RINBE 2, Nabonidus x2001 composite (P519109)
Official or display artifact excavated in Harran (mod. Harran), dated to the Neo-Babylonian (ca. 626-539 BC) periodMetadata / catalogue
Flat catalogue
As CSV As TSVExpanded catalogue
As JSONLinked catalogue
As TTL As JSON-LD As RDF/JSON As RDF/XMLText / annotations
Text data
As ATF As JTFLinked annotations
As TTL As JSON-LD As RDF/JSON As RDF/XML
Museum Collection(s)
-Museum Number
-Provenience
Harran (mod. Harran)Artifact Type
-Material(s)
-Genre / Subgenre(s)
Official or display (composite)Language(s)
AkkadianMeasurements
-Composite
object composite text
surface a
1. a-na-ku _{munus}{d}iszkur_-gu-up-pi-i' _ama_
2. {disz}{d}na-bi-um-na-'i-id _lugal_ babilax(|TIN.TIR|){ki}
3. pa-li-ih-tu {d}sin {d}nin-gal {d}nusku
4. u3 {d}sa-dar3-nun-na _dingir-mesz_-e-a
5. sza2 ul-tu me2-es,-he-ru-ti-ia asz2-te-e'-u
6. _dingir_-u2-ut-su-un sza2 ina _mu 1(u) 6(disz)-kam_ {d}muati-a-uru3
7. _lugal_ babilax(|TIN.TIR|){ki} {d}sin _lugal dingir-mesz_ it-ti _iri_-szu
8. u3 _e2_-szu2 iz-nu-u2 i-lu-u2 sza2-ma-misz2 _iri_ u3
9. _ug3-mesz_ sza2 ina lib3-bi-szu2 il-li-ku kar-mu-ti
10. ina lib3-bi sza2 asz-ra-a-tu2 {d}sin {d}nin-gal {d}nusku
11. u {d}sa-dar3-nun-na asz2-te-e'-u pal-ha-ku _dingir_-ut-su-un
12. sza2 {d}sin _lugal dingir {tug2}siki_-szu2 as,-bat-ma mu-szi u ur-ra
13. asz2-te-ne2-e'-a _dingir_-ut-su _gal_-ti u4-mi-szam la na-par-ka-a
14. sza2 {d}sin {d}utu {d}1(u)-5(disz) u {d}iszkur ma-la bal-t,a-ku
15. ina _an_-e u _ki_-tim pa-li-ha-at-su-nu ana-ku mim-mu-u-a
16. dam-qa sza2 id-di-nu-nu u4-mu u mu-szi _iti_ u _mu_ ad-din-szu2-nu-tu2
17. _{tug2}siki_ {d}sin _lugal dingir-mesz_ as,-bat-ma mu-szi u ur-ra
18. _igi-min_-ia it-ti-szu2 ba-sza2-a ina su-pe-e u la-ban ap-pi
19. ku-um-mu-sak ina mah-ri-szu2-un um-ma ta-a-a-ru-tu-ku
20. a-na _iri_-ka lib-sza2-ma ni-szi s,al-mat qaq-qa-du
21. lip-la-hu _dingir_-u2-ut-ka _gal_-ti a-na nu-uh-hu
22. _sza3 dingir_-ia u {d}1(u)-5(disz)-ia lu-bu-szu2 _siki sag_ szu-kut-ti
23. _ku3-babbar_ u _ku3-sig17_ s,u-ba-a-ti esz-szu2 _szim-hi-a_ u _i3-gesz du10-ga_
24. la u2-t,ah-ha a-na zu-um-ri-ia2 s,u-bat nak-su
25. la-ab-sza2-ku-ma mu-s,e-e-a saq-qu-um-mu a-dal-lal
26. da-li-li-szu2-un ta-nit-tu2 _iri_-ia2 u {d}isz-tar-ia2
27. ina lib3-bi-ia isz-sza2-kin-ma _en-nun_-ti3-szu2-nu as,-s,ur
28. mim-mu-u2-a dam-qa la e-zib-ma na-sza2-ku ma-har-szu2-un
29. ul-tu _mu 2(u)-kam an-szar2-du3-a _lugal kur_ asz-szur sza2 al-da-ku
30. a-di _mu 4(u) 2(disz)-kam an-szar2-du3-a mu-3(disz)-kam an-szar2_-e-tel-lu_-dingir_
31. _dumu_-szu2 _mu 2(u) 1(disz)-kam {d}muati-a-pap mu-4(u) 3(disz)-kam {d}muati-nig2-gub-pap_
32. _mu 2(disz)-kam {disz}lu2-{d}marduk mu-4(disz)-kam {disz}{d}u-gur-lugal-uru3
33. ina 1(gesz2) 3(u) 5(disz) _mu-mesz_ {d}sin _lugal dingir-mesz_ sza2 _an_-e u _ki_-tim
34. sza2 asz2-ra-a-ti _dingir_-u2-ti-szu2 _gal_-ti asz2-te-e'-u
35. ep2-sze-ti-ia2 _saga-mesz_ ha-disz ip-pal-sa-an-ni-ma
36. su-pe-e-a isz-mu-u im-gu-ru qi2-bi-ta5 ug-ga-ti
37. lib3-bi-szu2 i-nu-uh-ma a-na e2-hul2-hul2 _e2_ {d}sin
38. sza2 qe2-reb _{iri}kaskal_ szu-bat t,u-ub lib3-bi-szu2 is-li-mu ir-szu-u
39. ta-a-a-ri {d}sin _lugal dingir-mesz_ ip-pal-sa-an-ni-ma
40. {disz}{d}muati-i _dumu_ e-du s,i-it _sza3_-ia2 a-na _lugal_-u-tu2
41. im-be2-e-ma _lugal_-u2-ti _kur_ szu-me-ri u _kur-uri{ki}_
42. ul-tu pa-t,u {kur}mi-s,ir tam-tim e-lit a-di tam-tim
43. szap-li-ti nap-har _kur-kur_ u2-mal2-la-a
44. _szu-min_-usz-szu2 qa-ta-a-a asz-szi-ma a-na {d}sin _lugal dingir_
45. pal-hisz ina te-me-qa [...]
46. [...] s,i-it lib3-bi-ia2 [...]
47. at-ta a-na _lugal_-u-ti tam-bi-szu-ma taz-ku-ru zi-kir-szu2
48. ina qi2-bit _dingir_-u2-ti-ka _gal_-ti _dingir-mesz gal-mesz_
49. i-da-a-szu2 lil-li-ku li-szam-qi2-tu2 ga-ri-szu2
50. e tam-szu2 e2-hul2-hul2 u3 szuk-lu-lu-tu2 _garza_-szu2 szul-lim
51. qa-ta-a-szu2 ina _masz2-ge6_-ia ki-i isz-szak-nu {d}sin _lugal dingir-mesz_
52. i-qab-ba-a um-ma it-ti-ka ta-a-a-ra-tu2 _dingir-mesz_
53. szu-bat _{iri}kaskal_ ina _szu-min_ {disz}{d}muati-i _dumu_-ka a-szak-kan
54. e2-hul2-hul2 ip-pu-usz-ma u2-szak-lal szi-pir-szu2 _{iri}kaskal_
55. _ugu_ sza2 ma-har u2-szak-lal-ma a-na asz2-ri-szu2 u2-ta-ri
56. _szu-min_ {d}sin {d}nin-gal {d}nusku u {d}sa-dar3-nun-na
57. i-s,ab-bat-ma a-na e2-hul2-hul2 u2-sze-reb a-mat {d}sin
58. _lugal dingir-mesz_ iq-ba-a at-ta-'i-id-ma a-mur a-na-ku
59. {disz}{d}muati-ni2-tuku _dumu_ e-du s,i-it lib3-bi-ia2 par-s,i
60. ma-szu-ti sza2 {d}sin {d}nin-gal {d}nusku u3
61. {d}sa-dar3-nun-na u2-szak-lil e2-hul2-hul2
62. esz-szisz i-pu-usz-ma u2-szak-lil szi-pir-szu2 _{iri}kaskal_ e-li
63. sza2 ma-har u2-szak-lil-ma a-na asz2-ri-szu2 u2-ter qa-ti
64. {d}sin {d}nin-gal {d}nusku u {d}sa-dar3-nun-na ul-tu
65. szu-an-na _iri lugal_-u2-ti-szu2 is,-bat-ma ina qe2-reb _{iri}kaskal_
66. ina e2-hul2-hul2 szu-bat t,u-ub lib3-bi-szu2-nu ina hi-da-a-tu2
67. u ri-sza2-a-tu2 u2-sze-szib sza2 ul-tu pa-na-ma {d}sin _lugal dingir_
68. la i-pu-szu2-ma a-na mam-ma la id-di-nu ina na-ra-mi-ia
69. sza2 _dingir_-ut-su pal-ha-ku _{tug2}siki_-szu2 as,-ba-ti {d}sin _lugal dingir_
70. re-szi-ia ul-li-ma _mu du10-ga_ ina _kur_ isz-ku-na-an-ni
71. u4-me ar2-ku-ti _mu-an-na-mesz_ t,u-ub _sza3_ us,-s,i-pa-am-ma
72. ul-tu pa-ni {disz}an-szar2-du3-a _lugal kur_ asz-szur{ki} a-di _mu 9(disz)-kam_
73. {disz}{d}muati-ni2-tuku _lugal_ babilax(|TIN.TIR|){ki} _dumu_ s,i-it lib3-bi-ia
74. 1(disz) _me_ 4(disz) _mu-an-na-mesz saga-mesz_ ina pu-luh-ti sza2 {d}sin _lugal dingir-mesz_
75. ina lib3-bi-ia isz-ku-nu u2-bal-lit,-an-ni ia2-a-ti ni-t,i-il _igi_
76. na-mir-ma szu-tu-rak ha-si-si qa-ti u _giri3-min_ sza2-li-im-ma
77. nu-us-su-qa a-ma-tu-u-a ma-ka-le-e u masz-qi2-ti
78. szu-lu-ku _ugu_-ia _uzu-mesz_-u-a t,a-bu-ma ul-lu-s,i lib3-bi
79. _dumu-dumu dumu-dumu-mesz_-ia a-di 4(disz) li-pi-ia bal-t,u-ut-su-nu
80. a-mur-ma asz2-ba-a lit-tu-tu {d}sin _lugal dingir-mesz_ a-na _saga_-ti
81. tap-pa-al-sa-an-ni-ma u4-mi-ia2 tu-ri-ki {d}muati-i _lugal_ eridu{ki}
82. _dumu_-u2-a a-na {d}sin _en_-ia ap-qid a-di bal-t,u
83. la i-ha-at,-t,a-ak-ka {d}alad dum-qi2 {d}lamma dum-qi2 sza2 it-ti-ia2
84. tap-qi2-du-ma u2-szak-szi-dan-nu a-na lit-tu-tu it-ti-szu2
85. pi-qid-ma ina qa?-ti hi-t,i sza2 _dingir_-u2-ti-ka ra-bi-ti
86. e-t,ir-szu-ma _dingir_-u2-ut-ka _gal_-ti li-ip-lah3 ina 2(u) 1(disz) _mu-mesz_
87. sza2 {disz}{d}muati-a-uru3 _lugal_ babilax(|TIN.TIR|){ki} ina 4(u) 3(disz) _mu-mesz_ sza2 {disz}{d}muati-nig2-gub-pap_
88. _dumu_ {disz}{d}muati-a-uru3 u3 4(disz) _mu-mesz_ sza2 {disz}{d}u-gur-lugal-pap _lugal_ babilax(|TIN.TIR|){ki}
89. _lugal_-u2-ti i-te-ep-pu-szu-u' 1(gesz2) 8(disz) _mu-an-na-mesz_
90. ina gab-bi lib3-bi-ia ap-lah3-szu2-nu-ti _en-nun_-ti3-szu2-nu as,-s,ur-ma
91. {disz}{d}muati-i _dumu_ s,i-it lib3-bi-ia2 ana _igi_ {disz}{d}muati-nig2-gub-u2-s,ur
92. _dumu_ {disz}{d}muati-a-uru3 u {disz}{d}u-gur-lugal-pap? _lugal_ babilax(|TIN.TIR|){ki} usz-ziz-ma
93. ur-ri u mu-szi _en-nun_-ti3-szu2-nu is,-s,ur-ma
94. sza2 e-li-szu2-nu t,a-a-bi i-te-ne2-ep-pu-szu2 ka-a-a-na
95. _mu_-a bab-ba-nu-u2 ina pa-ni-szu2-nu isz-ku-un ki-ma
96. _dumu-munus_ s,i-it lib3-bi-szu2-nu ul-lu-u2 re-szi-ia
97. ar2-ka-nisz szim-ti u2-bil-szu2-nu-ti
98. ma-na-ma ina _dumu-mesz_-szu2-nu u mam-ma ni-szi3-szu2-nu
99. u _{lu2}gal-mesz_-szu2-nu sza2 i-nu-ma re-szi-szu2-nu
100. ul-lu-u2 ina bu-szu-u2 u3 _nig2-ga_
101. u2-at-ter-szu2-nu-tu2 la isz-tak-kan-szu2-nu-tu2
102. qut-rin-nu ia-a-tu2 _iti_-szam-ma la na-par-ka-a
103. ina lu-bu-szi-ia dam-qu-u2-tu2 _gu4-mesz_
104. _udu-nita2-mesz_ ma-ru-tu2 _ninda-hi-a kasz-sag gesztin_
105. _i3-gesz lal3_ u _gurun {gesz}kiri6_ ka-la-ma ki-is-pi
106. a-kas3-sip4-szu2-nu-ti-ma sur-qin-nu
107. t,ah-du-tu2 i-ri-szi t,a-a-bi
108. a-na gi-na-a u2-kin-szu2-nu-ti-ma
109. asz2-tak-kan ina mah-ri-szu-un
110. ina _mu 9(disz)-kam {disz}{d}muati-i_
111. _lugal_ babilax(|TIN.TIR|){ki} szi-im-tu2
112. ra-man-ni-szu2 u2-bil-szu-ma
113. {disz}{d}muati-ni2-tuku _lugal_ babilax(|TIN.TIR|){ki}
114. _dumu_ s,i-it lib3-bi-szu2 na-ra-am _ama_-szu2
115. _adda_-su u2-kam-mis-ma lu-bu-szu2
116. _saga_-ti ki-tu-u na-am-ri a-lu
117. _ku3-sig17_ x x nam-ru-tu2
118. _na4 saga_-u-ti _na4_ ni-siq-tu2
119. _na4_ szu-qu-ru-ti [...]
120. _i3-gesz du10-ga adda_-su u2-pa-szi-isz-ma
121. isz-ku-nu ina ni-s,ir-ti _gu4-mesz_
122. _udu-nita2-mesz_ ma-ru-tu2 u2-t,a-ab-bi-ih
123. ma-har-szu2 u2-pa-hir-ma _lu2_
124. babilax(|TIN.TIR|){ki} u bar-sip{ki} ma-al-ki
125. a-szib na-gi-i ne2-su-tu2 _ug3-mesz_
126. u _szagina-mesz_ ul-tu pa-at,
127. {kur}mi-s,ir tam-tim e-li-ti
128. ana tam-tim szap-li-ti u2-szat-ba-am-ma
129. si-pi-it-ti u [...]
130. bi-ki-ti s,ar-pisz isz-ku-nu-ma
131. id-du-u ri-gim-szu2-un 7(disz) ur-ri
132. u3 7(disz) mu-sza2-a-ti ma-li-ti
133. uh-tal-li-lu lu-bu-szi-szu2-nu _sahar_
134. sa-ah-pu ina 7(disz)-i u4-mu ina ka-sza2-du
135. _ug3-mesz kur_ ka-la-ma pe-re-ti
136. u2-gal-li-bu-ma [...]
137. lu-bu-szi-szu2-nu _ta_ x x
138. _is su us un_ x _bu szi_ x x x
139. u szu-ka-ni-szu2-nu isz-ku-nu-ma
140. i-ru-bu-ni a-na [...]
141. ina ma-ka-le-e [...]
142. _szim_ hal-s,a u2-kam-mir x x
143. _i3-gesz du10-ga_ a-na _sag_-szu2-nu
144. u2-szap-pi-ik lib3-ba-szu2-nu
145. u2-sza2-li-is,-ma u2-nam-mir
146. zi-mi-szu2-un u2-ru-uh _kur_-szu2-nu?
147. u2-sza2-as,-bit-szu2-nu-ti-ma
148. a-na a-szar-szu2-nu i-tu-ru man-nu
149. at-ta lu-u2 _lugal_ lu-u _nun_ x x
150. x x _ti_ x _be_ {d}sin _lugal dingir_
151. _en dingir-mesz_ sza2 _an_-e u _ki_-tim
152. _dingir_-ut-su _gal_-ti mu-szi u ur-ra
153. {d}utu {d}iszkur u {d}1(u)-5(disz) _en? an_-e u
154. _ki_-tim sza2 x ma x x x x
155. a-szib e2-sag-il2 u e2-hul2-hul2
156. pi-lah3-ma ina _an_-e u _ki_-tim
157. su-up-pi-szu2-nu-ti-ma s,i?-it
158. pi-i sza2 {d}sin _dingir_ x x x
159. x x x x x [...]
160. x x-ma _numun_-ka x x x
161. x x ri x x x x x
surface a
1. a-na-ku _{munus}{d}iszkur_-gu-up-pi-i' _ama_
2. {disz}{d}na-bi-um-na-'i-id _lugal_ babilax(|TIN.TIR|){ki}
3. pa-li-ih-tu {d}sin {d}nin-gal {d}nusku
4. u3 {d}sa-dar3-nun-na _dingir-mesz_-e-a
5. sza2 ul-tu me2-es,-he-ru-ti-ia asz2-te-e'-u
6. _dingir_-u2-ut-su-un sza2 ina _mu 1(u) 6(disz)-kam_ {d}muati-a-uru3
7. _lugal_ babilax(|TIN.TIR|){ki} {d}sin _lugal dingir-mesz_ it-ti _iri_-szu
8. u3 _e2_-szu2 iz-nu-u2 i-lu-u2 sza2-ma-misz2 _iri_ u3
9. _ug3-mesz_ sza2 ina lib3-bi-szu2 il-li-ku kar-mu-ti
10. ina lib3-bi sza2 asz-ra-a-tu2 {d}sin {d}nin-gal {d}nusku
11. u {d}sa-dar3-nun-na asz2-te-e'-u pal-ha-ku _dingir_-ut-su-un
12. sza2 {d}sin _lugal dingir {tug2}siki_-szu2 as,-bat-ma mu-szi u ur-ra
13. asz2-te-ne2-e'-a _dingir_-ut-su _gal_-ti u4-mi-szam la na-par-ka-a
14. sza2 {d}sin {d}utu {d}1(u)-5(disz) u {d}iszkur ma-la bal-t,a-ku
15. ina _an_-e u _ki_-tim pa-li-ha-at-su-nu ana-ku mim-mu-u-a
16. dam-qa sza2 id-di-nu-nu u4-mu u mu-szi _iti_ u _mu_ ad-din-szu2-nu-tu2
17. _{tug2}siki_ {d}sin _lugal dingir-mesz_ as,-bat-ma mu-szi u ur-ra
18. _igi-min_-ia it-ti-szu2 ba-sza2-a ina su-pe-e u la-ban ap-pi
19. ku-um-mu-sak ina mah-ri-szu2-un um-ma ta-a-a-ru-tu-ku
20. a-na _iri_-ka lib-sza2-ma ni-szi s,al-mat qaq-qa-du
21. lip-la-hu _dingir_-u2-ut-ka _gal_-ti a-na nu-uh-hu
22. _sza3 dingir_-ia u {d}1(u)-5(disz)-ia lu-bu-szu2 _siki sag_ szu-kut-ti
23. _ku3-babbar_ u _ku3-sig17_ s,u-ba-a-ti esz-szu2 _szim-hi-a_ u _i3-gesz du10-ga_
24. la u2-t,ah-ha a-na zu-um-ri-ia2 s,u-bat nak-su
25. la-ab-sza2-ku-ma mu-s,e-e-a saq-qu-um-mu a-dal-lal
26. da-li-li-szu2-un ta-nit-tu2 _iri_-ia2 u {d}isz-tar-ia2
27. ina lib3-bi-ia isz-sza2-kin-ma _en-nun_-ti3-szu2-nu as,-s,ur
28. mim-mu-u2-a dam-qa la e-zib-ma na-sza2-ku ma-har-szu2-un
29. ul-tu _mu 2(u)-kam an-szar2-du3-a _lugal kur_ asz-szur sza2 al-da-ku
30. a-di _mu 4(u) 2(disz)-kam an-szar2-du3-a mu-3(disz)-kam an-szar2_-e-tel-lu_-dingir_
31. _dumu_-szu2 _mu 2(u) 1(disz)-kam {d}muati-a-pap mu-4(u) 3(disz)-kam {d}muati-nig2-gub-pap_
32. _mu 2(disz)-kam {disz}lu2-{d}marduk mu-4(disz)-kam {disz}{d}u-gur-lugal-uru3
33. ina 1(gesz2) 3(u) 5(disz) _mu-mesz_ {d}sin _lugal dingir-mesz_ sza2 _an_-e u _ki_-tim
34. sza2 asz2-ra-a-ti _dingir_-u2-ti-szu2 _gal_-ti asz2-te-e'-u
35. ep2-sze-ti-ia2 _saga-mesz_ ha-disz ip-pal-sa-an-ni-ma
36. su-pe-e-a isz-mu-u im-gu-ru qi2-bi-ta5 ug-ga-ti
37. lib3-bi-szu2 i-nu-uh-ma a-na e2-hul2-hul2 _e2_ {d}sin
38. sza2 qe2-reb _{iri}kaskal_ szu-bat t,u-ub lib3-bi-szu2 is-li-mu ir-szu-u
39. ta-a-a-ri {d}sin _lugal dingir-mesz_ ip-pal-sa-an-ni-ma
40. {disz}{d}muati-i _dumu_ e-du s,i-it _sza3_-ia2 a-na _lugal_-u-tu2
41. im-be2-e-ma _lugal_-u2-ti _kur_ szu-me-ri u _kur-uri{ki}_
42. ul-tu pa-t,u {kur}mi-s,ir tam-tim e-lit a-di tam-tim
43. szap-li-ti nap-har _kur-kur_ u2-mal2-la-a
44. _szu-min_-usz-szu2 qa-ta-a-a asz-szi-ma a-na {d}sin _lugal dingir_
45. pal-hisz ina te-me-qa [...]
46. [...] s,i-it lib3-bi-ia2 [...]
47. at-ta a-na _lugal_-u-ti tam-bi-szu-ma taz-ku-ru zi-kir-szu2
48. ina qi2-bit _dingir_-u2-ti-ka _gal_-ti _dingir-mesz gal-mesz_
49. i-da-a-szu2 lil-li-ku li-szam-qi2-tu2 ga-ri-szu2
50. e tam-szu2 e2-hul2-hul2 u3 szuk-lu-lu-tu2 _garza_-szu2 szul-lim
51. qa-ta-a-szu2 ina _masz2-ge6_-ia ki-i isz-szak-nu {d}sin _lugal dingir-mesz_
52. i-qab-ba-a um-ma it-ti-ka ta-a-a-ra-tu2 _dingir-mesz_
53. szu-bat _{iri}kaskal_ ina _szu-min_ {disz}{d}muati-i _dumu_-ka a-szak-kan
54. e2-hul2-hul2 ip-pu-usz-ma u2-szak-lal szi-pir-szu2 _{iri}kaskal_
55. _ugu_ sza2 ma-har u2-szak-lal-ma a-na asz2-ri-szu2 u2-ta-ri
56. _szu-min_ {d}sin {d}nin-gal {d}nusku u {d}sa-dar3-nun-na
57. i-s,ab-bat-ma a-na e2-hul2-hul2 u2-sze-reb a-mat {d}sin
58. _lugal dingir-mesz_ iq-ba-a at-ta-'i-id-ma a-mur a-na-ku
59. {disz}{d}muati-ni2-tuku _dumu_ e-du s,i-it lib3-bi-ia2 par-s,i
60. ma-szu-ti sza2 {d}sin {d}nin-gal {d}nusku u3
61. {d}sa-dar3-nun-na u2-szak-lil e2-hul2-hul2
62. esz-szisz i-pu-usz-ma u2-szak-lil szi-pir-szu2 _{iri}kaskal_ e-li
63. sza2 ma-har u2-szak-lil-ma a-na asz2-ri-szu2 u2-ter qa-ti
64. {d}sin {d}nin-gal {d}nusku u {d}sa-dar3-nun-na ul-tu
65. szu-an-na _iri lugal_-u2-ti-szu2 is,-bat-ma ina qe2-reb _{iri}kaskal_
66. ina e2-hul2-hul2 szu-bat t,u-ub lib3-bi-szu2-nu ina hi-da-a-tu2
67. u ri-sza2-a-tu2 u2-sze-szib sza2 ul-tu pa-na-ma {d}sin _lugal dingir_
68. la i-pu-szu2-ma a-na mam-ma la id-di-nu ina na-ra-mi-ia
69. sza2 _dingir_-ut-su pal-ha-ku _{tug2}siki_-szu2 as,-ba-ti {d}sin _lugal dingir_
70. re-szi-ia ul-li-ma _mu du10-ga_ ina _kur_ isz-ku-na-an-ni
71. u4-me ar2-ku-ti _mu-an-na-mesz_ t,u-ub _sza3_ us,-s,i-pa-am-ma
72. ul-tu pa-ni {disz}an-szar2-du3-a _lugal kur_ asz-szur{ki} a-di _mu 9(disz)-kam_
73. {disz}{d}muati-ni2-tuku _lugal_ babilax(|TIN.TIR|){ki} _dumu_ s,i-it lib3-bi-ia
74. 1(disz) _me_ 4(disz) _mu-an-na-mesz saga-mesz_ ina pu-luh-ti sza2 {d}sin _lugal dingir-mesz_
75. ina lib3-bi-ia isz-ku-nu u2-bal-lit,-an-ni ia2-a-ti ni-t,i-il _igi_
76. na-mir-ma szu-tu-rak ha-si-si qa-ti u _giri3-min_ sza2-li-im-ma
77. nu-us-su-qa a-ma-tu-u-a ma-ka-le-e u masz-qi2-ti
78. szu-lu-ku _ugu_-ia _uzu-mesz_-u-a t,a-bu-ma ul-lu-s,i lib3-bi
79. _dumu-dumu dumu-dumu-mesz_-ia a-di 4(disz) li-pi-ia bal-t,u-ut-su-nu
80. a-mur-ma asz2-ba-a lit-tu-tu {d}sin _lugal dingir-mesz_ a-na _saga_-ti
81. tap-pa-al-sa-an-ni-ma u4-mi-ia2 tu-ri-ki {d}muati-i _lugal_ eridu{ki}
82. _dumu_-u2-a a-na {d}sin _en_-ia ap-qid a-di bal-t,u
83. la i-ha-at,-t,a-ak-ka {d}alad dum-qi2 {d}lamma dum-qi2 sza2 it-ti-ia2
84. tap-qi2-du-ma u2-szak-szi-dan-nu a-na lit-tu-tu it-ti-szu2
85. pi-qid-ma ina qa?-ti hi-t,i sza2 _dingir_-u2-ti-ka ra-bi-ti
86. e-t,ir-szu-ma _dingir_-u2-ut-ka _gal_-ti li-ip-lah3 ina 2(u) 1(disz) _mu-mesz_
87. sza2 {disz}{d}muati-a-uru3 _lugal_ babilax(|TIN.TIR|){ki} ina 4(u) 3(disz) _mu-mesz_ sza2 {disz}{d}muati-nig2-gub-pap_
88. _dumu_ {disz}{d}muati-a-uru3 u3 4(disz) _mu-mesz_ sza2 {disz}{d}u-gur-lugal-pap _lugal_ babilax(|TIN.TIR|){ki}
89. _lugal_-u2-ti i-te-ep-pu-szu-u' 1(gesz2) 8(disz) _mu-an-na-mesz_
90. ina gab-bi lib3-bi-ia ap-lah3-szu2-nu-ti _en-nun_-ti3-szu2-nu as,-s,ur-ma
91. {disz}{d}muati-i _dumu_ s,i-it lib3-bi-ia2 ana _igi_ {disz}{d}muati-nig2-gub-u2-s,ur
92. _dumu_ {disz}{d}muati-a-uru3 u {disz}{d}u-gur-lugal-pap? _lugal_ babilax(|TIN.TIR|){ki} usz-ziz-ma
93. ur-ri u mu-szi _en-nun_-ti3-szu2-nu is,-s,ur-ma
94. sza2 e-li-szu2-nu t,a-a-bi i-te-ne2-ep-pu-szu2 ka-a-a-na
95. _mu_-a bab-ba-nu-u2 ina pa-ni-szu2-nu isz-ku-un ki-ma
96. _dumu-munus_ s,i-it lib3-bi-szu2-nu ul-lu-u2 re-szi-ia
97. ar2-ka-nisz szim-ti u2-bil-szu2-nu-ti
98. ma-na-ma ina _dumu-mesz_-szu2-nu u mam-ma ni-szi3-szu2-nu
99. u _{lu2}gal-mesz_-szu2-nu sza2 i-nu-ma re-szi-szu2-nu
100. ul-lu-u2 ina bu-szu-u2 u3 _nig2-ga_
101. u2-at-ter-szu2-nu-tu2 la isz-tak-kan-szu2-nu-tu2
102. qut-rin-nu ia-a-tu2 _iti_-szam-ma la na-par-ka-a
103. ina lu-bu-szi-ia dam-qu-u2-tu2 _gu4-mesz_
104. _udu-nita2-mesz_ ma-ru-tu2 _ninda-hi-a kasz-sag gesztin_
105. _i3-gesz lal3_ u _gurun {gesz}kiri6_ ka-la-ma ki-is-pi
106. a-kas3-sip4-szu2-nu-ti-ma sur-qin-nu
107. t,ah-du-tu2 i-ri-szi t,a-a-bi
108. a-na gi-na-a u2-kin-szu2-nu-ti-ma
109. asz2-tak-kan ina mah-ri-szu-un
110. ina _mu 9(disz)-kam {disz}{d}muati-i_
111. _lugal_ babilax(|TIN.TIR|){ki} szi-im-tu2
112. ra-man-ni-szu2 u2-bil-szu-ma
113. {disz}{d}muati-ni2-tuku _lugal_ babilax(|TIN.TIR|){ki}
114. _dumu_ s,i-it lib3-bi-szu2 na-ra-am _ama_-szu2
115. _adda_-su u2-kam-mis-ma lu-bu-szu2
116. _saga_-ti ki-tu-u na-am-ri a-lu
117. _ku3-sig17_ x x nam-ru-tu2
118. _na4 saga_-u-ti _na4_ ni-siq-tu2
119. _na4_ szu-qu-ru-ti [...]
120. _i3-gesz du10-ga adda_-su u2-pa-szi-isz-ma
121. isz-ku-nu ina ni-s,ir-ti _gu4-mesz_
122. _udu-nita2-mesz_ ma-ru-tu2 u2-t,a-ab-bi-ih
123. ma-har-szu2 u2-pa-hir-ma _lu2_
124. babilax(|TIN.TIR|){ki} u bar-sip{ki} ma-al-ki
125. a-szib na-gi-i ne2-su-tu2 _ug3-mesz_
126. u _szagina-mesz_ ul-tu pa-at,
127. {kur}mi-s,ir tam-tim e-li-ti
128. ana tam-tim szap-li-ti u2-szat-ba-am-ma
129. si-pi-it-ti u [...]
130. bi-ki-ti s,ar-pisz isz-ku-nu-ma
131. id-du-u ri-gim-szu2-un 7(disz) ur-ri
132. u3 7(disz) mu-sza2-a-ti ma-li-ti
133. uh-tal-li-lu lu-bu-szi-szu2-nu _sahar_
134. sa-ah-pu ina 7(disz)-i u4-mu ina ka-sza2-du
135. _ug3-mesz kur_ ka-la-ma pe-re-ti
136. u2-gal-li-bu-ma [...]
137. lu-bu-szi-szu2-nu _ta_ x x
138. _is su us un_ x _bu szi_ x x x
139. u szu-ka-ni-szu2-nu isz-ku-nu-ma
140. i-ru-bu-ni a-na [...]
141. ina ma-ka-le-e [...]
142. _szim_ hal-s,a u2-kam-mir x x
143. _i3-gesz du10-ga_ a-na _sag_-szu2-nu
144. u2-szap-pi-ik lib3-ba-szu2-nu
145. u2-sza2-li-is,-ma u2-nam-mir
146. zi-mi-szu2-un u2-ru-uh _kur_-szu2-nu?
147. u2-sza2-as,-bit-szu2-nu-ti-ma
148. a-na a-szar-szu2-nu i-tu-ru man-nu
149. at-ta lu-u2 _lugal_ lu-u _nun_ x x
150. x x _ti_ x _be_ {d}sin _lugal dingir_
151. _en dingir-mesz_ sza2 _an_-e u _ki_-tim
152. _dingir_-ut-su _gal_-ti mu-szi u ur-ra
153. {d}utu {d}iszkur u {d}1(u)-5(disz) _en? an_-e u
154. _ki_-tim sza2 x ma x x x x
155. a-szib e2-sag-il2 u e2-hul2-hul2
156. pi-lah3-ma ina _an_-e u _ki_-tim
157. su-up-pi-szu2-nu-ti-ma s,i?-it
158. pi-i sza2 {d}sin _dingir_ x x x
159. x x x x x [...]
160. x x-ma _numun_-ka x x x
161. x x ri x x x x x
Consult previous versions and their differences
Consult sign list of Neo-Babylonian (ca. 626-539 BC)
Consult word list of Neo-Babylonian (ca. 626-539 BC)
-
Artifact type:
Artifact type comments:
composite text
- Material:
- Measurements (mm):
- Weight:
- Artifact Preservation:
- Condition Description:
- Join Information:
- Seal no.:
- Seal information:
-
Artifact comments:
composite text
- Genre(s): Official or display (composite)
- Language(s): Akkadian
-
primary: RINBE 2, Nabonidus x2001 composite
[Novotny2020RINBE2] Weiershäuser, Frauke, and Jamie Novotny. 2020. The Royal Inscriptions of Amēl-Marduk (561-560 BC), Neriglissar (559-556 BC), and Nabonidus (555-539 BC), Kings of Babylon. Royal Inscriptions of the Neo-Babylonian Empire, vol. 2. Eisenbrauns.
-
history: AOAT 256, 3.02
[Schaudig2001AOAT256] Schaudig, Hanspeter. 2001. Die Inschriften Nabonids von Babylon Und Kyros’ Des Grossen Samt Den in Ihrem Umfeld Entstandenen Tendenzschriften : Textausgabe Und Grammatik. Vol. 256. Alter Orient Und Altes Testament.
- Composite No.: Q005471
- Museum No.:
- Accession No.:
- Provenience: Harran (mod. Harran)
- Elevation:
- Stratigraphic Level:
- Excavation No:
- Findspot Square:
-
Findspot Comments:
in the pavement of the north entrance of the great mosque
- Period: Neo-Babylonian (ca. 626-539 BC)
- Dates Referenced: Nabonidus.00.00.00
- Alternative Years:
- Date Comments:
- Accounting Period:
| Created | Creator | Type | Authors | Project | Reviewer | Status | Action |
|---|---|---|---|---|---|---|---|
| 2024-06-26 at 10:23:14 | Firth, Richard | Artifact, Other Entity | Firth, Richard | Firth, Richard | approved |
 |
|
| 2023-06-01 at 20:47:06 | Rattenborg, Rune | Artifact | Novotny, Jamie | Rattenborg, Rune | approved |
|
|
| 2020-03-27 at 16:08:20 | Englund, Robert K. | Atf | Englund, Robert K. | CDLI | approved |
|
|
| 2020-01-05 at 00:00:00 | CDLI | Artifact | Foxvog, Daniel A.; Novotny, Jamie; Weiershäuser, Frauke | CDLI | approved |
|
Consult this artifact as presented on the website of collections and projects:
This artifact is a composite text. View the score of RINBE 2, Nabonidus x2001 composite. See below for a list of its witness(es):
General Notes:
-
CDLI Notes:
-
Cite this Artifact
“RINBE 2, Nabonidus X2001 Composite Artifact Entry.” (2020) 2024. Cuneiform Digital Library Initiative (CDLI). June 26, 2024. https://cdli.earth/P519109.
RINBE 2, Nabonidus x2001 composite artifact entry (No. P519109). (2024, June 26). Cuneiform Digital Library Initiative (CDLI). https://cdli.earth/P519109 (Original work published 2020)
RINBE 2, Nabonidus x2001 composite artifact entry (2024) Cuneiform Digital Library Initiative (CDLI). Available at: https://cdli.earth/P519109 (Accessed: August 8, 2025).
@misc{2024RINBE,
note = {[Online; accessed 2025-08-08]},
year = {2024},
month = {jun 26},
title = {RINBE 2, {Nabonidus} x2001 composite artifact entry},
url = {https://cdli.earth/P519109},
howpublished = {https://cdli.earth/P519109},
}
TY - ELEC DA - 2024/6/26/ PY - 2024 ID - P519109 LB - CDLI:P519109 M1 - 2025/8/8/ TI - RINBE 2, Nabonidus x2001 composite artifact entry UR - https://cdli.earth/P519109 ER -