RINAP 3/1 Sennacherib 004, ex. 002 (P421787)

Official or display cylinder excavated in Nineveh (mod. Kuyunjik), dated to the Neo-Assyrian (ca. 911-612 BC) period and now kept in British Museum, London, UK

Museum Collection(s)

British Museum, London, UK

Museum Number

BM 022500

Period

Neo-Assyrian (ca. 911-612 BC)

Provenience

Nineveh (mod. Kuyunjik)

Artifact Type

Cylinder

Material(s)

Clay

Genre / Subgenre(s)

Official or display (witness)

Language(s)

Akkadian

Measurements

-

Witness

Text

object cylinder
surface a
1. {disz}{d}en#-zu#-szesz-mesz-eri-ba _lugal gal_-u2 _lugal_ dan-nu _lugal_ kisz-sza2-ti _lugal kur_ asz-szur{ki} _lugal_ la sza2-na-an _re#-e2-um_ mut-nen-nu-u2 pa-lih# _dingir#-mesz gal#-mesz_
2. na-s,ir kit-ti ra-'i-im mi-sza2-ri e-pisz u2-sa-a-ti a-lik tap-pu-ut a-ki-i sa-hi-ru [x]-qa#-a-ti
3. et,#-lu git2-ma-lum zi-ka-ru qar-du a-sza2-red kal ma-al-ki rap-pu la-'i-it, la ma-gi-ri mu-szab-ri#-qu# za-ma-ni
4. {d}asz-szur _kur_-u2 _gal_-u2 _lugal_-ut la sza2-na-an u2-szat-li-ma-an-ni-ma _ugu_ gi-mir a-szib pa-rak-ki u2-szar#-ba#-a# _{gesz}tukul-mesz_-ia
5. i-na mah-re-e ger-ri-ia sza {disz}{d}marduk-ibila-szum2-na _lugal_ {kur}kar2-dun-ia-asz2 a-di _erin2 hi-a#_ elam-ma#{ki#} re-s,i-szu2 i-na ta-mir#-ti kisz{ki} asz2-ta-kan _bad5-bad5_-szu
6. i-na _muru2_ tam-ha-ri szu-a-tu e-zib _karasz_-su e-disz ip-par-szid-ma na-pisz-tusz e-t,i2-ir _{gesz}gigir-mesz# ansze#-kur-ra-mesz_ {gesz#}s,u#-um-bi _{ansze}kunga-mesz_ sza ina qit-ru-ub ta-ha-zi u2-masz-sze-ru ik-szu-du _szu-min_-a-a
7. a-na _e2-gal_-szu sza# qe2-reb babila{ki} ha-disz i-ru-um-ma ap-te-e-ma _e2_ ni-s,ir-ti-szu2 _ku3-sig17 ku3-babbar_ u2-nu-ut# _ku3-sig17 ku3-babbar# na4#_ a#-qar-tu mim-ma szum-szu _nig2-szu nig2-gur11_ ni-s,ir-ti ka-bit-tu
8. _dam_-su {munus}_ug3-mesz e2-gal_-szu2 _{lu2}tirum-mesz_ {lu2}man-za-az pa-ni si-hir-ti um-ma-a-ni ma-la ba-szu-u2 mut-tab-bi-lu-tu2 _e2-gal_-usz u2-sze-s,a-am-ma szal-la-tisz am-nu
9. i-na e-muq {d}asz#-szur# _en_-ia 1(gesz2) 2(u) 9(disz) _iri-mesz_-szu2 dan-nu-ti _e2 bad3-mesz_ sza {kur}kal-di u3 6(disz) _me_ 2(u) _iri-mesz tur-mesz_ sza li-me-ti-szu2-nu al-me _kur_-ud asz2-lu-la szal-la-su-un
10. {lu2}ur2-bi {lu2}a-ra-mu {lu2}kal-du sza# qe2-reb unu{ki} nibru{ki} kisz{ki} {iri}hur-sag-kalam-ma#{ki#} gu2-du8-a{ki#} zimbir{ki} _en dumu-mesz iri en_ hi-t,i u2-sze-s,a-am-ma szal-la-tisz am-nu
11. {disz}en-du3 _dumu {lu2}gal-du3_ i-na _{gesz}gu-za lugal_-ti-szu2 u2-sze#-szib _ug3-mesz kur_ uri{ki} u2-szad-gil pa-nu#-usz#-szu2 _ugu#_ gi-mir na-ge-e {kur}kal-di# {lu2}szu-ut _sag_-ia a-na _{lu2}nam_-ti asz2-kun-ma ni-ir be-lu-ti-ia e-mid-su-nu-ti
12. i-na ta-a-a-ar-ti-ia {lu2}tu-'u-mu-na {lu2}ri-hi-hu {lu2}ia-daq-qu {lu2}u2#-bu#-du {lu2}gib-re-e {lu2}ma-li-hu {lu2}gu-ru-mu {lu2}u2-bu-lum {lu2}da-mu-na
13. {lu2}gam-bu-lum {lu2}hi-in-da-ru {lu2}ru-'u-u-a {lu2}pu-qu-du {lu2}ha#-am#-ra-nu {lu2}ha-ga-ra-nu {lu2}na-ba-tu {lu2}li-i'-ta-a-u2 {lu2}a-ra-mu la kan-szu mit-ha-risz ak-szud{ud}
14. 2(disz) _me_ 8(disz) _lim un-mesz tur gal nita_ u _munus_ 7(disz)# _lim_ 2(disz) _me ansze-kur-ra-mesz {ansze}kunga-mesz_ 1(u) 1(disz)# _lim#_ 1(gesz2) 1(u) 3(disz) _ansze-mesz_ 5(disz) _lim_ 2(disz) _me_ 3(u) _ansze#-gam#-mal-mesz_ 1(gesz2) 2(u) _lim_ 1(disz) _me gu4-mesz_ 8(disz)# _me lim_ 8(disz) _me u8-udu hi-a_ szal-la-tu2 ka-bit-tu asz2-lu-la a-na qe2-reb _kur_ asz-szur{ki}
15. a-na me-ti-iq ger-ri-ia sza {disz#}{d#}ag-en-mu-mesz {lu2}qi2-pi {iri}ha-ra-ra-te _ku3-sig17 ku3-babbar_ {gesz}mu-suk-kan-ni _gal-mesz ansze-mesz {ansze}gam-mal-mesz gu4-mesz_ u3 _u8-udu hi-a_ ta-mar-ta-szu2 ka-bit-tu am-hur
16. ba-hu-la-a-ti {iri}hi-rim-me _{lu2}kur2_ ak#-s,i i-na _{gesz}tukul_ u2-szam-qit-ma e-du ul e-zib pag-ri-szu2-un i-na ga-szi-szi a-lul-ma si-{hi}hir-ti _iri_ u2-szal-me
17. na-gu-u2 szu-a-tu a-na esz-szu#-ti as,-bat 1(disz)-en _gu4_ 1(u) _udu-nita2-mesz_ 1(u) _ansze {gesz}gesztin_ 2(u) _ansze zu2#-lum#-ma_ re-sze-te-szu2 a-na _dingir-mesz_-ni _kur_ asz-szur{ki} _en-mesz_-ia u2-kin da3-ri-szam
18. i-na 2(disz)-e ger-ri-ia {d}asz-szur be-li2 u2-tak-kil-an-ni-ma a-na _kur_ kasz-szi-i u3 _kur_ {lu2}ia-su-bi-gal#-la-a-a sza ul-tu ul#-la# a-na _lugal-mesz_-ni _ad-mesz_-ia la kit-nu-szu2 lu al-lik
19. qe2-reb hur-sza2-a-ni zaq-ru-ti _a-sza3_ nam-ra-s,i i-na _ansze-kur-ra_ ar-kab-ma _{gesz}gigir giri3-min_-ia ina ti-ik-ka-ti u2-sza2-asz2-szi asz2#-ru szup-szu#-qu# i-na _giri3-min_-ia ri-ma-nisz at-tag-gisz
20. {iri}e2-{disz}ki-lam-za-ah {iri}har{ar}-disz-pi {iri}e2-{disz}ku-bat-ti _iri-mesz_-ni-szu2-nu _e2 bad3-mesz_-ni dan-nu-ti al-me _kur_-ud _ug3-mesz ansze-kur-ra-mesz {ansze}kunga-mesz# <ansze-mesz> gu4#-mesz_ u3 _u8-udu hi-a_ ul-tu qer-bi-szu2-un u2-sze-s,a-am-ma szal-la-tisz am-nu
21. u3 _iri-mesz_-ni-szu2-nu _tur-mesz_ sza ni-ba la i-szu-u2 ap-pul aq-qur u2-sze-me kar-mesz _e2 edin_ kul-ta-ri mu-sza2-bi-szu2-nu i-na {d}gesz-bar aq-mu-ma di-tal#-lisz u2-sze-mi
22. u2-ter-ma {iri}e2-{disz}ki-lam-za-ah szu-a-tu a-na bir-tu-ti as,-bat _ugu_ sza u4-me pa-ni _bad3-mesz_-szu2 u2-dan-nin-ma _ug3-mesz kur-kur_ ki-szit-ti _szu-min_-ia ina lib3-bi u2-sze-szib
23. _ug3-mesz kur_ {lu2}kasz-szi-i u3 _kur_ {lu2}ia-su-bi-gal-la-a-a sza la-pa-an _{gesz}tukul-mesz_-ia ip-par-szi-du ul-tu qe2-reb _kur_-i u2-sze-ri-dam#-ma ina {iri}har-disz-pi {iri}e2-{disz}ku-bat-ti# u2-szar-me
24. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha am-nu-szu2-nu-ti _{na4}na-ru2-a_ u2-sze-pisz-ma li-i-tu2 ki-szit-ti _szu-min_ sza _ugu_-szu2-un asz2-tak-ka-nu s,e-ru-usz-szu2 u2-sza2-asz2-t,ir-ma i-na qe2-reb _iri_ ul-ziz
25. pa-an ni-ri-ia u2-ter-ma a-na {kur}el-li-pi as,-s,a-bat har-ra-nu el-la-mu-u-a {disz}is-pa-ba-a-ra _lugal_-szu2-un# _iri-mesz_-szu2 dan-nu-ti _e2_ ni-s,ir-ti-szu2 u2-masz-szir#-ma a-na ru-qe2-e-ti in-na-bit
26. gim-ri _kur_-szu _dagal_-ti _gin7 muru9_ as#-hu-up {iri}mar-u2-bisz-ti {iri}ak-ku-ud-du _iri-mesz e2 lugal_-ti-szu2 a-di 3(u) 4(disz)# _iri-mesz tur-mesz_ sza li-me-ti-szu2-nu al-me _kur_-ud ap-pul aq-qur ina {d}gesz-bar aq-mu
27. _ug3-mesz tur gal nita_ u _munus ansze-kur-ra-mesz# {ansze#}kunga-mesz ansze-mesz {ansze}gam-mal-mesz gu4-mesz_ u3 _u8#-udu hi-a_ la ma-nam asz2-lu-la-am-ma a-di la ba-szi-i u2-sza2-lik-szu2-ma u2-s,a-hir ma-a-su
28. {iri}s,i-s,i-ir-tu2 {iri}ku-um-ma#-ah-lum _iri-mesz_ dan-nu-ti a-di _iri-mesz tur-mesz_ sza li-me-ti-szu2-nu {kur}e2-{disz}ba-ar-ru-u na-gu-u a-na gi-mir-ti-szu2 ul-tu qe2-reb _kur_-szu2 ab#-tuq-ma _ugu#_ mi-is,-ri _kur_ asz-szur{ki} u2-rad-di
29. {iri}el-en-za-asz2 a-na _iri lugal_-ti-szu2 u3 dan-na-at <na>-ge-e szu-a-tu as,-bat-ma _mu_-szu2 mah-ra-a u2-nak-kir-ma {iri}kar-{d}en-zu-szesz-mesz-eri-ba it-ta-bi ni-bit-su
30. _ug3-mesz kur-kur_ ki-szit-ti _szu-min_-ia ina lib3-bi u2-sze-szib i-na _szu-min_ {lu2}szu-ut _sag-mesz_-ia _{lu2}en-nam_ {iri}har-har am-nu-ma u2-rap-pisz ma-a-ti
31. i-na ta-a-a-ar-ti-ia sza {kur}ma-da-a-a ru-qu-ti sza i-na _lugal-mesz_-ni _ad-mesz_-ia ma-am-man la isz-mu-u2# zi-kir _kur_-ti-szu2-un man-da-ta-szu2-nu ka-bit-tu am#-hur a-na ni-ir be-lu-ti-ia u2-szak-ni#-su-nu-ti
32. i-na szal-szi ger-ri-ia a-na {kur}ha-at#-ti lu al-lik {disz}lu-li-i _lugal_ {iri}s,i-du-un-ni pul-hi me-lam-me be-lu-ti-ia is-hu-pu-szu-ma a-na ru#-uq#-qi2 _muru2_ tam-tim in-na-bit-ma
33. {iri}s,i-du-un-nu _gal_-u2 {iri}s,i-du-un-nu s,e-eh-ru {iri}e2-zi-it-ta {iri}s,a-ri-ip-tu {iri}ma-hal-li-ba {iri}u2-szu-u2 {iri}ak-zi-ba# {iri}ak-ku-u2
34. _iri-mesz_-szu2 dan-nu-ti _e2 bad3-mesz_-ni a-szar ri-i-ti u3 masz-qi2-ti _e2_ tuk-la-ti-szu2 ra-szub-bat _{gesz}tukul_ {d}asz-szur _en_-ia is-hu-pu-szu-nu-ti-ma ik-nu-szu2 sze-pu-[x]-a
35. {disz}tu-ba-a'-lu i-na _{gesz}gu-za lugal_-ti-szu2 _ugu_-szu2#-un u2-sze-szib-ma _gun_ man-da-at-ti be-lu-ti-ia szat-ti-szam la ba-at,-lu u2-kin s,e-ru-usz#-szu2
36. sza {disz#}mi#-nu-hi-im-mu {iri}sam-si-mu-ru-na-a#-a {disz}tu-ba-a'-lu {iri}s,i-du-un-na-a-a {disz}ab-di-li-i'-ti {iri}a-ru-da-a-a {disz}u2-ru-mil-ki {iri}gu-ub-la-a-a
37. {disz}mi-ti-in-ti {iri}as-<du>-da-a-a {disz}bu-du-_dingir {iri}e2_-am-ma-na-a-a {disz}kam-mu-su-na-ad-bi {iri}ma-'a#-ba-a-a {disz}{d}a-a-ram-mu {iri}u2-du-um-ma-a-a
38. _lugal-mesz_-ni _kur_ mar-tu#{ki#} ka#-li-szu2-nu _igi-sa2_-e szad-lu-ti ta-mar-ta-szu2-nu ka-bit-tu a-di 4(disz)-szu2 a-na mah-ri-ia isz-szu-nim-ma isz-szi-qu _giri3-min_-ia
39. u3 {disz}s,i-id-qa-a _lugal_ {iri}is-qa-lu-na# sza2 la# ik#-nu#-szu2# a-[x] ni#-ri#-ia _dingir-mesz e2 ad_-szu2 sza2-a-szu _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2 as-su-ha-ma a-na _kur_ asz-szur{ki} u2-rasz#-szu2
40. {disz}lugal-lu-da3-ri _dumu_ {disz}ru-kib-ti _lugal_-szu2-nu mah-ru#-[x] _ugu# un#-mesz# [x]-is#_-qa#-lu#-na# asz2#-kun#-ma# na#-dan# _gun#_ kad3-re-e be-lu#-ti#-ia e-mid-su-nu-ma i-sza2-t,a ab-[x x]-ni#
41. i-na me-ti-iq ger-ri-ia {iri}e2-da-gan-na {iri}ia-pu#-u {iri}ba-na-a-a#-bar#-qa# {iri#}a#-zu#-ru# _iri#-mesz#_ [x x] s,i#-id-qa-a sza a-na _gir3#-[x_]-ia# ar2-hisz la ik-nu-szu2 al-me _kur_-ud asz2-lu-la szal-la#-[x]-un#
42. _{lu2}szagina-mesz {lu2}nun-mesz_ u _ug3-mesz_ {iri}am-qar-ru-na sza {disz}pa-di-i _lugal_-szu2-nu _en_ a-di-i u3 ma-mit sza2# _kur_ asz#-szur#{ki#} bi#-re-tu2 _an#-bar#_ [x]-du-ma a-na {disz}ha-za-qi-ia ia-u2-da-a-a# id#-di-nu-szu2 nak#-risz#
43. a-na an-zil-li e-pu-szu ip-lah3-ma lib3-ba-szu2-un _lugal-mesz_ {kur}mu-s,u-ri _{lu2}erin2-mesz {gesz}pan {gesz}gigir-mesz ansze-kur-ra-mesz_ sza _lugal_ <{kur>}me#-luh#-ha# e-mu-qi2 la ni-bi ik#-te#-ru#-nim#-ma# il#-li#-ku# re#-s,u#-szu2-un
44. i-na ta-mir-ti {iri}al-ta-qu-u2 el-la-mu-u-a si-id-ru szit-ku-nu u2-sza2-'a-lu _{gesz}tukul_-szu2-un i-na tukul-ti asz-szur _en#_-ia it-ti-szu2-un am-da-<hi>-is,-ma asz2-ta-kan _bad5#-bad5_-szu2-un
45. _{lu2}en {gesz}gigir-mesz dumu-mesz lugal-mesz_ {kur}mu-s,u-ra-a-a a-di _{lu2}en {gesz}gigir-mesz_ sza _lugal_ {kur}me-luh-ha bal-t,u-su-un i-na _muru2_ tam-ha-ri ik-szu-du _szu-min_-a-a
46. {iri}al-ta-qu-u2 {iri}ta-am-na-a al-me _kur_-ud asz2-lu-la szal-la-su-un a-na {iri}am-qar-ru-na aq-rib-ma _{lu2}szagina-mesz {lu2}nun-mesz_ sza hi-it,-t,u u2-szab-szu-u a-duk-ma ina di-ma-a-ti si-hir-ti _iri_ a-lul pag-ri-szu2-un
47. _dumu-mesz iri_ e-pisz an-ni u3 gil2-la-ti a-na szal-la-ti am-nu si-it-tu-te-szu2-nu la ba-bil hi-t,i-ti u3 gul-lul-ti sza a-ra#-an-szu2-nu la ib-szu-u2 usz-szur-szu-nu aq-bi
48. {disz}pa-di-i _lugal_-szu2-nu ul-tu qe2-reb {iri}ur-sa-li-im-mu u2-sze-s,a-am-ma i-na _{gesz}gu-za_ be-lu-ti _ugu_-szu2-un u2-sze-szib-ma man-da#-at-tu2 be-lu-ti-ia u2-kin s,e-ru-usz-szu2
49. sza {disz}ha-za-qi-ia-u2 {iri}ia-u2-da#-a#-a 5(u) 6(disz) _iri-mesz_-szu2 _e2 bad3-mesz_ dan-nu-ti-szu2 u3 _iri-mesz tur-mesz_ sza2 li-me-ti-szu2-nu sza2 ni-ba la i-szu-u2
50. i-na szuk-bu-us a-ram-me u3 qur-ru#-ub su-pe-e mit-hu-us, zu-uk _giri3-min_ pil-szi nik-si u3 kal-ba-na-te al-me ak-szud{ud}
51. 2(disz) _me lim_ 1(disz) _me_ 5(u) _ug3-mesz tur gal nita_ u# _munus ansze-kur-ra-mesz {ansze}kunga-mesz ansze-mesz {ansze}gam-mal-mesz gu4-mesz_ u3 _u8-udu hi-a_ sza2 la ni-bi ul-tu qer-bi-szu2-un u2-sze-s,a-am-ma szal-la-tisz am-nu
52. sza2-a-szu2 _gin7 muszen_ qu-pi qe2-reb {iri}ur-sa-li-im-ma _iri lugal_-ti-szu2 e-sir2-szu {iri}hal-s,u-_mesz ugu_-szu2 u2-rak-kis-ma a-s,e#-e _ka2-gal iri_-szu2 u2-ter-ra ik-ki-bu-usz
53. _iri-mesz_-szu2 sza asz2-lu-la ul-tu qe2-reb _kur_-szu2 ab#-tuq-ma a-na {disz}mi-ti-in-ti _lugal_ {iri}as-du-di u3 {disz}pa-di-i _lugal_ {iri}am#-qar-ru-na {disz}gissu-en _lugal_ {kur}ha-zi-te ad-din u2-s,a-hi-ir _kur_-su
54. e-li _gun_ mah-ri-ti na-dan# szat#-<ti>-szu2-un man-da-at-ti kad3-re-e be-lu-ti-ia u2-rad-di-ma u2-kin s,e-ru-usz-szu2
55. szu-u2 {disz}ha-za-qi-ia-u2 pul-hi me-lam-me be-lu-ti-ia is-hu-pu-szu-ma {lu2}ur2-bi _{lu2}erin2-mesz saga-mesz_ sza a-na dun-nu-un {iri}ur-sa-li-im-mu-u2 _iri lugal_-ti-szu2 u2-sze-ri-bu ir-szu-u2 til-la-a-te
56. 3(u) _gun ku3-sig17_ 8(disz) _me gun ku3-babbar_ ni-siq-ti gu-uh-li tak2-kas3-si _an-za-gul-me gal-mesz {gesz}na2-mesz zu2 {gesz}gu-za-mesz_ ne2-me-di _zu2 kusz am-si zu2 am-si {gesz}esi {gesz}tug2_ lu-bul-ti bir-me _{tug2}gada_ {siki}ta-kil-tu2 {siki}ar-ga-man-nu
57. u2-nu-ut _zabar an-bar uruda an-na an-bar {gesz}gigir-mesz_ ga-ba-bi as-sa-ma-re-e si-ri-ia-am _gir2-mesz an-bar_ szib-bi til-pa-ni us,-s,i til-li u2-nu-ut ta-ha-zi sza2 ni-ba la i-szu-u2
58. it-ti _dumu-munus-mesz_-szu2 {munus}_ug3-mesz e2-gal_-szu2 _{lu2}nar-mesz_ {munus}_nar-mesz_ i#-na qe2-reb nina{ki} _iri_ be-lu-ti-ia _egir_-ia u2-sze-bi-lam-ma a-na na-dan man-da-at-ti u3 e-pesz _ARAD2_-u2-ti isz-pu-ra rak-bu-szu2
59. i-na szal-la-at _kur-mesz_ sza2-ti-na sza asz2-lu-la 1(u) _lim {gesz}pan_ 1(u) _lim_ {gesz}a-ri-tu2 ina lib3-bi-szu2-nu ak-s,ur-ma _ugu_ ki-s,ir _lugal_-ti-ia u2-rad-di
60. si-it-ti szal-la-ti na-ki#-ri ka-bit-tu a-na gi-mir _karasz_-ia u3 _{lu2}en-nam_-ia _ug3-mesz_ ma-ha-ze-ni-ia _gal-mesz_ ki-ma s,e-e-ni lu u2-za-'i-iz
61. i-na u4-me-szu-ma nina{ki} ma-ha-zi s,i-i-ru _<iri>_ na-ram {d}isz-tar sza nap-har ki-du-de-e _dingir-mesz_ u _{d}isz-tar-mesz_ ba-szu-u2 qe2-reb-szu
62. tem-me-en-nu da-ru-u2 du-ru-usz s,a-a-ti sza# ul#-tu ul-la it-ti szi-t,ir bu-ru-u2-me es,-rat-su es,-ret-ma szu-pu-u2 s,i-in-du-szu2
63. asz2-ru nak-lu szu-bat pi-risz-ti sza mim-ma szum-szu szi-[x] ni#-kil-ti gi-mir pel-lu-de-e ni-s,ir-ti lal3-gar szu-ta-bu#-lu qe2-reb-szu2#
64. sza ul-tu ul-la _lugal-mesz_-ni a-li-kut mah-ri _ad-<mesz>_-ia ul-la-nu-u-a be-lu-ti _kur_ asz-szur{ki} e-pu-szu-ma u2-ma-'e-er-ru ba-'u-lat {d}en-lil2
65. u3 szat-tu2-szam la na-par-ka-a e-reb nar-ba-a-ti _gun_ mal-ki kib-rat ar-ba-'i im-da-na-ha-ru qe2-reb-szu
66. a-a-um-ma ina lib3-bi-szu2-nu a-na _e2-gal_ qer-bi-szu kum2-mu ri-mit be-lu-ti sza s,u-uh-hu-ru szu-bat-su le-e-su ul id-da-a lib-bu-usz ul ih-su-us
67. a-na szu-te-szur _sila iri_ u3 szum-dul6 re-ba-a-ti ha-re-e _i7_ za-qa-ap# s,ip-pa-a-ti uz-zu-un-szu2 ul ib-szi-ma ul usz-ta-bil ka-ras-su
68. ia-a-ti {disz}{d}en-zu-pap-mesz-eri-ba _lugal kur_ asz-szur{ki} e-pesz szip-ri szu-a#-tu# ki-i t,e3-em _dingir#-mesz#_ a#-na# uz-ni-ia ib-szi-ma ka-bat-ti ub-lam-ma
69. te-ne-szet {kur}kal-di {lu2}a-ra-me {kur}man-na-a-a {kur}qu-e {kur}hi-lak-ku {kur}pi#-lisz#-tu u3 s,ur-ri sza a-na ni-ir-ia la ik-nu-szu2 as-su-ha-am-ma tup-szik-ku u2-sza2-asz2-szi-szu2-nu-ti il-bi-nu _sig4_
70. a-pe ku-pe-e sza qe2-reb {kur}kal-di ak-szit,-ma ap-pa-ri-szu2-un szam#-hu#-ti# i#-na# ba#-hu#-la-ti na-ki-ri ki-szit-ti _szu-min_-ia u2-szal-di-da a-na e-pesz szip-ri-sza2
71. _e2-gal_ mah-ri-tu sza 3(disz) _me_ 1(gesz2) ina 1(disz) _kusz3 us2_ tar-s,i za-me-e _e2_ ziq-qur-rat 1(gesz2) 2(u) ina 1(disz) _kusz3 dagal_ i#-na# {e2}na-ma-ri _e2_ {d}isz-tar 1(disz) _me_ 1(gesz2) 2(u) 4(disz) ina 1(disz) _kusz3 dagal_ i-na tar-s,i {e2}na-ma-ri _e2_-kid9-mu-ri 1(gesz2) 3(u) 5(disz) ina 1(disz) _kusz3 dagal_
72. sza _lugal-mesz_-ni a-li-kut mah-ri _ad-mesz_-ia a-na ri-mit be-lu-ti-szu2-un u2-sze-pi-szu-ma la u2-nak-ki-lu szi-pir-sza2
73. {i7}te-bil-ti a-gu-u2 szit-mu-ru sza i-na na-szi-sza2 ge-gu-ne2-e qa-bal-ti _iri_ u2-ab-bi-tu-ma ki-mah-hi-szu2-un# pa#-az#-ru#-ti# u2#-kal-li-mu# {d}utu-szu2
74. u3 ul-tu u4-me _su3-mesz_ t,e-eh _e2-gal_ i-ba-'u-u2-ma i-na _illu_-sza2 gap-szi i-na usz-szi-sza2 ab-bu u2-szab-szu-u2 u2-ri-bu tem-me-en-sza2
75. _e2-gal-tur-ra_ sza2-a-tu a-na si-hir-ti-sza2 a-qur-ma# sza {i7}te-bil-ti ma-lak-sza2 usz-te-esz-na-a ab-bu usz-t,ib-ma u2-sze-szir mu-s,u-u-sza2
76. qe2-reb ka-tim-ti a-sur-rak-ku-sza2 szap-la-nu _gi-mesz_ e-la-nisz _na4 kur_-i dan-ni it-ti _esir-ud-a_ ak-si-ma _a-sza3_ ul-tu ma-a-me u2-sze-lam-ma na-ba-lisz u2-ter
77. 7(disz) _me_ ina 1(disz) _kusz3 as4-lum gal_-ti _usz_ 1(disz) _me_ 1(gesz2) 1(u) 6(disz) ina _as4-lum gal_-ti _sag#-ki an-ta {im}si-sa2_ 2(disz) _me_ 1(gesz2) 8(disz) ina _as4-lum gal_-ti _sag-ki muru2_-ti me2-eh-ret za-me-e at-man-ni ku-tal {d}isz-tar
78. 3(disz) _me_ 1(gesz2) 2(u) 3(disz) ina _as4-lum gal_-ti _sag-ki_ qab-li-tum sza2-ni-tu2 mu-uh#-hur-ti sza2-a-ri a-mur-ri ku-tal _e2_ ziq-rat _e2_ {d}isz-tar
79. 3(disz) _me_ 1(gesz2) 2(u) 6(disz) ina _as4-lum gal_-ti _sag-ki ki-ta {im}u18-lu us2-sa#-du#_ {i7#}idigna# tam-la-a u2-mal-li-ma am-szu-uh me-szi-ih-ta
80. la-ba-risz u4-me i-na _illu_ kisz-sza2-ti tem-me-en-szu2 la# e#-ne2-sze# as#-kup#-pat# {na4#}pi#-i#-li# rab#-ba#-a#-ti# ki-su-u2-szu u2-sza2-as-hi-ra u2-dan-ni-na szu-pu-uk-sza2
81. _mu-sar_-e szi-t,ir szu-mi-ia 1(disz) _me_ 1(gesz2) ti-ib-ki tam-li-i qe2-reb-szu al-t,u-ur-ma# [...] e-zib ah-ra-tasz
82. ar-ka#-a#-nu# szu#-usz#-qu#-u2 tam-li-i ka-bat-ti ub-lam-ma 2(u) ti-ib-ki s,e#-[x] mah#-ri#-[...] ti#-ib-ki u2-szaq-qi2 e-la-nisz
83. tar-pa-szu-u2 _ugu_ sza# u4#-me# pa#-ni# u2-szar-bi s,e-er me-szi-ih-ti _e2#-gal#_ mah#-ri-te u2-rad-di-ma u2#-sza2#-an#-di#-la# szi-kit-tasz
84. _e2-gal {na4}gesz#-nu11#-gal# zu2# am#-si# {gesz#}esi# {gesz#}tug2#_ {gesz#}mu#-suk#-kan#-ni# _{gesz}eren {gesz}szur-min3_ {gesz}dap2#-ra#-nu# {szim#}_li_ u3 {gesz}bu-ut,-ni e2-gal-za3-di-nu-tuku#-a# a#-na# [...]-ia# u2-sze-pi-sza2 qe2-reb-sza2
85. _{gesz}kiri6-mah_-hu tam-szil {kur}ha-ma-nim sza gi-[x] _szim hi-a gurun#_ s,ip#-pa#-a#-ti _gesz-mesz_ tuk-lat _kur_-i u3 {kur}kal-di qe2#-reb-szu hur#-[...]-sza2 az-qu-up
86. asz2-szu2 za-qa-ap s,ip-pa-a-ti _a-sza3_ ta-mir-ti# e#-le#-en# _iri# 2(barig)#-ta-am3_ a-na _dumu-mesz_ {iri}nina{ki} pil-ku u2-pal-lik-ma [...]-la# pa-nu-usz-szu2-un
87. a-na mit,-ra-a-ti szum-mu-hi ul-tu pa#-a-t,i ki-si-ri a-di ta-mir-ti _{iri}nina{ki} kur_-a u3 bi-ru-tu2 ina ak-kul-la-a-ti u2-szat-tir#-[x x]-sze#-szir {i7#}har-ru
88. 1(disz) 1/2(disz) _danna_ qaq-qa-ru ul-tu qe2-reb {i7}hu-su-ur ma-a-me da-ru-u2-ti a-szar-sza2 u2-szar-da-a qe2-reb s,ip-pa-a-ti sza2-ti-na u2-szah-bi-[x] pat#-ti-isz
89. sza nina#{ki#} _iri#_ be-lu-ti-ia szu-bat-su usz#-rab-bi re-ba-ti-szu2 u2-sza2-na-dil-ma bi-re-e-ti u3 su-qa-ni usz-par-di-ma# [x x]-mir# _gim#_ u4-me
90. i-na me2-eh-ret _ka2#-gal muru2 iri_ i-na a-gur2-ri {na4}pi-i-li pe-s,e-e a-na me-ti-iq be-lu-ti-ia# u2-[x x]-is ti-tur-ru
91. _mu-sar_-a u2-sze-pisz-ma# li-i-tu2 u3 da-na-nu sza i-na tukul-ti asz-szur _en gal_-e _en_-ia _ugu#_ kul#-[x] na#-ki-ri asz2-tak-ka-nu#
92. u3 mim-ma ep-szet e-tep-pu-szu qe2-reb-szu2 u2-sza2-asz2-t,ir-ma i-na tem-me-en-nu _e2-gal_ be-lu#-ti#-ia e-zib ah-ra-tasz#
93. a-na ar-kat3 u4-me i-na _lugal-mesz_-ni _dumu-mesz_-ia sza {d}asz-szur a-na _re-e2-um_-ut _kur_ u3 _ug3-mesz_ i-nam-bu-u2 zi#-[x x] e#-nu-ma _e2-gal_ sza2-a-tu i-lab-bi-ru-ma en-na-hu
94. an-hu-sa lu-ud#-disz _mu-sar_-e szi-t,ir szu-mi-ia li-mur _i3-gesz_ lip-szu-usz _{udu}siskur_ liq-qi2 a-na asz2-ri-szu2 li#-ter# {d#}asz#-szur# ik-ri-bi-szu i-szem-me
  single ruling
95. _1(disz) usz 3(u) 4(disz)-ta-am3 mu-didli mu-sar_-e {iti}gu4-si-sa2 li-mu {disz}mi-tu-nu _{lu2#}gar-kur_ {iri}i-sa-na#

Text content

Genre(s) Official or display (witness)
Language(s) Akkadian

Chronology

Period Neo-Assyrian (ca. 911-612 BC)
Accounting Period

Composites

This artifact is a witness to the following composite(s):

Composite Composite Number Score
RINAP 3/1 Sennacherib 004 composite (P462812) Q003478 View the score

Record

LOD URI https://cdli.network/entity/P421787

Physical information

Artifact type Cylinder
Dimensions
Weight
Material(s) Clay
Preservation

Provenance

Provenience Nineveh (mod. Kuyunjik)
Written In
Archive
Excavation Number
Findspot
Presumably the South-West Palace
Stratigraphic Level
Elevation

Collections

Collection(s) British Museum, London, UK
Museum Number BM 022500
Accession Number 1881-02-04, 0042

External resources

External Resource Identifiers
Electronic Babylonian Library (eBL) 1881,0204.42 + BM.22500
RINAP Sources (RINAP Sources) P421787
Ancient Records of Middle Eastern Polities (ARMEP) P421787
British Museum Collection (BM) W_1881-0204-42

References

  • primary: RINAP 3/1, 004, ex. 002

    [Grayson2012RINAP3/1] Grayson, A. Kirk, and Jamie Novotny. 2012. The Royal Inscriptions of Sennacherib, King of Assyria (704-681 BC), Part 1. The Royal Inscriptions of the Neo-Assyrian Period, vol. 3/1. Eisenbrauns.

Revisions and credits

Created Creator Type Authors Project Reviewer Status Action
2023-08-19 at 13:19:51 Rattenborg, Rune Artifact metadata Rattenborg, Rune; Smidt, Gustav Ryberg Geomapping Landscapes of Writing Rattenborg, Rune Approved View
2023-06-15 at 20:38:30 Rattenborg, Rune Artifact metadata Rattenborg, Rune Geomapping Landscapes of Writing Rattenborg, Rune Approved View
2023-06-01 at 18:47:18 Rattenborg, Rune Artifact metadata Novotny, Jamie Rattenborg, Rune Approved View
2023-01-21 at 08:02:28 Pagé-Perron, Émilie Artifact metadata Földi, Zsombor J.; Jiménez, Enrique; Pagé-Perron, Émilie Electronic Babylonian Library Pagé-Perron, Émilie Approved View
2019-10-20 at 10:52:35 Englund, Robert K. Transliteration Englund, Robert K. CDLI, CDLI Approved View
2013-09-11 at 18:27:36 Englund, Robert K. Transliteration Englund, Robert K. CDLI, CDLI Approved View
2013-09-11 at 17:23:09 Englund, Robert K. Transliteration Englund, Robert K. CDLI, CDLI Approved View
2011-06-29 at 00:00:00 CDLI, CDLI Artifact metadata Stadhouders, Henry British Museum Collection CDLI, CDLI Approved View

Cite this Artifact

“RINAP 3/1 Sennacherib 004, Ex. 002 Artifact Entry.” (2011) 2023. Cuneiform Digital Library Initiative (CDLI). August 19, 2023. https://cdli.earth/P421787.
RINAP 3/1 Sennacherib 004, ex. 002 artifact entry (No. P421787). (2023, August 19). Cuneiform Digital Library Initiative (CDLI). https://cdli.earth/P421787 (Original work published 2011)
RINAP 3/1 Sennacherib 004, ex. 002 artifact entry (2023) Cuneiform Digital Library Initiative (CDLI). Available at: https://cdli.earth/P421787 (Accessed: October 23, 2026).
@misc{2023RINAP,
	note = {[Online; accessed 2026-10-23]},
	year = {2023},
	month = {aug 19},
	title = {RINAP 3/1 {Sennacherib} 004, ex. 002 artifact entry},
	url = {https://cdli.earth/P421787},
	howpublished = {https://cdli.earth/P421787},
}


TY  - ELEC
DA  - 2023/8/19/
PY  - 2023
ID  - P421787
LB  - CDLI:P421787
M1  - 2026/10/23/
TI  - RINAP 3/1 Sennacherib 004, ex. 002 artifact entry
UR  - https://cdli.earth/P421787
ER  -

Cite this Artifact

“RINAP 3/1 Sennacherib 004, Ex. 002 Artifact Entry.” (2011) 2023. Cuneiform Digital Library Initiative (CDLI). August 19, 2023. https://cdli.earth/P421787.
RINAP 3/1 Sennacherib 004, ex. 002 artifact entry (No. P421787). (2023, August 19). Cuneiform Digital Library Initiative (CDLI). https://cdli.earth/P421787 (Original work published 2011)
RINAP 3/1 Sennacherib 004, ex. 002 artifact entry (2023) Cuneiform Digital Library Initiative (CDLI). Available at: https://cdli.earth/P421787 (Accessed: October 23, 2026).
@misc{2023RINAP,
	note = {[Online; accessed 2026-10-23]},
	year = {2023},
	month = {aug 19},
	title = {RINAP 3/1 {Sennacherib} 004, ex. 002 artifact entry},
	url = {https://cdli.earth/P421787},
	howpublished = {https://cdli.earth/P421787},
}


TY  - ELEC
DA  - 2023/8/19/
PY  - 2023
ID  - P421787
LB  - CDLI:P421787
M1  - 2026/10/23/
TI  - RINAP 3/1 Sennacherib 004, ex. 002 artifact entry
UR  - https://cdli.earth/P421787
ER  -
This website uses essential cookies that are necessary for it to work properly. These cookies are enabled by default.