ur-mah_ a-ki-li lim-nu-ku-nu
  single ruling
80. {d}ku3-ka2 {d}1(u)-5(disz) sza {iri}gar-ga-mis_
81. ri-im-t,u dan-nu ina _sza3_-ku-nu lisz-kun _kasz3-mesz_-ku-nu
82. ki-ma ti-ki ana kaq-qar lit-ta-tuk
83. _dingir-mesz gal-mesz_ sza2 _an_-e _ki_-tim a-szi-bu-tu kib-ra-a-ti
84. ma-la ina t,up-pi an-ni-e _mu_-szu2-nu zak-ru
85. lim-ha-s,u-ku-nu li-kil-mu-ku-nu
86. ar2-ra-tu ma-ru-usz-tu ag-gesz li-ru-ru-ku-nu
87. e-lisz _ti-la-mesz_ li-sa-hu-ku-nu szap-lisz ina _ki_-tim
  single ruling
column 3
  single ruling
1. e-t,im2-ma-ku-nu _a-mesz_ li-s,a-mu-u _gesz-mi_ u _ud-da
2. li-ik-ta-szi-du-ku-nu ina pu-uz-ri sza2-ha-ti
3. la ta-nim-me-da _ninda-mesz_ u _a-mesz_ li-zi-bu-ku-nu
4. su-un-qu hu-szah-hu bu-bu-tu _nam-usz2-mesz_
5. ta igi_-ku-nu a-a ip-pi-t,ir si-si sza2 ar-da-te-ku-nu
6. mat-nat sza2 _{lu2}gurusz-mesz_-ku-nu ina ni-t,il _igi-min_-ku-nu _ur-gi7 szah-mesz_
7. ina re-bit asz-szur li-in-da-sza2-ru _{lu2}usz2-mesz_-ku-nu _ki_-tim
8. a-a im-hur ina kar-szi _ur-gi7 szah-mesz_ lu naq-bar-ku-nu
9. _u4-mesz_-ku-nu lu e-t,u-u _mu-mesz_-ku-nu lu ek-la ek-le-tu2
10. la na-ma-a-ri a-na szim-ti-ku-nu li-szi-i-mu
11. ina ta-ne2-hu di-lip-tu na-pisz-ta-ku-nu liq-ti
12. bu-bu-lu a-bu-bu la mah-ru ul-tu2 _sza3 ki_-tim
13. li-la-a-ma na-asz-pan-ta-ku-nu lisz-kun mim-ma _du10-ga_ lu ik-kib-ku-nu
14. mim-ma _gig_ lu szi-mat-ku-nu qi-i-ru ku-up-ru lu ma-ka-la-ku-nu
15. _kasz2 ansze-nita2_ lu masz-qit-ku-nu nap-t,u lu pi-szat-ku-nu
16. e-la-pu-u-a sza2 _i7_ lu tak-tim-ku-nu
17. sze-e-du u2-tuk-ku ra-bi-s,u lem-nu _e2-mesz_-ku-nu li-hi-ru
  single ruling
Paragraph 38 Vow of Allegiance to Assurbanipal
18. _dingir-mesz_ an-nu-te lid-gu-lu szum-ma a-ni-nu ina _ugu_ {disz}asz-szur-pap-asz
19. _man kur_ asz-szur _en_-ni ina _ugu_ {disz}asz-szur-du3-a _dumu-man gal_ sza2 _e2 usz_-ti
20. _szesz-mesz_-szu2 _dumu ama_-szu2 sza2 {disz}asz-szur-du3-a _dumu-man gal_ sza2 _e2 usz_-ti
21. u2 re-eh-ti _dumu_ s,i-it_-sza3_-bi sza2 {disz}asz-szur-pap-asz _man kur_ asz-szur _en_-i-ni
22. si-hu bar-tu ne2-ep-pa-asz2-u-ni pi-i-ni _ta@v_
23. _{lu2}kur2_-szu2 ni-sza2-kan-u-ni szum-ma
24. mu-szam-hi-s,u-u-tu2 mu-szad-bi-bu-tu li-ih-szu
25. sza2 a-mat _{munus}hul_ la _du10-ga_-tu la ba-ni-tu
26. da-bab sur-ra-a-ti u la ke-na-a-te
27. sza2 ina _ugu_ {disz}asz-szur-du3-a _dumu-man gal_ sza2 _e2 usz_-ti
28. u3 _szesz-mesz_-szu2 _dumu ama_-szu2 sza2 {disz}asz-szur-du3-a _dumu-man gal_
29. sza2 _e2 usz_-ti ni-szam-mu-u-ni nu-pa-za-ru-u-ni
30. a-na {disz}asz-szur-du3-a _dumu-man gal_ sza2 _e2 usz_-ti be-li2-ni
31. la ni-qa-bu-u-ni _u4_-mu am-mar a-ni-nu _dumu-mesz_-ni
32. _dumu-dumu-mesz_-ni bal-t,a-a-ni-ni {disz}asz-szur-du3-a _dumu-man gal_ sza2 _e2 usz_-ti
33. la _lugal_-ni-ni la _en_-ni-ni szum-ma _lugal man_-ma _dumu-lugal man_-ma
34. ina _ugu_-hi-ni _dumu-mesz_-ni _dumu-dumu-mesz_-ni ni-sza2-kan-u-ni
35. _dingir-mesz_ ma-la _mu_-szu2-nu zak-ru ina _szu-min_-i-ni
36. _numun_-i-ni _numun-numun_-i-ni lu-ba-'i-u2
  single ruling
Paragraph 39 Ceremonial Curse Section
37. szum-ma at-tu2-nu ina _sza3_ a-de-e an-nu-te sza2 {disz}asz-szur-pap-asz _man kur_ asz-szur _en_-ku-nu
38. ina _ugu_ {disz}asz-szur-du3-a _dumu-man gal_-u sza2 _e2 usz_-te
39. _szesz-mesz_-szu2 _dumu ama_-szu2 sza {disz}asz-szur_-du3-a dumu-man gal_-u sza2 _e2 usz_-te
40. u re-eh-ti _dumu-mesz_ s,i-it_-sza3_-bi sza2 {disz}asz-szur-pap-asz _man kur_ asz-szur
41. _en_-ku-nu is-si-ku-nu isz-kun-u-ni ta-ha-t,a-a-ni
42. {d}asz-szur _ad dingir-mesz_ ina _{gesz}tukul-mesz_-szu2 ez-zu-u-ti li-szam-qit-ku-nu
  single ruling
43. {d}igi-du _en_ a-sza2-ri-du _uzu_-ku-nu
44. te8{muszen}_ zi-i-bu li-sza2-kil
  single ruling
45. {d}e2-a _man abzu en idim a-mesz_ la _ti-la_
46. lisz-qi-ku-nu a-ga-nu-ti-la-a li-mal-li-ku-nu
  single ruling
47. _dingir-mesz gal-mesz_ sza2 _an_-e _ki_-tim a-mesz i3-mesz_ a-na _nig2-gig_-ku-nu lisz-ku-nu
  single ruling
48. {d}gesz-bar na-din ma-ka-le-e a-na _tur-mesz gal-mesz_
49. _mu_-ku-nu _numun_-ku-nu liq-mu
  single ruling
50. _ki-min ki-min dingir-mesz_ ma-la ina t,up-pi a-de-e an-ni-e _mu_-szu2-nu zak-ru
51. am-mar _sig4_ kaq-qu-ru lu-si-qu-ni-ku-nu
52. kaq-qar-ku-nu ki-i _an-bar_ le-pu-szu me-me-ni
53. ina lib3-bi lu la i-par-ru-'a
  single ruling
54. ki-i sza2 _ta@v sza3 an_-e sza2 _zabar a-an_ la i-za-nun-u-ni
55. ki-i ha-an-ni-e zu-un-nu na-al-szu2 ina _sza3 a-sza3-mesz_-ku-nu
56. ta-me-ra-ti-ku-nu lu la il-lak ku-um zu-un-nu
57. pe-'e-na-a-ti ina _kur_-ku-nu li-iz-nun
  single ruling
58. ki-i sza2 _an-na_ ina _igi izi_ la i-za-zu-u-ni
59. at-tu-nu ina _igi {lu2}kur2_-ku-nu la ta-za-za _dumu-mesz_-ku-nu
60. _dumu-munus-mesz_-ku-nu ina _szu-min_-ku-nu la ta-s,a-ba-ta
  single ruling
61. _ki-min_ ki-i sza2 _numun_ sza2 {ansze}ku-di-ni la-asz2?-szu-u-ni_
62. _mu_-ku-nu _numun_-ku-nu _numun_ sza2 _dumu-mesz_-ku-nu
63. _dumu-munus-mesz_-ku-nu _ta@v kur_ li-ih-liq
  single ruling
64. ki-i sza2 qar-nu sza2 _munu4_ ki-i ti-ta-bi
65. ina lib3-bi szak-nu-ni _ki_ ... la i-par-ru-'u-u-ni
66. x x szu2? ra x-...-x-ni-sza2 la ta-sa-har-u-ni
67. _numun_-ku-nu _numug3-mesz_ sza2 _szesz-mesz_-ku-nu _dumu-mesz_-ku-nu _dumu-munus-mesz_-ku-nu
68. _ta? ugu_ pa-ni sza kaq-qa-ri li-ih-liq
  single ruling
69. {d}utu ina _{gesz}apin_ sza2 _an-bar iri_-ku-nu na-gi-ku-nu
70. lu-sza2-bal-kit
  single ruling
71. _ki-min ki-min_ ki-i sza2 _u8_ an-ni-tu2 szal-qa-tu-u-ni _uzu_ sza2 _dumu_-sza2
72. ina pi-i-sza2 sza2-kin2-u-ni ki-i ha-an-ni-e
73. _uzu_ sza2 _szesz-mesz_-ku-nu _dumu-mesz_-ku-nu _dumu-munus-mesz_-ku-nu
74. _a-na bu-ri-ku-nu lu-sza2-kil-u-ku-nu
  single ruling
75. ki-i sza2 kab-su kab-su-tu2 _{udu}nim {munus}{udu}nim_-tu2 szal-qu-u-ni
76. ir-ri-szu2-nu _ta@v giri3-min-mesz_-szu2-nu kar-ku-u-ni
77. ir-ri-ku-nu ir-ri sza2 _dumu-mesz_-ku-nu _dumu-munus-mesz_-ku-nu _ta giri3-min-mesz_-ku-nu
78. li-kar-ku
  single ruling
79.a. szum-ma at-tu-nu ina _sza3_ a-de-e an-nu-ti sza2 {disz}asz-szur-pap-asz _man kur_ asz-szur
79.b. sza2 ina _ugu_ {disz}asz-szur-du3-a _dumu-man gal_ sza2 _e2-usz_-ti ta-ha-t,a-a-ni
79. _ki-min_ ki-i sza2 _musz_ u3 {d}nin-kilim_ina lib3-bi 1(disz)-et hu-ri-ti
80. la er-rab-u-ni la i-rab-bi-s,u-u-ni
81. ina _ugu_ na-kas _zi-mesz_ sza2 a-he-isz i-da-ba-bu-u-ni
82. at-tu-nu _munus-mesz_-ku-nu ina lib3-bi 1(disz)-en _e2_ la te-ra-ba
83. ina _ugu_ 1(disz)-et _{ges}na2_ la ta-ta-la ina _ugu_ na-kas _zi-mesz_ sza2 a-he-isz du-ub-ba
  single ruling
84. _ki-min ki-min_ ki-i sza2 _ninda-mesz_ u _gesztin-mesz_ ina lib3-bi ir-ri-ku-nu er-rab-u-ni
85. ki-i ha-an-ni-i ta-me-tu2 an-ni-tu2 ina lib3-bi ir-ri-ku-nu
86. ir-ri sza2 _dumu-mesz_-ku-nu _dumu-munus-mesz_-ku-nu lu-sze-ri-bu
  single ruling
87. _ki-min ki-min_ ki-i sza2 _a-mesz_ ina _sza3_ tak-ku-si ta-nap-pa-ha-a-ni
88. a-na ka-szu2-nu _munus-mesz_-ku-nu _dumu-mesz_-ku-nu _dumu-munus-mesz_-ku-nu
89. li-pu-hu-ku-nu _i7-mesz_-ku-nu _igi-min-mesz_-ku-nu _a-mesz_-szi-na
90. a-na qi2-in-nisz lu-sa-hi-ru
  single ruling
91. _ki-min ki-min ninda-mesz_ ina pi-it-ti _kug-gi_ ina _kur_-ku-nu lu-sza2-li-ku
  single ruling
92. _ki-min ki-min_ ki-i sza2 _lal3_ ma-ti-qu-u-ni _mud2-mesz_ sza2 _munus-mesz_-ku-nu
93. _dumu-mesz_-ku-nu _dumu-munus-mesz_-ku-nu ina pi-i-ku-nu li-im-ti-iq
  single ruling
94. _ki-min_ ki-i sza2 sza2-as,-bu?-tu? tul-tu2 ta-kul-u-ni
95. ina bal-t,u-te-ku-nu _uzu-mesz_-ku-nu _uzu_ sza2 _munus-mesz_-ku-nu
96. _dumu-mesz_-ku-nu _dumu-munus-mesz_-ku-nu tu-is-su lu ta-kul
  single ruling
97. _ki-min dingir-mesz_ ma-la ina t,up-pi a-de-e an-ni-i _mu_-szu2-nu zak-ru _{gesz}ban_-ku-nu lisz-bi-ru ina _ki-ta {lu2}kur2_-ku-nu
98. lu-sze-szib-u-ku-nu _{gesz}ban_ ina _szu-min_-ku-nu lu-sza2-bal-ki-tu
99. _{gesz}gigir-mesz_-ku-nu a-na qi2-nisz lu-sza2-di-lu
  single ruling
100. _ki-min_ ki-i sza2 a-a-lu ka-szu-du-u-ni de-ku-u-ni
101. a-na ka-szu2-nu _szesz-mesz_-ku-nu _dumu-mesz_-ku-nu _en-mud2-mesz_-ku-nu
102. lu-ka-szi-du li-du-ku-ku-nu
  single ruling
103. _ki-min_ ki-i sza2 bur-di-sza2-hi la ta-da-gal-u-ni
104. ina bi-isz-ka-ni-sza2 la ta-sa-har-u-ni ki-i ha-an-ni-e at-tu-nu
105. ina _ugu munus-mesz_-ku-nu _dumu-mesz_-ku-nu _dumu-munus-mesz_-ku-nu a-na _e2-mesz_-ku-nu la ta-sa-ah-hu-ra
  single ruling
106. _ki-min ki-min_ ki-i sza2 _muszen_ ina tu-ba-qi is,-s,ab-bat-u-ni
107. a-na ka-szu2-nu _szesz-mesz_-ku-nu _dumu-mesz_-ku-nu ina _szu-min en-mud2-mesz_-ku-nu
108. lisz-ka-nu-ku-nu
  single ruling
109. _ki-min ki-min uzu-mesz_-ku-nu _uzu_ sza2 _munus-mesz_-ku-nu _szesz-mesz_-ku-nu
110. _dumu-mesz_-ku-nu _dumu-munus-mesz_-ku-nu ki-i qi-ru
111. ku-up-ri nap-t,i lu-s,al-li-mu
  single ruling
112. _ki-min_ ki-i sza2 ha-e-ru-usz-hi u2-ma-mu ina kip-pi
113. is-sa-pa-ku-u-ni at-tu-nu _munus-mesz_-ku-nu _szesz-mesz_-ku-nu _dumu-mesz_-ku-nu
114. _dumu-munus-mesz_-ku-nu ina _szu-min {lu2}kur2_-ku-nu na-as,-bi-ta
  single ruling
115. _ki-min ki-min uzu-mesz_-ku-nu _uzu-mesz_ sza2 _munus-mesz_-ku-nu _szesz-mesz_-ku-nu
116. _dumu-mesz_-ku-nu _dumu-munus-mesz_-ku-nu
117. ki-i _uzu-mesz_ sza2 hur-ba-bil2-li li-ga-am-ru
  single ruling
118. _ki-min ki-min_ ki-i sza2 ina lib3-bi ka-ma-a-ni sza _lal3
119. _habrud-mesz_ pal-lu-sza2-a-ni
120. ina _sza3 uzu-mesz_-ku-nu _uzu-mesz_ sza2 _munus-mesz_-ku-nu
121. _szesz-mesz_-ku-nu _dumu-mesz_-ku-nu _dumu-munus-mesz_-ku-nu
122. ina bal-t,u-te-ku-nu _habrud-mesz_ lu-u2-pal-li-szu
  single ruling
123. _ki-min ki-min buru5 numun_ bar-mu kal-mu-tu2 mu-nu a-ki-lu
124. _iri-mesz_-ku-nu _kur_-ku-nu na-gi-ku-nu lu-sza2-ki-lu
  single ruling
125. _ki-min ki-min_ ki-i zu-um-bi ina _szu-min {lu2}kur2_-ku-nu le-pa-szu-ku-nu
126. _{lu2}kur2_-ku-nu li-im-ri-is-ku-nu
  single ruling
column 4
  single ruling
1. ki-i sza2 pi-is-pi-su an-ni-u bi-'i-szu-u-ni
2. ki-i ha-an-ni-i ina _igi dingir_ u _lugal_ a-me-lu-te
3. ni-pisz-ku-nu li-ib-'i-isz
  single ruling
4. _ki-min ki-min_ a-na ka-na-szu2-nu _munus-mesz_-ku-nu _szesz-mesz_-ku-nu _dumu-mesz_-ku-nu
5. _dumu-munus-mesz_-ku-nu ina pi-til-ti li-ih-na-qu-ku-nu
  single ruling
6. ki-i sza2 s,al-mu sza2 _duh-lal3_ ina _izi_ isz-szar-rap-u-ni
7. sza2 t,i-t,i ina _a-mesz_ i-mah-ha-hu-u-ni
8. ki-i ha-an-ni-e la-an-ku-nu ina {d}gesz-bar liq-mu-u
9. ina _a-mesz_ lu-t,a-bu-u
  single ruling
10.a. szum-ma at-tu-nu ina _sza3_ a-de-e an-nu-ti sza2 {disz}asz-szur-pap-asz _man kur_ asz-szur
10.b. u _dumu-mesz_-szu2 _dumu-dumu-mesz_-szu2 ta-ha-t,a-a-ni
10. _ki-min_ ki-i sza2 _{gesz}gigir_ an-ni-tu2 a-di sa-si-sza2
11. ina _mud2-mesz_ ra-ah-s,a-tu-u-ni ki-i ha-an-ni-e
12. ina _murub4 {lu2}kur2_-ku-nu _{gesz}gigir-mesz_-ku-nu
13. ina _sza3 mud2-mesz_ sza2 ra-me-ni-ku-nu li-ra-ah-s,a
  single ruling
14.a. _dingir-mesz_ ma-la ina t,up-pi a-de-e an-ni-e _mu_-szu-nu zak-ru
14. ki-i {gesz}pi-laq-qi lu-sza2-as,-bi-ru-ku-nu
15. ki-i _munus_ ina _igi {lu2}kur2_-ku-nu le-pa-szu-ku-nu
  single ruling
16.a. _dingir-mesz_ ma-la ina t,up-pi an-ni-i _mu_-szu2-nu zak-ru
16. a-na ka-szu2-nu _szesz-mesz_-ku-nu _dumu-mesz_-ku-nu
17. _dumu-munus-mesz_-ku-nu ki-i al-lu-ti a-na qi-in-nisz
18. lu-sza2-di-lu-ku-nu
  single ruling
19. ki-i _izi_ la _du10-ga_-tu la _saga_-tu2 lu-szal-bu-ku-nu
  single ruling
20. _ki-i sza2 _i3-mesz_ ina lib3-bi _uzu-mesz_-ku-nu er-rab-u-ni
21. ki-i ha-an-ni-e ta-me-tu2 an-ni-tu ina lib3-bi _uzu-mesz_-ku-nu
22. _uzu-mesz_ sza2 _szesz-mesz_-ku-nu _dumu-mesz_-ku-nu _dumu-munus-mesz_-ku-nu
23. lu-sze-ri-bu
  single ruling
24. ki-i sza2 a-ra-ri a-na _{d}en_ ih-t,u-u-ni
25. kap-pi sza2 _a2-min-mesz_-szu2-nu _giri3-min-mesz_-szu2-nu u2-bat-ti-qu-u-ni
26. _igi-min-mesz_-szu2-nu u2-gal-lil-u-ni
27. ki-i ha-an-ni-e lig-ma-ru-ku-nu
28. ki-i _{gi}ambar_ ina _a-mesz_ lu-ni-szu2-ku-nu
29. ki-i qa-ne2-e ina rik-si _{lu2}kur2_-ku-nu lu-szal-lip-ku-nu
  single ruling
30. szum-ma at-tu-nu {disz}asz-szur-pap-asz _man kur_ asz-szur _en_-ku-nu
31. u3 {disz}asz-szur-du3-a _dumu-man gal_-u sza2 _e2 usz_-te
31.a. u3 _szesz-mesz_-szu _dumu ama_-szu2 sza2 {disz}asz-szur-du3-a
31.b. _dumu-man gal_ sza2 _e2 usz_-ti re-eh-ti _dumu-mesz_
31.c. s,i-it_-sza3_-bi sza2 {disz}asz-szur-pap-asz _man kur_ asz-szur
32. tu-ram-ma-a-ni a-na _za3_ u _kab_ tal-lak-a-ni
33. sza2 a-na _za3_ il-lak-u-ni _gir2-mesz_ le-kul-a-szu2
34. sza2 a-na _kab_ il-lak-u-ni _gir2-mesz_-ma le-kul-a-szu2
  single ruling
34.a. a-na ka-a-szu2-nu _munus-mesz_-ku-nu _szesz-mesz_-ku-nu
34.b. _dumu-mesz_-ku-nu _dumu-munus-mesz_-ku-nu
34.c. ki-i _{udu}nim_ ga-de-e lu-x x x-ku-nu
  single ruling
35. _ki-min_ ki-i sza2 kil-lu sza2 su-'i an-nu-te i-ha-lul-u-ni
36. ki-i ha-an-ni-e at-tu-nu _munus-mesz_-ku-nu _dumu-mesz_-ku-nu
37. _dumu-munus-mesz_-ku-nu la ta-nu-ha la ta-s,a-la-la
38. es,-ma-a-te-ku-nu a-na a-he-isz lu la i-qar-ri-ba
  single ruling
39. ki-i sza2 _sza3_-bu sza2 hu-up-pi ra-qu-u-ni
40. lib-bi-ku-nu li-ri-qu
  single ruling
41. ki-i _{lu2}kur2_-ku-nu u2-pa-ta-hu-ka-nu-ni
42. _lal3 i3-mesz_ zi-in-za-ru-'u _mud2-{gesz}erin_
43. a-na sza2-kan pi-it-hi-ku-nu li-ih-liq
  single ruling
44. ki-i sza2 mar-tu mar-rat-u-ni
45. at-tu-nu _munus-mesz_-ku-nu _dumu-mesz_-ku-nu _dumu-munus-mesz_-ku-nu
46. ina _ugu_ a-he-isz lu ma-ra-ku-nu
  single ruling
47. _ki-min {d}utu_ hu-ha-ru sza2 _zabar_ ina _ugu_-hi-ku-nu _dumu-mesz_-ku-nu
48. _dumu-munus-mesz_-ku-nu li-is-hu-pu ina gesz-par-ri sza2 la na-par-szu-di
49. li-di-ku-nu a-a u2-sze-s,i nap-szat-kun
  single ruling
50. ki-i sza2 {kusz}na-a-du szal-qa-tu-u-ni _a-mesz_-sza2
51. s,a-ap-pa-hu-u-ni ina kaq-qar s,u-ma-mit lap-lap-tu
52. _{kusz}na-da-ku-nu lu ta-hi-bi
53. ina s,u-um _a-mesz_ mu-u-ta
  single ruling
54. ki-i sza2 _{kusz}e-sir2_ szal-qa-tu-u-ni
55. ina kaq-qar pa-qut-ti _{kusz}e-sir2-mesz_-ku-nu
56. li-par-ma ina _ugu_ x x-ku-nu x-...
  single ruling
57. {d}en-lil2 _en {gesz}gu-za {gesz}gu-za_-ku-nu lu-sza2-bal-kit
  single ruling
58. {d}pa na-szi t,up-pi _nam-mesz dingir-mesz
59. _mu_-ku-nu lip-szi-t,i _numun_-ku-nu ina _kur_ lu-hal-liq
  single ruling
60. _{gesz}ig_ ina _igi-mesz_-ku-nu lu x-...
61. _{gesz}ig-mesz_-ku-nu ...-x-...
  double ruling
Paragraph 40 Date and Colophon
62. {iti}gu4-si-sa2 _u4 1(u) 8(disz)-kam2_
63. lim-mu {disz}{d}pa-en-pap _{lu2}gar-kur_ {iri}bad3-lugal-uk-ku
64. a-de-e sza2 {disz}asz-szur-pap-asz _man kur_ asz-szur{ki} sza2 ina _ugu_ {disz}asz-szur-du3-a
65. _dumu-man gal_ sza2 _e2 usz_-ti sza2 _kur_ asz-szur{ki}
66. u3 ina _ugu_ {disz}{d}gesz-nu11-mu-gi-na
67. _dumu-man gal_ sza2 _e2 usz_-ti sza2 babila2{ki}
68. szak-nu-u-ni
seal 1
1. _{na4}kiszib3 nam-mesz_
 en: The Seal of Destinies
2. sza2 an-szar2 _man dingir-mesz_
 en: by which (the god) Aššur, king of the gods,
3. {d}i2-gi3-gi3 {d}a-nun-na-ki
 en: (the destinies of) the Igīgū and Anunnakū (gods),
4. _an_-e _ki_-tim u _lu2_-tim
 en: the heavens, the netherworld, and mankind
5. ina lib3-bi i-kan-na-ku
 en: seals.
6. mim-mu-u i-kan-na-ku-u2
 en: Whatever he seals
7. la in-ni sza2 in-nu-u
 en: cannot be changed. Whoever (tries to) change (what he seals),
8. an-szar2 _man dingir-mesz_ {d}nin-lil2
 en: may (the god) Aššur, king of the gods, (and the goddess) Mullissu,
9. a-di _dumu-mesz_-szu2-nu ina _{gesz}tukul-mesz_-szu2-nu
 en: together with their children, with their weapons
10. dan-nu-tu? li-ne2-ru-szu2
 en: mighty kill him.
11. a-na-ku {disz}{d}sin-pap-mesz-su
 en: I am Sennacherib,
12. _man kur_ asz-szur{ki} _nun_ pa-lih-ka
 en: king of Assyria, the ruler who reveres you.
13. sza2 _mu_ szat,-ru i-pa-asz2-szi-t,u
 en: Whoever (my) inscribed name erases,
14. _{na4}kiszib3 nam-mesz_-ka an-nu-u
 en: or this Seal of Destinies belonging to you
15. u2-nak-ka-ru _mu_-szu2
 en: alters, his name
16. _numun_-szu2 ina _kur_ pi-szit,
 en: (and) his seed from the land erase!
seal 2
1. sza {d}a-szur3
 en: That of (the god) Assur,
2. sza _e2_ a-lim{ki}
 en: of City House.
seal 3
  (to be entered)