&P479853 = CDLI Literary 000566 (Sin-iddinam to Utu) composite 
#atf: lang sux 
@object composite text 
@surface a 
1. {d}utu lugal-gu10-ur2 di-ku5 mah an ki 
2. sag en3 tar kalam-ma ka-asz mu-un-bar-bar-re 
3. dingir zi lu2 ti-le-de3 ki ag2 a-ra-zu gesz tuku 
4. arhusz su3 sza3 gur-ru? mu-un-[...]-zu-[...] 
5. nig2-si-sa2 ki ag2 nig2-zi bar tam-me NE [...] u3 [...] du11 
6. sun4 mu2 dumu {d}nin-gal sun4 {na4}za-gin3 x x x [...] 
7. tak4 la2 {gesz}si-gar an ki ku10-ku10 zalag ga2-ga2 
8. en sag-kal dili-a-ni pa e3-a nam-mah-a-ni za3 nu-sa2 
9. ur-sag dumu {d}nin-gal-e tu-da me sag kesz2 ur4-ur4 
10. dingir zi nun nam tar-tar-re a-a sag ge6-ga lugal-gu10-ur2 u2-na-de3-tah 
11. {disz}{d}suen-i-din-nam lugal larsa{ki}-ma arad-zu na-ab-be2-a 
12. iri-zu larsa{ki}-ma sza3-ge pa3-da-zu nig2-gig-ga im-ma-an-ak 
13. sila dagal eszemen u4 zal-zal-la si-ga im-ma-an-si 
14. erin2 sa6-ga-zu gu2 gar-gar-ra gi gi-sig?-ga-gin7 si-il-si-le-de3 ba-an-til?-le-esz 
15. gurusz-zu sze u4 a2-ba-gin7 ab-gur10 ba-an-szab-esz gurun? gibil?-gin7 mu-x-dub2-usz 
16. ug3-ga2 alan im-gin7 im-ma-an-gul-lu-usz ni2-bi-a ba-an-til-[...] 
17. di4-di4-la2 ur2? ama-be2-ne-ta u4 hul ba-an-da-kar-x x 
18. ug3-ga2 gesztu HAR-re musz3-bi ba-an-kur2 x [...] 
19. erin2 ka3 an-sza-sza szu bar-ra-am3 kalam zid2-gin7 |KAxSZU| e3? [...] 
20. szul {d}utu iri-za larsa{ki}-ma lu2-kur2-gin7 bar-ta ba-da-gub 
21. kur elam{ki}-ma x{muszen}-gin7 mah-bi lu2 usz2-a nu-gal2-la 
22. su-bir4{ki} muru9 dugud-da dingir-re-e-ne ni2 te-ge26 nu-zu-a 
23. ma-da-bi nu-ub-ta-be4 u4-bi nu-gal2-la 
24. szimaszgi-e ki dingir-re-e-ne-ke4 nu-gig lukur nu-mu-da-il2-e 
25. erin2-a-ni u2-gin7 lu-lu-a numun-a-ni dagal-la 
26. za-lam-gar ti-la ki dingir-re-e-ne-ke4 nu-mu-un-zu-a 
27. u2-ma-am-gin7-nam u5-a zid2-esza? siskur2 nu-mu-un-zu-a 
28. nam-tar hul-gal2 a2-sag3 nig2-gig-ga nu-mu-un-na-tum3? 
29. lu2 mu dingir sal-la-bi nig2-gig-ga i3-gu7-e ugnim-bi silim-ma 
30. mu 7(disz)-kam-ma-ta iri-ga2 me3 szen-szen la-ba-an-tuku usz2 da-bi nu-ga2-ga2 
31. edin-na ur-mah-e lu2 gu7-e nu-mu-ni-ib-la2-x 
32. dingir inim sa6-sa6-ge-de3 nu-zu-a ge26-e im-ma-an-ak-x 
33. dingir gal-gal-e-ne siskur2 u4 szu2-usz-e al-gub-be2-en inim sa6-sa6-ge-gu10 mah-am3 
34. szul {d}utu nam-bi-sze3 iri-zu larsa{ki}-ma igi zi bar-mu-un-szi-ib 
35. a iri-zu du11-ga-ba-ab 
36. a esz3 x x du11-ga-ab 
37. arhusz su3 larsa{ki}-ma szu te-ba-ab 
38. nig2-gig-ga ak-bi en3 tar-bi-ma 
39. x x x larsa{ki} e3-ni-ib 
40. [...] x nig2-gig-ga sza3-bi zi-ab-ta 
41. x husz?-a sza3 larsa{ki}-ma-ka szu? x [...] 
42. x tak4-a szu nam-usz2-ta ba-e-szub-bu-de3 
43. x-til-le-esz numun-bi he2-mah 
44. a2? tak4-a ka tar-zu he2-si-il-le 
45. u3 ge26-e ni2 te-ge26-gu10-usz nam-ti szum2-mu-na-ab 
46. zi su3-u4-gal2 nig2-ba-e-esz2 ba-mu-na-ab