[{"id":462831,"composite_no":"Q003497","designation":"RINAP 3\/1 Sennacherib 023 composite","dates_referenced":"Sennacherib.00.00.00","artifact_comments":"composite text","created_by":820,"artifact_type_comments":"composite text","publications":[{"id":276970590,"entity_id":462831,"publication_id":1747178,"exact_reference":"088, fig. 29","publication_type":"history","publication_comments":"(photo Meidad Suchowolski)","table_name":"artifacts","publication":{"id":1747178,"designation":"Israel and the Bible","bibtexkey":"Dayagi-Mendels2010IsraelBible","year":"2010","entry_type_id":6,"book_title":"Chronicles of the Land: Archaeology in  The Israel Museum,  Jerusalem ","pages":"62-93","publisher":"The Israel Museum, Jerusalem","title":"Israel and the Bible","entry_type":{"id":6,"label":"inbook"},"editors":[{"id":1210,"publication_id":1747178,"editor_id":2778,"editor":{"id":2778,"author":"Dayagi-Mendels, Michal","last":"Dayagi-Mendels","first":"Michal"}},{"id":1211,"publication_id":1747178,"editor_id":2779,"sequence":1,"editor":{"id":2779,"author":"Rozenberg, Silvia","last":"Rozenberg","first":"Silvia"}}],"authors":[{"id":1254535,"publication_id":1747178,"author_id":2778,"author":{"id":2778,"author":"Dayagi-Mendels, Michal","last":"Dayagi-Mendels","first":"Michal"}},{"id":1254536,"publication_id":1747178,"author_id":2780,"sequence":1,"author":{"id":2780,"author":"Arie, Eran","last":"Arie","first":"Eran"}}]}},{"id":276970591,"entity_id":462831,"publication_id":103446,"exact_reference":"023 composite","publication_type":"primary","table_name":"artifacts","publication":{"id":103446,"designation":"RINAP 3\/1","bibtexkey":"Grayson2012RINAP3\/1","year":"2012","entry_type_id":2,"number":"vol. 3\/1","publisher":"Eisenbrauns","title":"The Royal Inscriptions of Sennacherib, King of Assyria (704-681 BC), Part 1","series":"The Royal Inscriptions of the Neo-Assyrian Period","entry_type":{"id":2,"label":"book"},"editors":[],"authors":[{"id":295603,"publication_id":103446,"author_id":429,"author":{"id":429,"author":"Grayson, A. Kirk","last":"Grayson","first":" A. Kirk"}},{"id":481246,"publication_id":103446,"author_id":472,"sequence":1,"author":{"id":472,"author":"Novotny, Jamie","last":"Novotny","first":" Jamie","email":"Jamie.Novotny@lmu.de","institution":"Ludwig Maximilian University of Munich"}}]}},{"id":276970592,"entity_id":462831,"publication_id":1757469,"exact_reference":"41, 086-087 (no. 076)","publication_type":"history","table_name":"artifacts","publication":{"id":1757469,"designation":"Inscriptions reveal ","bibtexkey":"Hestrin1973Reveal","year":"1973","entry_type_id":2,"title":"Inscriptions reveal : documents from the time of the Bible, the Mishna and the Talmud [Exhibition and catalog]","entry_type":{"id":2,"label":"book"},"editors":[],"authors":[{"id":1254538,"publication_id":1757469,"author_id":2781,"author":{"id":2781,"author":"Hestrin, Ruth","last":"Hestrin","first":"Ruth"}}]}},{"id":276970593,"entity_id":462831,"publication_id":1757471,"publication_type":"history","table_name":"artifacts","publication":{"id":1757471,"designation":"Fs Artzi 213-247","bibtexkey":"Ling-Israel1990FsArtzi","year":"1990","entry_type_id":7,"book_title":"Bar-Ilan studies in Assyriology : dedicated to Pin\u1e25as Artzi","pages":"213-247","publisher":" Ramat Gan : Bar-Ilan University Press","entry_type":{"id":7,"label":"incollection"},"editors":[],"authors":[{"id":1254539,"publication_id":1757471,"author_id":2782,"author":{"id":2782,"author":"Ling-Israel, Pnina","last":"Ling-Israel","first":"Pnina"}}]}}],"material_colors":[],"material_aspects":[],"materials":[],"languages":[{"id":227084,"artifact_id":462831,"language_id":20,"language":{"id":20,"sequence":5,"language":"Akkadian","inline_code":"akk"}}],"genres":[{"id":238090,"artifact_id":462831,"genre_id":6,"comments":"composite ","genre":{"id":6,"genre":"Official or display","genre_description":"Royal\/Monumental; Votive"}}],"external_resources":[{"id":444982,"artifact_id":462831,"external_resource_id":62,"external_resource_key":"Q003497","external_resource":{"id":62,"external_resource":"Sennacherib","base_url":"http:\/\/oracc.org\/rinap\/rinap3\/","project_url":"http:\/\/oracc.museum.upenn.edu\/rinap\/rinap3","abbrev":"RINAP 3"}}],"dates":[],"collections":[],"period":{"id":23,"sequence":25,"period":"Neo-Assyrian (ca. 911-612 BC)","name":"Neo-Assyrian","time_range":"ca. 911-612 BC"},"provenience":{"id":279,"provenience":"Nineveh (mod. Kuyunjik)","location_id":373,"place_id":103,"region_id":6},"witnesses":[{"id":525883,"composite_no":"Q003497","artifact_id":430082,"witness":{"id":430082,"designation":"RINAP 3\/1 Sennacherib 023, ex. 001","museum_no":"IMJ 71.072.0249","provenience_comments":"Acquired from Sotheby\u201a\u00c4\u00f4s","dates_referenced":"Sennacherib.14.--.--","created_by":820,"inscription":{"id":2205186,"artifact_id":430082,"atf":"\u0026P430082 = RINAP 3\/1 Sennacherib 23, ex. 01 \n#atf: lang akk \n@object prism \n@surface a \n@column 1 \n1. {disz}{d}en-zu-szesz-mesz-eri-ba _lugal gal lugal#_ [dan-nu] \n2. _lugal_ kisz-sza2-ti _lugal kur#_ asz-szur{ki} _lugal_ kib-rat _limmu2_-[tim] \n3. _re-e2-um_ it-pe-szu2 mi-gir _dingir-mesz gal-[mesz_] \n4. na#-[s,ir kit-ti] ra#-\u0027i#-[im] mi#-sza2#-[ri] \n5. [e-pisz u2-sa]-a-ti a-lik tap-pu-ut a-[ki-i] \n6. sa#-[hi-ru] dam-qa-a-ti et,-lum git2-ma-lum# \n7. zi-ka-ru qar-du a-sza2-red kal ma-al-ki \n8. rap-pu la-\u0027i-it, la ma-gi-ri \n9. mu-szab-ri-qu za-ma-a-ni {d}asz-szur _kur_-u2 _gal_-u2 \n10. _lugal_-ut la sza2-na-an u2-szat-li-ma-an-ni-ma \n11. _ugu_ gi-mir a-szib pa-rak-ki u2-szar-ba-a _{gesz}tukul-mesz_-ia \n12. ul-tu _a-ab-ba_ e-le-ni-ti sza sza2-lam {d}utu-szi \n13. a-di tam-tim szap-li-ti sza s,i-it {d}utu-szi \n14. gim-ri s,al-mat _sag-du_ u2-szak-nisz sze-pu-u2-a \n15. u3 ma-al-ki szep-s,u-ti e-du-ru ta-ha-zi \n16. da-ad2-me-szu2-un iz-zi-bu-ma ki-ma su-tin-ni{muszen} \n17. ni-gi-is,-s,i e-disz ip-par-szu2 a-szar la \u0027a-a-ri \n$ single ruling \n18. i-na mah-re-e ger-ri-ia sza {disz}{d}marduk-ibila#-szum2#-na \n19. _lugal_ {kur}kar2-{d}dun-ia2-asz3 a-di _erin2 hi-a_ elam-ma{ki} [re]-s,i-szu2 \n20. i-na ta-mir-ti kisz{ki} asz2-ta-kan _bad5#-bad5_-szu2 \n21. i-[na] _muru2#_ tam#-ha#-[ri] szu-a-tu e-zib \n22. _karasz#_-su e-disz# [ip]-par#-szid#-ma na#-pisz-tusz e-t,i2-ir _{gesz}[gigir-mesz] ansze-kur-ra-mesz_ \n23. {gesz}s,u-um-bi _{ansze}kunga-mesz_ sza i-na qit-ru-ub \n24. ta-ha-zi u2-masz-szi-ru ik-szu-da _szu-min_-a-a \n25. a-na _e2-gal_-szu2 sza qe2-reb babila2{ki} ha-disz e-ru-um-ma \n26. ap-te-ma _e2_ ni-s,ir-ti-szu2 _ku3-sig17 ku3-babbar_ u2-nu#-ut# _ku3#-sig17 ku3-babbar_ \n27. _na4_ a-qar-tu mim-ma szum-szu2 _nig2-szu nig2-gur11_ [la] ni-bi \n28. ka-bit-tu _gun munus-sza3-e2-gal-mesz_-szu2 _{lu2}tirum-mesz_ \n29. {lu2}man-za-az pa-ni _{lu2}nar-mesz_ {munus}_nar-mesz_ [si-hir]-ti \n30. um-ma-a-ni ma-la ba-szu-u2 mut-tab-bi-lu-[tu2] _e2-gal_-usz \n31. u2-sze-s,a-am-ma szal-la-tisz am-nu i-na e-muq {d}asz-[szur] _en_-ia \n32. 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_-ni sza [{kur}]kal-di \n33. u3 4(disz) _me_ 2(u) _iri-mesz_-ni _tur-mesz_ sza li-me-ti-szu2-nu \n34. al-me ak-szud{ud} asz2-lu-la szal-la-su-un \n35. {lu2}ur2-bi {lu2}a-ra-mu {lu2}kal-du sza qe2-reb [unu]{ki} \n36. nibru{ki} kisz{ki} {iri}hur-sag-kalam-ma gu2-du8-a{ki} zimbir#{ki} \n37. a-di _dumu-mesz iri en_ hi-it,-t,i u2-sze-s,a-am-ma szal-la-[tisz am]-nu \n38. i-na ta-a-a-ar-ti-ia {lu2}tu-\u0027u-mu-na {lu2}[ri-hi]-hu \n39. {lu2}ia-daq-qu {lu2}u2-bu-du {lu2}gib-[re-e] \n40. {lu2}ma-la-hu {lu2}gu-ru-mu {lu2}[u2-bu-lum] \n41. {lu2}da-mu-nu {lu2}gam-bu-lum [{lu2}hi]-in-[da-ru] \n42. {lu2}ru-\u0027u-u2-a {lu2}pu-qu-du {lu2}ha-am-ra-nu \n43. {lu2}ha-ga-ra-nu {lu2}na-ba-tu {lu2}li-i\u0027-ta-u2 \n44. {lu2}a-ra-mu la kan-szu-ti [mit-ha]-risz ak-szud{ud} \n45. 2(disz) _me_ 8(disz) _lim un-mesz tur gal [nita_] u3 _munus ansze-kur-ra-mesz_ \n46. _{ansze}kunga-mesz ansze-mesz {ansze}gam-mal-mesz gu4-mesz_ u3 s,e-e-ni \n47. sza la ni-bi szal-la-tu# ka#-bit-tu2 asz2-lu-la a-na qe2-reb _kur_ asz-szur{ki} \n48. i-na me-ti-iq ger-ri-ia sza {disz}{d}muati-en-mu-mesz \n49. {lu2}qi2-[pi {iri}]ha-ra-ra-ti _ku3-sig17 ku3-babbar_ \n50. {gesz}mu-[suk-kan-ni] _gal-mesz ansze-mesz {ansze}gam-mal-mesz gu4-mesz_ \n51. u3 s,e-e-ni ta-mar-ta-szu2 ka-bit-tu am-hur \n52. [ba-hu]-la#-ti {iri}hi-rim-me _{lu2}kur2_ ak-s,i \n53. [i-na _{gesz}tukul]-mesz_ u2-szam-[qit-ma] e-du ul e-zib \n54. [pag]-ri#-szu-un i-na ga-szi-szi a-lul-ma \n55. [si]-hir-ti _iri_ u2-szal-me na-gu-u2 szu-a-tu \n56. a-na esz-szu-ti as,-bat [1(disz)]-en _gu4_ 1(u) _udu-nita2-mesz_ \n57. 1(u) _ansze {gesz}gesztin_ 2(u) _ansze [zu2-lum]-ma_ re-sze-te-szu2# \n58. a-na _dingir-mesz_-ni _kur_ asz-szur{ki} _en-mesz_-ia u2-kin da3-ri-szam \n$ single ruling \n59. i-na 2(disz)-e ger-ri-ia {d}asz-[szur be]-li2 u2-tak-kil-an-ni-ma \n60. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a \n61. sza ul-tu ul-la a-na [_lugal]-mesz_-ni _ad-mesz_-ia \n62. la kit-nu-szu2 lu al-lik qe2-[reb hur-sza2-a]-ni zaq-ru-ti \n63. _a-sza3_ nam-ra-s,i i-na [_ansze-kur-ra_] ar-kab-ma \n64. _{gesz}gigir giri3-min_-ia i-na ti-ik-ka-a#-ti# u2-sza2-asz2-szi \n65. asz2-ru szup-szu-qu i-na _giri3-min_-ia ri-ma-nisz at-tag-gisz \n66. {iri}e2-{disz}ki-lam-za-ah {iri}ha-ar-[disz]-pi {iri}e2-{disz}ku-bat-ti \n67. [_iri]-mesz_-ni-szu2-nu _e2 bad3-mesz_ dan-nu-ti al-me _kur_-ud \n68. _ug3-mesz ansze-kur-ra-mesz {ansze}kunga-[mesz] ansze-mesz gu4-mesz_ \n69. [u3] s,e-e-ni ul-tu qer-bi-[szu2]-un u2-sze-s,a-am-ma \n70. [szal]-la#-tisz am-nu u3 _iri-mesz_-ni-[szu2-nu] _tur#-mesz_ sza ni-ba \n71. [la] i-szu-u2 ap-pu-ul aq-[qur u2]-sze-me kar-mesz \n72. _e2 edin_ kul-ta-ri mu-[sza2-bi]-szu2-nu \n73. i-na {d}gesz-bar aq-mu-ma di-[tal-lisz] u2-sze-me \n74. u2-ter-ma {iri}e2-{disz}ki-lam-za-[ah] szu-a-tu \n75. a-na {iri}bir-tu-ti as,-bat _ugu_ [sza u4]-um pa-ni \n76. [_bad3]-mesz_-szu2 u2-dan-nin-ma _ug3-mesz kur-[kur_] ki-szit-ti _szu-min_-ia \n77. i-na lib3-bi u2-sze-szib _ug3-mesz kur_ {lu2}kasz-szi-i \n@column 2 \n1. u3 _kur_ {lu2}ia-su-bi-gal-la-[a-a] \n2. sza la-pa-an _{gesz}tukul-mesz_-ia ip-par-[szid-du] \n3. ul-tu qe2-reb _kur_-i u2-sze-ri-[dam-ma] \n4. [i-na] {iri#}har-disz-pi {iri}e2-{disz}ku-bat-ti u2-szar-me \n5. [i]-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha \n6. am-nu-szu-nu-u2-ti _{na4}na-ru2-a_ u2-sze-pisz-ma \n7. li-i-tum ki-szit-ti _szu-min_ sza _ugu_-szu2-un asz2-tak-ka-nu \n8. s,e-ru-usz-szu2 u2-sza2-asz2-t,ir-ma i-na qer-bi _iri_ ul-ziz \n9. pa-an ni-ri-ia u2-ter-ma a-na {kur}el-li-pi \n10. as,-s,a-bat har-ra-nu el-la-mu-u2-a {disz}is-pa-ba-a-ra \n11. [_lugal_]-szu2-un _iri-mesz_-szu2 dan-nu-ti _e2_ ni-s,ir-ti-szu2 \n12. [u2]-masz-szir-ma a-na ru-qe2-e-ti in-na-bit \n13. gim#-ri# _kur_-szu2 _dagal_-tim _gin7 muru9_ as-hu-up \n14. {iri}[mar]-u2-bisz-ti {iri}ak-ku-ud-du _iri-mesz_-ni \n15. _e2 lugal#_-ti#-szu2 a-di 3(u) 4(disz) _iri-mesz_-ni _tur-mesz_ \n16. sza li-[me]-ti-szu2-nu al-me _kur_-ud ap-pul aq-qur \n17. i-na {d}gesz-[bar] aq-mu _ug3-mesz tur gal nita_ u3 _munus_ \n18. _ansze-kur-ra-mesz {ansze}kunga-mesz ansze-mesz {ansze}gam-mal-mesz_ \n19. _gu4-mesz_ u3 [s,e]-e-ni a-na la mi-nam asz2-lu-lam#-ma# \n20. a-di la ba-szi-i u2-sza2-lik-szu-ma u2-s,a-ah-hir _kur#_-su \n21. {iri}s,i-s,i-ir-tu# {iri#}[ku-um-ma]-ah#-[lum] _iri-mesz_ dan-nu-ti \n22. a-di _iri-mesz_-ni _tur#-[mesz_] sza# li-me-ti-szu2-nu \n23. {kur}e2-{disz}ba-ar-ru-[u2 na-gu]-u2 a-na [gi-mir]-ti-szu2 \n24. ul-tu qe2-reb _kur_-szu2 ab-tuq#-ma# _ugu#_ mi#-[s,ir _kur_ asz]-szur#{ki} \n25. u2-rad-di {iri}el-en-za-asz2 a-na# _iri# [lugal_-u2]-ti# \n26. u3 dan-na-at na-ge-e szu-a-tu [as,-bat-ma] \n27. _mu_-szu2 mah-ra-a u2-na-kir-ma {iri}kar-{disz}{d}en-zu-szesz#-mesz#-su \n28. at-ta-bi ni-bit-su _ug3-mesz kur-kur_ ki-szit-ti _szu-min_-[ia] \n29. i-na lib3-bi u2-sze-szib i-na _szu-min_ {lu2}szu-ut _sag_-ia \n30. _{lu2}en-nam_ {iri}har-har [am]-nu-ma u2-rap-pisz ma-a-ti \n31. i-na ta-a-a-ar-ti-ia [sza] {kur}ma-da-a-a ru-qu-ti \n32. sza i-na _lugal-mesz_-ni _ad-mesz#_-ia# ma-am-man la isz-mu-u2 \n33. zi-kir _kur_-szu2-un man-da-ta-szu2-nu ka-bit-tu am-hur \n34. a-na ni-ri be-lu-ti-ia u2-szak-ni-su-nu-ti \n$ single ruling \n35. i-na [szal-szi] ger#-ri-ia [a]-na# {kur}ha-at-ti lu al-lik \n36. {disz}lu-li-i _lugal_ {iri}s,i-[du]-un-ni pul-hi me-lam-me \n37. be-lu-ti-ia is-hu-pu-szu2-[ma] a-na# ru#-uq#-qi2# _muru2_ tam-tim# \n38. in-na-bit-ma _kur_-szu2 e-mid {iri}s,i-du-un#-[nu _gal_-u2] \n39. {iri}s,i-du-un-nu s,e-eh-ru {iri}e2-[zi]-it#-ti \n40. {iri}s,a-ri-ip-tu {iri}ma-hal-li-ba {iri}u2-szu-u2 \n41. {iri}ak-zi-bi {iri}ak-ku-u2 _iri-mesz_-szu2 dan-nu-ti \n42. [_e2] bad3#-mesz_ a-szar ri-i-ti u3 [masz-qi2]-ti# _e2_ tuk-la-ti-szu2 \n43. ra-szub#-bat# _{gesz}tukul_ {d}asz-szur _en_-ia# [is-hu-pu]-szu2#-nu#-ti#-ma \n44. ik-nu-szu2# sze#-pu-u2-a {disz}tu-ba#-[a\u0027-lum i-na _{gesz}gu-za lugal_-u2-ti] \n45. _ugu_-szu2-[un] u2-sze-szib-ma _gun#_ [man-da-tu be-lu-ti-ia] \n46. szat-ti-[szam la] ba-at,-lu u2-[kin s,e-ru-usz-szu2] \n47. sza {disz}[mi]-in#-hi#-[im]-mu {iri}sam-si#-[mu-ru-na-a-a] \n48. {disz}tu-ba-a\u0027-lu {iri}s,i-du-un#-na#-[a-a] \n49. {disz}ab-di#-li-i\u0027-[ti] {iri}a-ru-da-[a-a] \n50. {disz}[u2-ru]-mil-[ki] {iri}gu-ub-la-a-a \n51. {disz}[mi]-ti#-in-ti {iri}as-du-da-a-a \n52. {disz}bu-du-dingir {kur}e2-{disz}am-ma-na-a-a \n53. {disz}kam-mu-su-na-[ad]-bi {kur}ma-\u0027a-ba-a-a \n54. {disz}{d}a-a-ram-mu [{kur}]u2-du-um-ma-a-a \n55. _lugal#-mesz_-ni _kur_ mar-tu{ki} ka-li#-[szu2-un] _igi#-sa2_-e szad-lu-ti \n56. [ta-mar]-ta-szu2-nu ka-bit-tu a-di 4(disz)-[szu2 a-na] mah#-ri-ia \n57. [isz]-szu-nim-ma isz-szi-qu _giri3-min_-ia [u3 {disz}s,i]-id#-qa-a \n58. _lugal_ {iri}is-qa-al-lu-na sza la ik-nu-szu2# [a-na ni-ri-ia] \n59. _dingir-mesz e2 ad_-szu2 sza2-a-szu2 _dam_-su _dumu-mesz_-szu2# [_dumu-munus-mesz_-szu2] \n60. _szesz-mesz_-szu2 _numun e2 ad_-szu2 as-su-ha-am-ma a-na _kur_ asz-[szur{ki}] \n61. u2-ra-asz2-szu2 {disz}lugal-lu-da3-ri _dumu_ {disz}ru-kib-ti \n62. _lugal_-szu2-nu mah-ru-u2 _ugu un-mesz_ {iri}is-qa-al-lu-na \n63. asz2-kun-ma na-dan _gun_ kad3-re-e be-lu-ti-ia \n64. e-mid-su-u2-ma i-sza2-a-at, ab-sza2-a-ni \n65. i-na me-ti-iq ger-ri-ia {iri}e2-da-gan-na \n66. {iri}ia-ap-pu-u2 {iri}ba-na-a-a-bar-qa {iri}a-zu-ru \n67. _iri-mesz_-ni sza {disz}s,i-id-qa-a sza a-na _giri3-min_-ia ar2-hisz \n68. la ik-nu-szu2 al-me _kur_-ud asz2-lu-la szal-la-su-un \n69. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na \n70. sza {disz}pa-di-i _lugal_-szu2-nu _en_ a-de-e u3 ma-mit sza _kur_ asz-szur{ki} \n71. bi-re-tu _an-bar_ id-du-ma a-na {disz}ha-za-qi-a-u2 \n72. {kur}ia-u2-da-a-a id-di-nu-szu2 nak-[risz] \n73. a-na an-zil-li i-pu-szu2 ip-lah3 lib-ba-szu2#-[un] \n74. _lugal-mesz_ {kur}mu-s,u-ri _{lu2}erin2-mesz {gesz}pan {gesz}[gigir-mesz_] \n75. _ansze-kur-ra-mesz_ sza _lugal_ {kur}me-luh-ha e-mu-qi2 [la ni-bi] \n76. ik-te-ru-nim-ma il-li-ku re-s,u#-su-un \n77. i-na ta-mir-ti {iri}al-ta-qu-u2 [el-la]-mu-u2-a \n78. si-id-ru szit-ku-nu u2-sza2-\u0027a-[lu _{gesz}]tukul#-mesz_-szu2-un \n@column 3 \n1. [i]-na# tukul-ti {d}asz-szur _en#_-[ia it-ti-szu2-un] \n2. [am]-da-hi-is,-ma asz2-ta#-[kan _bad5-bad5_-szu2-un] \n3. [{lu2}_]en# {gesz}gigir-mesz#_ u3 _dumu-mesz [lugal_ {kur}mu-s,u-ra-a-a] \n4. [a]-di {lu2#}[_en {gesz}gigir-mesz_] sza# _lugal_ [{kur}me-luh-hi] bal#-t,u-su-un \n5. i-na _muru2_ tam-ha#-ri# ik-szu-da _szu-min_-a-a {iri}al-ta-qu-u2 \n6. {iri}ta-am-na-a al-me _kur_-ud asz2-lu-la szal-la-su-un \n7. a-na {iri}am-qar-ru-na aq-rib-ma _{lu2}szagina-mesz {lu2}nun-mesz_ \n8. sza hi-it,-t,u u2-szab-szu-u2 a-duk-ma i-na di-ma-a-ti \n9. si-hir-ti _iri_ a-lul pag-ri-szu2-un _dumu-mesz iri_ e-pisz an-ni \n10. u3 gil2-la-ti a-na szal-la-ti am-nu si-it-tu-te-[szu2-nu] \n11. la ba-bil hi-t,i-ti u3 gul-lul-ti sza a-ra-an#-[szu2]-nu# \n12. la ib-szu-u2 usz-szur-szu2-un aq-[bi] {disz}pa-di-i _lugal_-[szu2-nu] \n13. ul-tu qe2-reb {iri}ur-sa-li-im-mu u2-sze-s,a-[am-ma] \n14. i-na _{gesz}gu-za_ be-lu-ti _ugu_-szu2-un u2-sze-[szib-ma] \n15. man-da-at-tu be-lu-ti-ia u2-kin s,e-ru#-[usz]-szu2 \n16. u3 {disz}ha-za-qi-a-u2 {kur}ia-u2-da-a-a sza la# [ik]-nu-szu2 \n17. a-na ni-ri-ia 4(u) 6(disz) _iri-mesz_-szu2 dan-nu-ti _e2 bad3-mesz_-ni \n18. u3 _iri-mesz tur-mesz_ sza li-me-ti-szu2-nu sza ni-[ba] la# i-szu-u2 \n19. i-na szuk-bu-us a-ram-me u3 qit-ru-[ub] szu-pi-i \n20. mit-hu-us, zu-uk _giri3-min_ pil-szi nik-si [u3 kal]-ban#-na-ti \n21. al-me _kur_-ud 2(disz) _me lim_ 1(disz) _me_ 5(u) _ug3-mesz tur gal# [nita_] u3 _munus_ \n22. _ansze-kur-ra-mesz {ansze}kunga-mesz ansze-mesz ansze#-[gam-mal]-mesz# gu4-mesz_ \n23. u3 s,e-e-ni sza la ni-bi ul-tu# [qer]-bi#-szu2-un \n24. u2-sze-s,a-am-ma szal-la-tisz am-nu sza2-a-szu2 [_gim muszen_] qu#-up-pi \n25. qe2-reb {iri}ur-sa-li-im-mu _iri lugal#_-ti#-szu2 e-sir2-szu2 \n26. {iri}hal-s,u-_mesz_ ugu_-szu2 u2-rak-kis-[ma] a-s,e-e _ka2-gal iri_-szu2 \n27. [u2]-ter#-ra ik-ki-bu-usz _iri-mesz_-szu2 sza asz2-lu-la \n28. [ul-tu qe2-reb] _kur#_-szu2 ab-tuq-[ma] a-na {disz}mi-ti-in-ti \n29. [_lugal_ {iri}as-du-di {disz}pa]-di#-i _lugal_ {iri}am-qar-ru-na \n30. u3 {disz}gissu-[en _lugal_ {iri}ha]-zi#-ti ad-din-ma u2-s,a-ah-hir _kur_-su \n31. e-li _gun_ mah#-[ri-ti na]-dan# szat-ti-szu2-un man-da-at-tu \n32. kad3-re-e be-lu-[ti-ia u2]-rad-di-ma u2-kin s,e-ru-usz-szu2-un \n33. szu-u2 {disz}ha-za-qi-[a-u2 pul]-hi# me-lam-me be-lu-ti-ia \n34. is-hu-pu-szu2-ma {lu2#}[ur2-bi] u3 _{lu2}erin2-mesz_-szu2 _saga-mesz_ \n35. sza a-na dun-nu-[un {iri}ur]-sa-li-im-mu _iri lugal_-ti-szu2 \n36. u2-sze-ri-bu-ma ir-[szu-u2 til]-la-a-ti it-ti 3(u) _gun ku3-sig17_ \n37. 8(disz) _me gun ku3-babbar_ ni-[siq-ti gu]-uh#-li tak2-kas3-si _{na4}an-za-gul-me gal-mesz_ \n38. _{gesz}na2-mesz zu2 {gesz}gu#-[za-mesz_ ne2]-me#-di _zu2 kusz am-si zu2 am-si_ \n39. _{gesz}esi {gesz}tug2_ mim-ma szum-[szu2 ni]-s,ir#-tu ka-bit-tu2 u3 _dumu-munus-mesz_-szu2 \n40. {munus}_ug3-mesz e2-gal_-szu2 _{lu2}nar#-[mesz_] {munus}_nar-mesz_ a-na qe2-reb nina{ki} \n41. _iri_ be-lu-ti-ia _egir#_-[ia u2-sze]-bi#-lam-ma a-na na-dan \n42. man-da-at-ti u3 e-pesz# [_ARAD2_-u2]-ti isz-pu-ra rak-bu-szu2 \n$ single ruling \n43. i-na 4(disz)-e ger-ri-ia [{d}asz-szur] be-li2 u2-tak-kil-an-ni-ma \n44. um-ma-na-te-ia gap-sza2-a-te# [ad]-ke#-ma a-na {kur}e2-{disz}ia-kin7 \n45. a-la-ku aq-bi i-na me-[ti-iq] ger-ri-ia sza {disz}szu-zu-bi \n46. {lu2}kal-da3-a-a a-[szib qe2-reb {i7}a]-gam#-me i-na {iri}bi-it-tu-tu \n47. asz2-ta-kan _bad5#-[bad5_-szu2 szu-u2 hur-ba]-szu2 ta-ha-zi-ia _ugu_-szu2 \n48. im-qut#-[ma it-ru-ku lib]-bu#-szu2 ki-ma \n49. az-za-ri e-disz ip-[par-szid-ma ul] in#-na-mir a-szar-szu2 \n50. pa-an ni-ri-ia u2-[ter]-ma a-na {kur}e2-{disz}ia-kin7 \n51. as,-s,a-bat har-ra-nu szu-u2 {disz}{d}marduk-ibila-szum2-na \n52. sza i-na a-lak ger-ri-ia mah-re-e _bad5-bad5_-szu2 asz2-ku-nu-ma \n53. u2-par-ri-ru el-lat-[su] ri#-gim _{gesz}tukul-mesz_-ia dan-nu-ti \n54. u3 ti-ib ta-ha-zi-ia# ez#-zi e-dur-ma _dingir-mesz_ ma-rak _kur_-szu2 \n55. i-na _ki-tusz#_-szu2-nu id#-[ke-ma qe2-reb] _{gesz}ma2-mesz_ u2-szar-kib-ma \n56. [a-na {iri}na-gi-te-raq-qi2 sza qa-bal] tam#-tim is,-s,u-risz \n57. [ip-pa-risz _szesz-mesz_-szu2 _numun e2 ad_-szu2 sza u2-masz-szi-ru a]-hi tam-tim \n58. [a-di si-it-ti _ug3-mesz kur_-szu2 ul-tu {kur}e2-{disz}ia-kin7] \n59. [qe2-reb] {i7}a-[gam-me u ap-pa-ra-a-te u2-sze]-s,a-am-ma \n60. [szal]-la-tisz am-nu u2-[ter-ma _iri-mesz_-szu2] ap#-pul aq-qur \n61. u2-sze-me kar-mesz _ugu en_ sa-li-me-szu2 _lugal_ {kur}elam-ma{ki} \n62. na-mur-ra-tum at-[bu-uk i-na] ta#-a-a-ar-ti-ia \n63. {disz}{d}asz-szur-na-din-mu _dumu_ [resz-tu-u2] tar-bit bir-ki-ia \n64. i-na _{gesz}gu-za_ be-[lu-ti-szu2] u2-sze-szib-ma \n65. _dagal_-tum _kur eme#-[gi7_ u uri]{ki} u2-szad-gil pa-nu-usz-szu2 \n$ single ruling \n66. i-na 5(disz) ger-ri-ia# ba#-hu-la-ti {iri}tu-mur-ri \n67. {iri}sza2-ru-um {iri}[e-za]-ma {iri}kib-szu2 {iri}hal-bu-da {iri}qu-u2-a \n68. {iri}qa-na sza _gim#_ [qin]-ni _ti8_{muszen} a-sza2-red _muszen hi-a_ \n69. [s,e-er] zuq-ti {kur}[ni]-pur _kur_-i mar-s,i szu-bat-su-un \n70. [szit-ku]-na-[at-ma] la kit-nu-szu2 a-na ni-i-ri \n71. [i-na _giri3-min_ {kur}ni-pur] ka#-ra-szi u2-sza2-asz2-kin-ma \n72. [it-ti {lu2}qur]-bu#-ti _giri3-min_-ia na-as-qu-u2-ti \n73. [u3 _{lu2}erin2-mesz_] ta-ha-zi-ia la ga-me-lu-ti \n74. [a-na-ku _gin7 am_] ek-di pa-nu-usz-szu2-un as,-bat \n75. hur-ri na#-[hal-li] na#-at-bak szad-di-i me-le-e \n76. mar-s,u-ti i-na# _{gesz#}gu-za_ asz2-ta-am-di-ih \n@column 4 \n1. [a-szar a-na _{gesz}gu-za_ szup-szu-qu i-na _giri3-min_-ia asz2-tah-hi]-it,# \n2. [_gim_ ar-me a-na zuq-ti sza2-qu-ti s,e-ru-usz-szu2]-un# \n3. [e-li a-szar bir-ka-a-a ma-na-ah-tu i-sza2-a s,e-er _na4 kur_-i u2-szib]-ma# \n4. _a-mesz_ {kusz}na-a-di [ka-s,u-te a-na s,u-um-me-ia lu asz2-ti] \n5. i-na _szu-si-mesz_ hur-sza2-a-ni ar#-[de]-szu2#-nu-ti-ma asz2-ta#-[kan] \n6. tah-ta-szu2#-un# _iri-mesz_-szu2-nu _kur_-[ud]-ma asz2-lu-la szal-la-sun2 \n7. ap-pul [aq-qur] i-na {d}gesz-bar aq-mu pa-an ni-ri-ia \n8. u2-ter-[ma] s,e-er {disz}ma-ni-ia-e _lugal_ {iri}uk-ki \n9. szad-da-a-a-e la kan-sze as,-s,a-bat har-ra-nu \n10. ur-hi la pe-tu-ti t,u-u2-di pa-asz2-qu-u2-ti \n11. sza la-pa-an _kur-mesz_ mar-s,u-ti ul-la-nu-u2-a \n12. qe2-reb-szu2-[un] ma#-am-man la il-li-ku _lugal-mesz_ pa-ni mah-ru-ti \n13. i-na _giri3-min_ {kur}a-na-ra u3 {kur}up-pa _kur-mesz_-e dan-nu-ti \n14. _karasz_ u2-sza2-asz2-kin-ma a-na#-ku i-na _{gesz}gu-za_ ne2#-[me-di] \n15. it-ti _{lu2#}erim#-mesz_ ta-ha-[zi]-ia# [git2]-ma#-lu-u2-ti \n16. i-na ne-re-bi-szu2-un pi-qu#-ti# szu-nu-hi-isz e-ru-um-ma \n17. mar-s,i-isz e-te-el-la-a [_szu]-si-mesz kur_-i pa-asz2-qa-a-ti \n18. szu-u2 {disz}ma-[ni]-ia#-e tur-bu-[u\u0027] _giri3-min erin2 hi-a_-ia e-mur-ma \n19. {iri}uk-ku [_iri lugal_]-ti#-szu2 e-zib-ma a-na ru-qe2-ti in-na-bit \n20. {iri}uk-ku [al-me _kur_]-ud# asz2-lu-la szal-la-su \n21. mim-ma szum-szu [_nig2-szu nig2-gur11_ ni]-s,ir#-ti _e2-gal_-szu2 \n22. ul-tu qer#-[be2-e-szu u2-sze-s,a]-am#-ma szal-la-ti-isz am-nu \n23. u3 3(u) 3(disz) _iri-[mesz_-ni sza pa-a]-t,i# na-gi-szu2 ak-szud{ud}-ma \n24. _ug3-mesz ansze-mesz# [gu4-mesz_ u3] s,e-e-ni ul-tu qer-bi-szu2-un \n25. asz2-lu-la ap-pu#-[ul] aq-qur i-na {d}gesz-bar aq-mu \n$ single ruling \n26. i-na 6(disz) ger-ri#-[ia] si#-it-ti _ug3-mesz_ {kur}e2-{disz}ia-kin7 \n27. sza la-pa-an _{gesz}tukul#-[mesz_]-ia# dan-nu-ti _gin7_ ser2-re-me ig-ru-ru \n28. _dingir-mesz_ ma-rak _kur_-szu2-un i-na szub-ti-szu2-nu id-ku-ma \n29. tam-tim _gal_-tum [sza] s,i#-it {d}utu-szi e-bi-ru-ma \n30. i-na {iri}na-gi-ti sza {kur}elam-ma{ki} id-du-u2 szu-bat-sun2 \n31. i-na _{gesz}ma2-mesz_ {kur}hat-[ti] tam-tim lu e-bir {iri}na-gi-tu \n32. {iri}na-gi-tu-di-[i\u0027-bi]-na a-di {kur}hi-il-mu {kur}pil-la-tu2 \n33. u3 {kur}hu-pa-pa-nu na#-ge#-e sza {kur}_elam-ma{ki} kur_-ud \n34. _ug3-mesz_ {kur}e2-{disz}ia-kin7 [a-di] _dingir-mesz_-szu2-nu u3 _ug3-mesz_ \n35. sza _lugal_ {kur}elam-ma{ki} asz2-[lu]-lam#-ma la e-zi-ba mul-tah-t,u \n36. qe2-reb _{gesz}ma2-mesz_ u2-szar#-kib#-ma a-na a-ha-an-na-a \n37. u2-sze-bi-ram-ma u2-sza2-[as,]-bi-ta har-ra-an _kur_ asz-szur{ki} \n38. _iri-mesz_-ni sza qe2-reb na-[ge]-e sza2-tu-nu ap-pul aq-qur \n39. i-na {d}gesz-bar aq-mu a-na _du6_ u3 kar-me u2-ter \n40. i-na ta#-[a-a]-ar#-ti-ia {disz}szu-zu-bu _dumu_ babila2{ki} \n41. sza i-na e-[szi-ti] _kur_ be-[lu]-ut _kur eme-gi7_ u3 uri{ki} \n42. ra-ma-nu-usz u2-ter-ru i-[na] ta#-ha-az _edin bad5-bad5_-szu2 asz2-kun \n43. bal-t,u-su i-na _szu-min_ as,-bat-[su] szum#-man-nu u3 bi-re-tu2 _an-bar_ \n44. ad-di-szu-ma a-na _kur_ asz-szur{ki} [u2-ra]-asz2-szu2 _lugal_ {kur}elam-ma{ki} \n45. sza _a2-min_-szu2 is-hu-ru-ma il-li#-[ku] re-s,u-su _bad5-bad5_-szu2 asz2-kun \n46. _illat-mesz_-szu2 u2-sap-pi-ih-[ma] u2-par-ri-ir pu-hur-szu2 \n$ single ruling \n47. i-na 7(disz)-e ger-ri-ia {d}asz-[szur be]-li2 u2-tak-kil-an-ni-ma \n48. a-na {kur}e-lam-ti lu al-lik {iri}[e2-{disz}]ha-\u0027i-i-ri {iri}ra-s,a-a \n49. _iri-mesz_-ni sza mi-s,ir _kur_ asz-szur{ki} [sza i]-na tar-s,i _ad_-ia \n50. e-la-mu-u2 e-ki-mu da-na-nisz# i#-na# me-ti-iq ger-ri-ia \n51. ak-szud{ud}-ma asz2-lu-la szal-la-sun2# _{lu2#}erin2-mesz_ szu-lu-ti-ia \n52. u2-sze-rib qe2-reb-szu2-un a-na mi-s,ir _kur#_ asz-szur{ki} u2-ter-ram-ma \n53. _szu-min {lu2}gal_ {iri}hal-s,u bad3-an{ki} [am]-nu# {iri}bu-be2-e \n54. {iri}dun-ni-{d}utu {iri}e2-ri-si-ia# {iri#}_e2_-ah-la-me-e \n55. {iri}du-ru {iri}dan-nat-{disz}su-la#-[a-a {iri}]szi-li-ib-tu \n56. [{iri}_]e2_-a-s,u-si {iri}kar-_numun-ba_-[sza2 {iri}_]e2_-gi-is,-s,i \n57. {iri}e2-{disz}[kat3-pa]-la#-ni# {iri#}_e2#_-im#-bi#-ia {iri#}ha#-ma#-[a-nu] \n58. {iri}e2-ar#-ra-bi {iri}bu-ru-tu {iri}di-in-tu-sza-{disz}su-[la-a-a] \n59. {iri}[di]-in#-tu-sza2-{disz}{d}dumu-e2-kar-ir {iri}har-ri-asz2-la-ke-[e] \n60. {iri}rab-ba-a-a {iri}ra-a-su {iri}ak-ka-ba-ri-na \n61. {iri}du6-u2-hu-ri {iri}ha-am-ra-nu {iri}na-di-i-tu# \n62. a-di _iri-mesz_-ni sza ne2-re-bi sza {iri}e2-bu-na-[ki] \n63. {iri}du6-hu-um-bi {iri}di-in-tu-sza-{disz}du-me#-[_dingir_] \n64. {iri}e2-u2-bi-ia {iri}bal-ti-li-szir {iri}ta-qab-li-szir \n65. {iri}sza-na-qi-da-a-ti {iri}ma-su-tu2-szap-li#-[ti] \n66. {iri}sa-ar-hu-de-e-ri {iri}a-lum-sza-{disz}_gaszan#-[e2_] \n67. {iri}e2-{disz}pap-mesz-szum2-na {iri}il-te-u2-[ba] \n68. 3(u) 4(disz) _iri-mesz_ dan-nu-ti a-di _iri-mesz tur-mesz_ sza li-[me-ti-szu2]-nu# \n69. sza ni-ba la i-szu-u2 al-me _kur_-ud asz2-lu-la [szal]-la-[sun2] \n70. ap-pul aq-qur i-na {d}gesz-bar aq-mu qu-tur na-[aq]-mu-ti#-[szu2-nu] \n71. _gin7 muru9_ kab-ti pa-an _an_-e rap-szu-ti [u2]-szak#-ti-im# \n72. isz-me-ma ki-szit-ti _iri-mesz_-szu2 {disz}ku-dur-[{d}na]-hu#-un-du \n73. e-la-mu-u2 im-qut-su hat-tum si-it#-[ti] _iri-mesz_-szu2 \n74. a-na dan-na-ti u2-sze-rib szu-u2 {iri}[ma]-dak-ti \n75. _iri lugal_-ti-szu2 e-zib-ma a-na {iri}ha-[i]-da-la \n76. sza qe2-reb szad-di-i _su3-mesz_ is,-s,a-bat# har#-ra-nu \n77. a-na {iri}ma-dak-ti _iri lugal_-ti-szu2 a-[la]-ku aq-bi \n78. {iti}tam-hi-ri _en-te-na_ dan-nu [e]-ru#-ba-am-ma \n@column 5 \n1. sza2-mu-tum ma-at-tum u2-sza2-az-ni-na _szeg3-mesz_-sza2 \n2. _szeg3-mesz_ u3 szal-gu na#-ah-lu na-at-bak _kur_-[i a]-du#-ra# \n3. pa-an ni-ri-ia u2-ter-ma a-na nina{ki} as,#-[s,a-bat har-ra]-nu# \n4. i-na u4-me-szu-ma i-na [qi2]-bit {d}asz-szur _en_-ia {disz}nig2-du-{d}na-hu-un-du# \n5. _lugal_ {kur}elam-ma{ki} 3(disz) _iti#-mesz#_ ul# u2-ma-al-li-ma \n6. i-na u4-um la _nam_-szu2 ur-ru-hi-isz im-tu-ut \n7. _egir_-szu2 {disz}um-ma-an-me-na-nu la ra-asz2 t,e3-me u3 mil-ki \n8. _szesz_-szu2 dup-pu-us-su-u2 i-na _{gesz}gu-za_-szu2 u2-szib-ma \n$ single ruling \n9. i-na 8(disz)-e ger-ri-ia _egir_ {disz}szu-zu-bi is-se-hu-ma \n10. _dumu-mesz babila2{ki} gal5-la2-mesz_ lem-nu-ti _ka2-gal-mesz iri_ \n11. u2-di-lu ik-pu-ud lib-ba-[szu2]-nu a-na e-pesz _{gesz}la2_ \n12. {disz}szu-zu-bu {lu2}kal-da3-a-a [et,]-lum dun-na-mu-u2 \n13. sza la i-szu-u2 bir-ki _ARAD2_ da-[gil2] pa#-an _{lu2}en-nam_ {iri}la-hi-ri \n14. {lu2}a-ra-me hal-qu mun-nab-tu [a]-mir# da-me hab-bi-lu \n15. s,e-ru-usz-szu2 ip-hu-ru-ma qe2-reb {i7}a-gam-me u2-ri-du-ma \n16. u2-szab-szu-u2 si-hu a-na#-[ku] ni#-tum al-me-szu-ma \n17. nap-sza2-tusz u2-si-qa la-pa-an hat#-ti# u3 ne2-eb-re-ti \n18. a-na {kur}elam-ma{ki} in-na-bit ki-i ri-kil-ti# [u3 gil2-la]-ti# \n19. s,e-ru-usz-szu2 ba-szi-i ul-tu {kur}elam-ma{ki} [i-hi-szam-ma] \n20. qe2-reb szu-an-na{ki} e-ru-ub _{lu2}babila2{ki}-mesz_ \n21. a-na la si-ma-ti-szu2 i-na _{gesz}gu-za_ u2-sze-szi-bu-szu \n22. be-lu-ut _kur eme-gi7_ u3 uri{ki} u2-szad-gi-lu pa-ni-szu2 \n23. _e2 nig2-gur11_ sza e2-sag-il2 ip-tu-ma _ku3-sig17 ku3-babbar_ \n24. sza {d}en {d}zar-pa-ni-tum _nig2-szu e2 dingir-mesz_-szu2-nu u2-sze-s,u-ni \n25. a-na {disz}um-ma-an-me-na-nu _lugal_ {kur}elam-ma{ki} sza la i-szu-u2 \n26. t,e3-e-mu u3 mil-ku u2-sze-bi-lu-usz t,a-a\u0027-tu \n27. pu-uh-hi-ir um-man-ka di-ka-a _karasz_-ka a-na babila2{ki} \n28. hi-szam-ma i-da-a-ni i-zi-iz-ma tu-kul-ta-ni lu at-ta \n29. szu-u2 {lu2}elam-ma{ki}-u2 sza i-na a-lak ger-ri-ia \n30. mah-ri-ti sza {kur}_elam-ma{ki} iri-mesz_-szu2 ak-szud-du-ma \n31. u2-ter-ru a-na kar-me lib-bu-usz ul ih-su-us \n32. t,a-a\u0027-tu2 im-hur-szu2-nu-ti-ma _erin2 hi-a_-szu2 _karasz_-su \n33. u2-pa-hir-ma _{gesz}gigir-mesz_ {gesz}s,u-um-bi e-szu-ra \n34. _ansze-kur-ra-mesz {ansze}kunga-mesz_ is-ni-qa s,i-in-di-szu2 \n35. {kur}par-su-asz2 {kur}an-za-an {kur}pa-szi-ru {kur}el-li-pi \n36. {lu2}ia-as-il3 {lu2}la-kab-ra {lu2}ha-ar-zu-nu \n37. {iri}du-um-mu-qu {iri}su-la-a {iri}sa-am-u2-na \n38. _dumu_ {disz}{d}marduk-ibila-szum2-na {kur}e2-{disz}a-di-ni {kur}e2-{disz}a-muk-ka-na \n39. {kur}e2-{disz}szil-la-na {kur}e2-{disz}sa-a-la ud-ud-ag{ki} {iri}la-hi-ru \n40. {lu2}pu-qu-du {lu2}gam-bu-lum {lu2}ha-la-tu {lu2}ru-\u0027u-u2-a \n41. {lu2}u2-bu-lu {lu2}ma-la-hu {lu2}ra-pi-qu {lu2}hi-in-da-ru \n42. {lu2}da-mu-nu kit-ru _gal_-u2 ik-te-ra it-ti-szu2 \n43. gi-ip-szu-us-su-un u2-ru-uh _kur_ uri{ki} \n44. is,-ba-tu-nim-ma a-na babila2{ki} te-bu-u2-ni \n45. a-di {disz}szu-zu-bi {lu2}kal-da3-a-a _lugal_ babila2{ki} \n46. a-na a-ha-mesz iq-ru-bu-ma pu-hur-szu2-nu in-nen-du \n47. ki-ma ti-bu-ut a-ri-bi ma-a\u0027-di sza pa-an szat-ti \n48. mit-ha-risz a-na e-pesz tuq-ma-ti te-bu-ni s,e-ru-u2-a \n49. _sahar-hi-a giri3-min_-szu2-nu _gin7 muru9_ kab-ti sza dun-ni e-ri-ia-ti \n50. pa-an _an_-e rap-szu-ti ka-ti-im el-la-mu-u2-a \n51. i-na {iri}ha-lu-le-e i-na ki-szad {i7}idigna szit-ku-nu si-dir-ta \n52. pa-an masz-qi2-ia s,ab-tu-ma u2-sza2-\u0027a-lu _{gesz}tukul-mesz_-szu2-un \n53. a-na-ku a-na {d}asz-szur {d}3(u) {d}utu {d}en {d}muati {d}u-gur \n54. {d}inanna sza nina{ki} {d}inanna sza {iri}limmu2-dingir _dingir-mesz_ ti-ik-li-ia \n55. a-na ka-sza2-di _{lu2}kur2_ dan-ni am-hur-szu2-nu-ti-ma \n56. su-pe#-e#-a ur-ru-hi-isz isz-mu-u2 il-li-ku re-s,u-ti \n57. la-ab-bisz an#-na#-dir-ma at-tal-bi-sza2 si-ri-ia-am \n58. hu-li-ia-am si-mat s,i-il-ti a-pi-ra ra-szu-u2-a \n59. i-na _{gesz}gigir_ ta-ha-zi-ia s,ir#-[ti] sa-pi-na-at za-\u0027i-i-ri \n60. i-na ug-gat lib-bi-ia ar-ta#-kab# ha-an-t,isz \n61. _{gesz}pan_ dan-na-tum sza {d}asz-szur u2-szat-li-ma i-na _szu-min_-ia as,-bat \n62. {gesz}szil-ta-hu pa-ri-i\u0027 nap-sza2-ti at-muh rit-tu-u2-a \n63. s,e-er gi-mir um-ma-na-ti na-ki-ri lem-nu-ti \n64. u4-mi3-isz s,ar-pisz al-sa-a _gin7_ {d}iszkur asz2-gu-um \n65. i-na qi2-bit {d}asz-szur _en gal en_-ia a-na szid-di u3 pu-ti \n66. ki-ma ti-ib me-he-e szam-ri a-na _{lu2}kur2_ a-zi-iq \n67. i#-na# _{gesz}tukul-mesz_ {d}asz#-szur# _en_-ia u3 ti-ib ta-ha-zi-ia ez-zi \n68. [i-rat-su-un] a-ne2-e\u0027-ma suh-hur-ta-szu2-nu asz2-kun \n69. [_erin2 hi-a_] na#-ki-ri i-na us,-s,i mul-mul-li u2-sza2-qir-ma \n70. gi-mir _adda-mesz_-szu2-nu u2-pal-li-sza2 _ud_-zi-zi-isz \n71. {disz}{d}hu-um-ba-an-un-da-sza2 {lu2}tur-ta-nu-szu2 et,-lu pit-qu-du \n72. mu-ma-\u0027e-er um-ma-ni-szu2 tu-kul-ta-szu2 _gal_-u2 \n73. a-di _{lu2}gal-mesz_-szu2 sza _gir2_ szib-bi _ku3-sig17_ szit-ku-nu \n74. u3 i-na _har-mesz_ as-pi _ku3-sig17_ ru-usz-szi-i \n75. ruk-ku-sa rit-ti-szu2-un ki-ma szu-u2-ri ma-ru-ti \n76. sza na-du-u2 szum-man-nu ur-ru-hi-isz u2-pal-liq-szu2-nu-ti-ma \n77. asz2-ku-na tah-ta-szu2-un ki-sza2-da#-te#-szu2-nu u2-na-kis as-li-isz \n78. aq-ra-ti nap-sza2-te-szu2-nu u2-par-ri-i\u0027 qu3-u\u00273-isz \n@column 6 \n1. _gin7 illu_ gap-szi [sza] sza2-mu-tum si-ma-ni u3-mun-ni-szu2-nu \n2. u2-szar-da-a [s,e-er] er-s,e-ti sza2-di-il-ti \n3. la-as-mu-ti [mur-ni-is]-qi s,i-mit-ti ru-ku-bi-ia \n4. [i-na da-me-szu2-nu gap-szu]-ti# i-szal-lu-u2 {d}i7-isz \n5. sza _{gesz}gigir_ ta-ha-zi-ia [sa-pi]-na#-at rag-gi u3 s,e-ni \n6. da-mu u3 par-szu2 ri-it-mu-ku ma-gar-ru-usz \n7. pag-ri qu-ra-di-szu2-nu ki-ma [ur-qi2-ti] u2-mal-la-a _edin_ \n8. sa-ap-sa-pa-ti u2-na-kis-ma# bal#-ta-szu2-un a-bu-ut \n9. ki-ma bi-ni qisz-sze-e si-ma-ni u2-na-kis qa-ti-szu2-un \n10. _har-mesz_ as-pi _ku3-sig17 ki-sag_ eb#-bi# sza2 rit-ti-szu2-nu am-hur \n11. i-na nam-s,a-ri zaq-tu-ti hu-[s,a-an]-ni-szu2-nu u2-par-ri-i\u0027 \n12. _gir2-mesz_ szib-bi _ku3-sig17 ku3-babbar_ sza2 _muru2#-mesz_-szu2-nu e-kim \n13. si-it-ti _{lu2}gal-mesz_-szu2 sza la#-pa#-an ta-ha-zi-ia \n14. ip-la-hu id-ku-u2 i-da-szu2#-un bal-t,u-su-nu \n15. i-na _muru2_ tam-ha-ri it-mu-ha# _szu#-min_-a-a _{gesz}gigir-mesz_ \n16. a-di _ansze-kur-ra-mesz_-szi-na sza i-[na] qit#-ru-ub ta-ha-zi dan-ni \n17. ra-ki-bu-szi-in de-ku-u2-ma# u3 szi-na musz-szu-ra-ma \n18. ra-ma-nu-usz-szin it-ta-na-al-[la]-ka# mit-ha-risz u2-ter-ra \n19. a-di 2(disz) _danna ge6_ il-li-[ku da]-ak#-szu2-nu ap-ru-us \n20. szu-u2 {disz}um-ma-an-[me-na-nu _lugal_ {kur}elam]-ma#{ki#} a-di _lugal_ babila2{ki} \n21. [{lu2}]na#-sik-ka-[ni sza {kur}kal-di a-li-kut] _a2-min_-szu2 \n22. hur-ba-szu2 ta#-ha#-[zi-ia ki-ma-le-e zu-mur-szu2-un is]-hu#-up \n23. {gesz}za-ra-ti-szu2#-un [u2-masz-sze-ru-ma a-na szu-zu-ub _zi-mesz_-szu2]-nu# \n24. pag-ri _erin2 hi-a_-szu2-nu u2-da#-[\u0027i-i-szu2 e-ti-qu] \n25. ki-i sza at-mi _tu_{muszen} kusz-szu-di# [i-tar-ra-ku lib-bu-szu2-un] \n26. szi-na-te-szu2-un u2-s,a-ar-ra#-[pu qe2-reb _{gesz}gigir]-mesz#_-szu2-nu \n27. u2-masz-sze-ru-ni zu-szu2-un a-[na ra-da]-di#-szu2-nu \n28. _{gesz}gigir-mesz ansze-kur-ra-mesz_-ia u2-[ma-\u0027e-er] ar-ki-szu2-un \n29. mun-na-rib-szu2-nu sza a-na nap#-[sza2]-a-ti u2-s,u-u2 \n30. a-szar i-kasz-sza2-du u2-ra-[sa]-bu# i-na _{gesz}tukul_ \n$ single ruling \n31. i-na u4-me-szu-ma _e2-gal_ ku-tal-li sza nina{ki} \n32. sza a-na szu-te-szur ka-ra-szi pa-qad _ansze-kur-ra-mesz_ \n33. sa-na-qi2 mim-ma szum-szu2 sza _lugal-mesz_-ni a-li-kut mah-ri \n34. _ad-mesz_-ia u2-sze-pi-szu2-ma [tam]-lu-sza2 la ib-szi-ma \n35. s,u-uh-hu-rat szu-bat-sa la-ba-risz _u4-mesz_ tem-me-en-sza2 \n36. e-nisz-ma isz-da-a-sza2 ir-ma-a i-qu-pa re-sza2-a-sza2 \n37. _e2-gal_ sza2-a-tu a-na si#-hi-ir-ti-sza2 aq-qur \n38. ki-ma a-tar-tim-ma qaq-qa-ru ma-[a\u0027]-du ul-tu qe2-reb u2-szal-li \n39. u3 ta-mir-ti _iri_ as,-ba#-ta i-na muh-hi usz-rad-di \n40. qaq-qar _e2-gal_ mah-ri-ti e-zib-ma i-na qaq-qa-ri \n41. sza ul-tu qe2-reb u2-szal-[li] as,#-ba-ta tam-la-a usz-mal-li \n42. 2(disz) _me_ ti-ib-ki a-na e-la-ni# u2#-szaq-qi2 re-e-su \n43. i-na _iti_ sze-me-e u4-mu mit-ga-ri [s,e-er] tam-le-e szu-a-tu \n44. _e2-gal_ ra-bi-tum sza s,e-er mah#-[ri]-ti ma-a\u0027-disz szu-tu-rat \n45. a-na mu-szab _lugal_-ti-ia u2-[sze-pisz] _gesz-ur3-mesz_ {gesz}ere-ni \n46. s,i-ru-ti u2-szat-ri-s,a e-li#-sza2 _{gesz}ig-mesz_ {gesz}li-ia-ri \n47. me-ser _uruda_ nam-ri u2-rak-kis-ma u2#-rat-ta-a _ka2-mesz_-sza2 \n48. {na4}pi-i-lu pe-s,u-u2 sza i#-na# er-s,e-et {iri}ba-la-t,a-a-a \n49. in-nam-ru _{d}alad-{d}lamma_ u2#-sze-pisz-ma im-na \n50. u3 szu-me-la u2-sza2-as,-bi-ta# si-ga-ar-sza2 \n51. _e2-gal_ sza2-a-tu ul-tu usz#-[sze]-sza2 a-di na-bur-ri-sza2 \n52. ar-s,ip u2-szak-lil _mu-sar#_-e szi-t,ir szu-me-ia \n53. i-na qer-bi-sza2 asz2-kun a-na ar2#-kat3 _u4-mesz_ i-na _lugal-mesz_-ni \n54. _dumu-mesz_-ia sza {d}asz-szur u3 {d#}isz#-tar a-na _re-e2-um kur#_ u3 \n55. _ug3-mesz_ i-nam-bu-u2 [zi]-kir#-szu2 e-nu-ma _e2-gal_ sza2-a#-[tu] \n56. i-lab-bi-ru-ma en-na-hu# [_nun_ ar-ku-u2 an]-hu-sa lu-ud-[disz] \n57. _mu-sar_-e szi-t,ir _mu_-ia [li]-mur#-ma _i3-gesz_ lip#-szu#-[usz] \n58. _{udu}siskur_ liq-qi2 a-na [asz2]-ri-szu2 lu-[ter] \n59. {d}asz-szur u3 {d}isz-[tar] ik-ri-bi-szu2 i-szem-[mu-u] \n$ single ruling \n60. [{iti}x-x _u4 n-kam?_ li-mu {disz}]en#-igi#-an-ni \n61. [_{lu2}en-nam_] {iri#}gar-ga-misz \n","is_atf2conll_diff_resolved":true,"is_latest":true},"period":{"id":23,"sequence":25,"period":"Neo-Assyrian (ca. 911-612 BC)","name":"Neo-Assyrian","time_range":"ca. 911-612 BC"},"provenience":{"id":279,"provenience":"Nineveh (mod. Kuyunjik)","location_id":373,"place_id":103,"region_id":6}}},{"id":566080,"composite_no":"Q003497","artifact_id":450375,"witness":{"id":450375,"designation":"RINAP 3\/1 Sennacherib 023, ex. 002","museum_no":"BM 134449a","accession_no":"1932-12-12, 0444a","dates_referenced":"Sennacherib.---.12diri.00","created_by":820,"inscription":{"id":2205187,"artifact_id":450375,"atf":"\u0026P450375 = RINAP 3\/1 Sennacherib 23, ex. 02 \n#atf: lang akk \n@object prism \n@surface a \n@column 5 \n$ beginning broken \n1\u0027. [...] s,e#-ru#-u2#-a# \n2\u0027. [...] dun#-ni e-ri-ia-ti \n3\u0027. [...] el#-la-mu-u2-a \n4\u0027. [...] {i7}idigna \n5\u0027. [...]-ia# s,ab-tu-ma \n6\u0027. [...] {d#}asz-szur {d}3(u) {d}utu \n7\u0027. [...] sza {iri}limmu2-dingir \n8\u0027. [...]-di# _{lu2}kur2_ dan-ni \n9\u0027. [...] ur-ru-hi-isz \n10\u0027. [...] re-s,u-u2-ti \n11\u0027. [...]-sza2# si-ri-ia-am \n12\u0027. [...] a#-pi-ra ra-szu-u2-a \n13\u0027. [...] sa#-pi-na-at za-\u0027i-ri \n14\u0027. [...] ha-an-t,isz \n15\u0027. [...]-ma# i-na _szu-min_-ia as,-bat \n16\u0027. [...]-muh# rit-tu-u2-a \n17\u0027. [...] lem#-nu#-ti# \n$ rest broken \n@column 6 \n$ beginning broken \n1\u0027. sza i#?-[...] \n2\u0027. a-na {d}[...] \n3\u0027. u2-sza2-as,#-[...] \n4\u0027. ul-tu [...] \n5\u0027. _mu-sar#_-[...] \n6\u0027. a-na ar2#-[...] \n7\u0027. sza {d}asz#-szur# [...] \n8\u0027. i-nam-bu#-u2# [...] \n9\u0027. i-lab-bi#-ru#-[...] \n10\u0027. _mu-sar#_-e# szi-t,ir# [...] \n11\u0027. _{udu}siskur#_ [...] \n12\u0027. {d}asz#-szur# u3# {d#}[...] \n$ single ruling \n13\u0027. {iti}diri#-sze-sag11-[ku5 _u4 n-kam?_ li-mu ...] \n14\u0027. _{lu2#}en#-nam#_ [...] \n","is_atf2conll_diff_resolved":true,"is_latest":true},"period":{"id":23,"sequence":25,"period":"Neo-Assyrian (ca. 911-612 BC)","name":"Neo-Assyrian","time_range":"ca. 911-612 BC"},"provenience":{"id":279,"provenience":"Nineveh (mod. Kuyunjik)","location_id":373,"place_id":103,"region_id":6}}}],"impressions":[],"composites":[],"seals":[],"inscription":{"id":2312918,"artifact_id":462831,"atf":"\u0026P462831 = RINAP 3\/1 Sennacherib 23 composite\n#atf: lang akk\n@object composite text\n@surface a\n1. {disz}{d}en-zu-szesz-mesz-eri-ba _lugal gal lugal_ dan-nu\n2. _lugal_ kisz-sza2-ti _lugal kur_ asz-szur{ki} _lugal_ kib-rat _limmu2_-tim\n3. _re-e2-um_ it-pe-szu2 mi-gir _dingir-mesz gal-mesz_\n4. na-s,ir kit-ti ra-\u0027i-im mi-sza2-ri\n5. e-pisz u2-sa-a-ti a-lik tap-pu-ut a-ki-i\n6. sa-hi-ru dam-qa-a-ti et,-lum git2-ma-lum\n7. zi-ka-ru qar-du a-sza2-red kal ma-al-ki\n8. rap-pu la-\u0027i-it, la ma-gi-ri\n9. mu-szab-ri-qu za-ma-a-ni {d}asz-szur _kur_-u2 _gal_-u2\n10. _lugal_-ut la sza2-na-an u2-szat-li-ma-an-ni-ma\n11. _ugu_ gi-mir a-szib pa-rak-ki u2-szar-ba-a _{gesz}tukul-mesz_-ia\n12. ul-tu _a-ab-ba_ e-le-ni-ti sza sza2-lam {d}utu-szi\n13. a-di tam-tim szap-li-ti sza s,i-it {d}utu-szi\n14. gim-ri s,al-mat _sag-du_ u2-szak-nisz sze-pu-u2-a\n15. u3 ma-al-ki szep-s,u-ti e-du-ru ta-ha-zi\n16. da-ad2-me-szu2-un iz-zi-bu-ma ki-ma su-tin-ni{muszen}\n17. ni-gi-is,-s,i e-disz ip-par-szu2 a-szar la \u0027a-a-ri\n18. i-na mah-re-e ger-ri-ia sza {disz}{d}marduk-ibila-szum2-na\n19. _lugal_ {kur}kar2-{d}dun-ia2-asz3 a-di _erin2 hi-a_ elam-ma{ki} re-s,i-szu2\n20. i-na ta-mir-ti kisz{ki} asz2-ta-kan _bad5-bad5_-szu2\n21. i-na _muru2_ tam-ha-ri szu-a-tu e-zib\n22. _karasz_-su e-disz ip-par-szid-ma na-pisz-tusz e-t,i2-ir _{gesz}gigir-mesz ansze-kur-ra-mesz_\n23. {gesz}s,u-um-bi _{ansze}kunga-mesz_ sza i-na qit-ru-ub\n24. ta-ha-zi u2-masz-szi-ru ik-szu-da _szu-min_-a-a\n25. a-na _e2-gal_-szu2 sza qe2-reb babila2{ki} ha-disz e-ru-um-ma\n26. ap-te-ma _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar_\n27. _na4_ a-qar-tu mim-ma szum-szu2 _nig2-szu nig2-gur11_ la ni-bi\n28. ka-bit-tu _gun munus-sza3-e2-gal-mesz_-szu2 _{lu2}tirum-mesz_\n29. {lu2}man-za-az pa-ni _{lu2}nar-mesz_ {munus}_nar-mesz_ si-hir-ti\n30. um-ma-a-ni ma-la ba-szu-u2 mut-tab-bi-lu-tu2 _e2-gal_-usz\n31. u2-sze-s,a-am-ma szal-la-tisz am-nu i-na e-muq {d}asz-szur _en_-ia\n32. 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_-ni sza {kur}kal-di\n33. u3 4(disz) _me_ 2(u) _iri-mesz_-ni _tur-mesz_ sza li-me-ti-szu2-nu\n34. al-me ak-szud{ud} asz2-lu-la szal-la-su-un\n35. {lu2}ur2-bi {lu2}a-ra-mu {lu2}kal-du sza qe2-reb unu{ki}\n36. nibru{ki} kisz{ki} {iri}hur-sag-kalam-ma gu2-du8-a{ki} zimbir{ki}\n37. a-di _dumu-mesz iri en_ hi-it,-t,i u2-sze-s,a-am-ma szal-la-tisz am-nu\n38. i-na ta-a-a-ar-ti-ia {lu2}tu-\u0027u-mu-na {lu2}ri-hi-hu\n39. {lu2}ia-daq-qu {lu2}u2-bu-du {lu2}gib-re-e\n40. {lu2}ma-la-hu {lu2}gu-ru-mu {lu2}u2-bu-lum\n41. {lu2}da-mu-nu {lu2}gam-bu-lum {lu2}hi-in-da-ru\n42. {lu2}ru-\u0027u-u2-a {lu2}pu-qu-du {lu2}ha-am-ra-nu\n43. {lu2}ha-ga-ra-nu {lu2}na-ba-tu {lu2}li-i\u0027-ta-u2\n44. {lu2}a-ra-mu la kan-szu-ti mit-ha-risz ak-szud{ud}\n45. 2(disz) _me_ 8(disz) _lim un-mesz tur gal nita_ u3 _munus ansze-kur-ra-mesz_\n46. _{ansze}kunga-mesz ansze-mesz {ansze}gam-mal-mesz gu4-mesz_ u3 s,e-e-ni\n47. sza la ni-bi szal-la-tu ka-bit-tu2 asz2-lu-la a-na qe2-reb _kur_ asz-szur{ki}\n48. i-na me-ti-iq ger-ri-ia sza {disz}{d}muati-en-mu-mesz\n49. {lu2}qi2-pi {iri}ha-ra-ra-ti _ku3-sig17 ku3-babbar_\n50. {gesz}mu-suk-kan-ni _gal-mesz ansze-mesz {ansze}gam-mal-mesz gu4-mesz_\n51. u3 s,e-e-ni ta-mar-ta-szu2 ka-bit-tu am-hur\n52. ba-hu-la-ti {iri}hi-rim-me _{lu2}kur2_ ak-s,i\n53. i-na _{gesz}tukul-mesz_ u2-szam-qit-ma e-du ul e-zib\n54. pag-ri-szu-un i-na ga-szi-szi a-lul-ma\n55. si-hir-ti _iri_ u2-szal-me na-gu-u2 szu-a-tu\n56. a-na esz-szu-ti as,-bat 1(disz)-en _gu4_ 1(u) _udu-nita2-mesz_\n57. 1(u) _ansze {gesz}gesztin_ 2(u) _ansze zu2-lum-ma_ re-sze-te-szu2\n58. a-na _dingir-mesz_-ni _kur_ asz-szur{ki} _en-mesz_-ia u2-kin da3-ri-szam\n59. i-na 2(disz)-e ger-ri-ia {d}asz-szur be-li2 u2-tak-kil-an-ni-ma\n60. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a\n61. sza ul-tu ul-la a-na _lugal-mesz_-ni _ad-mesz_-ia\n62. la kit-nu-szu2 lu al-lik qe2-reb hur-sza2-a-ni zaq-ru-ti\n63. _a-sza3_ nam-ra-s,i i-na _ansze-kur-ra_ ar-kab-ma\n64. _{gesz}gigir giri3-min_-ia i-na ti-ik-ka-a-ti u2-sza2-asz2-szi\n65. asz2-ru szup-szu-qu i-na _giri3-min_-ia ri-ma-nisz at-tag-gisz\n66. {iri}e2-{disz}ki-lam-za-ah {iri}ha-ar-disz-pi {iri}e2-{disz}ku-bat-ti\n67. _iri-mesz_-ni-szu2-nu _e2 bad3-mesz_ dan-nu-ti al-me _kur_-ud\n68. _ug3-mesz ansze-kur-ra-mesz {ansze}kunga-mesz ansze-mesz gu4-mesz_\n69. u3 s,e-e-ni ul-tu qer-bi-szu2-un u2-sze-s,a-am-ma\n70. szal-la-tisz am-nu u3 _iri-mesz_-ni-szu2-nu _tur-mesz_ sza ni-ba\n71. la i-szu-u2 ap-pu-ul aq-qur u2-sze-me kar-mesz\n72. _e2 edin_ kul-ta-ri mu-sza2-bi-szu2-nu\n73. i-na {d}gesz-bar aq-mu-ma di-tal-lisz u2-sze-me\n74. u2-ter-ma {iri}e2-{disz}ki-lam-za-ah szu-a-tu\n75. a-na {iri}bir-tu-ti as,-bat _ugu_ sza u4-um pa-ni\n76. _bad3-mesz_-szu2 u2-dan-nin-ma _ug3-mesz kur-kur_ ki-szit-ti _szu-min_-ia\n77. i-na lib3-bi u2-sze-szib _ug3-mesz kur_ {lu2}kasz-szi-i\n78. u3 _kur_ {lu2}ia-su-bi-gal-la-a-a\n79. sza la-pa-an _{gesz}tukul-mesz_-ia ip-par-szid-du\n80. ul-tu qe2-reb _kur_-i u2-sze-ri-dam-ma\n81. i-na {iri}har-disz-pi {iri}e2-{disz}ku-bat-ti u2-szar-me\n82. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha\n83. am-nu-szu-nu-u2-ti _{na4}na-ru2-a_ u2-sze-pisz-ma\n84. li-i-tum ki-szit-ti _szu-min_ sza _ugu_-szu2-un asz2-tak-ka-nu\n85. s,e-ru-usz-szu2 u2-sza2-asz2-t,ir-ma i-na qer-bi _iri_ ul-ziz\n86. pa-an ni-ri-ia u2-ter-ma a-na {kur}el-li-pi\n87. as,-s,a-bat har-ra-nu el-la-mu-u2-a {disz}is-pa-ba-a-ra\n88. _lugal_-szu2-un _iri-mesz_-szu2 dan-nu-ti _e2_ ni-s,ir-ti-szu2\n89. u2-masz-szir-ma a-na ru-qe2-e-ti in-na-bit\n90. gim-ri _kur_-szu2 _dagal_-tim _gin7 muru9_ as-hu-up\n91. {iri}mar-u2-bisz-ti {iri}ak-ku-ud-du _iri-mesz_-ni\n92. _e2 lugal_-ti-szu2 a-di 3(u) 4(disz) _iri-mesz_-ni _tur-mesz_\n93. sza li-me-ti-szu2-nu al-me _kur_-ud ap-pul aq-qur\n94. i-na {d}gesz-bar aq-mu _ug3-mesz tur gal nita_ u3 _munus_\n95. _ansze-kur-ra-mesz {ansze}kunga-mesz ansze-mesz {ansze}gam-mal-mesz_\n96. _gu4-mesz_ u3 s,e-e-ni a-na la mi-nam asz2-lu-lam-ma\n97. a-di la ba-szi-i u2-sza2-lik-szu-ma u2-s,a-ah-hir _kur_-su\n98. {iri}s,i-s,i-ir-tu {iri}ku-um-ma-ah-lum _iri-mesz_ dan-nu-ti\n99. a-di _iri-mesz_-ni _tur-mesz_ sza li-me-ti-szu2-nu\n100. {kur}e2-{disz}ba-ar-ru-u2 na-gu-u2 a-na gi-mir-ti-szu2\n101. ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur{ki}\n102. u2-rad-di {iri}el-en-za-asz2 a-na _iri lugal_-u2-ti\n103. u3 dan-na-at na-ge-e szu-a-tu as,-bat-ma\n104. _mu_-szu2 mah-ra-a u2-na-kir-ma {iri}kar-{disz}{d}en-zu-szesz-mesz-su\n105. at-ta-bi ni-bit-su _ug3-mesz kur-kur_ ki-szit-ti _szu-min_-ia\n106. i-na lib3-bi u2-sze-szib i-na _szu-min_ {lu2}szu-ut _sag_-ia\n107. _{lu2}en-nam_ {iri}har-har am-nu-ma u2-rap-pisz ma-a-ti\n108. i-na ta-a-a-ar-ti-ia sza {kur}ma-da-a-a ru-qu-ti\n109. sza i-na _lugal-mesz_-ni _ad-mesz_-ia ma-am-man la isz-mu-u2\n110. zi-kir _kur_-szu2-un man-da-ta-szu2-nu ka-bit-tu am-hur\n111. a-na ni-ri be-lu-ti-ia u2-szak-ni-su-nu-ti\n112. i-na szal-szi ger-ri-ia a-na {kur}ha-at-ti lu al-lik\n113. {disz}lu-li-i _lugal_ {iri}s,i-du-un-ni pul-hi me-lam-me\n114. be-lu-ti-ia is-hu-pu-szu2-ma a-na ru-uq-qi2 _muru2_ tam-tim\n115. in-na-bit-ma _kur_-szu2 e-mid {iri}s,i-du-un-nu _gal_-u2\n116. {iri}s,i-du-un-nu s,e-eh-ru {iri}e2-zi-it-ti\n117. {iri}s,a-ri-ip-tu {iri}ma-hal-li-ba {iri}u2-szu-u2\n118. {iri}ak-zi-bi {iri}ak-ku-u2 _iri-mesz_-szu2 dan-nu-ti\n119. _e2 bad3-mesz_ a-szar ri-i-ti u3 masz-qi2-ti _e2_ tuk-la-ti-szu2\n120. ra-szub-bat _{gesz}tukul_ {d}asz-szur _en_-ia is-hu-pu-szu2-nu-ti-ma\n121. ik-nu-szu2 sze-pu-u2-a {disz}tu-ba-a\u0027-lum i-na _{gesz}gu-za lugal_-u2-ti\n122. _ugu_-szu2-un u2-sze-szib-ma _gun_ man-da-tu be-lu-ti-ia\n123. szat-ti-szam la ba-at,-lu u2-kin s,e-ru-usz-szu2\n124. sza {disz}mi-in-hi-im-mu {iri}sam-si-mu-ru-na-a-a\n125. {disz}tu-ba-a\u0027-lu {iri}s,i-du-un-na-a-a\n126. {disz}ab-di-li-i\u0027-ti {iri}a-ru-da-a-a\n127. {disz}u2-ru-mil-ki {iri}gu-ub-la-a-a\n128. {disz}mi-ti-in-ti {iri}as-du-da-a-a\n129. {disz}bu-du-dingir {kur}e2-{disz}am-ma-na-a-a\n130. {disz}kam-mu-su-na-ad-bi {kur}ma-\u0027a-ba-a-a\n131. {disz}{d}a-a-ram-mu {kur}u2-du-um-ma-a-a\n132. _lugal-mesz_-ni _kur_ mar-tu{ki} ka-li-szu2-un _igi-sa2_-e szad-lu-ti\n133. ta-mar-ta-szu2-nu ka-bit-tu a-di 4(disz)-szu2 a-na mah-ri-ia\n134. isz-szu-nim-ma isz-szi-qu _giri3-min_-ia u3 {disz}s,i-id-qa-a\n135. _lugal_ {iri}is-qa-al-lu-na sza la ik-nu-szu2 a-na ni-ri-ia\n136. _dingir-mesz e2 ad_-szu2 sza2-a-szu2 _dam_-su _dumu-mesz_-szu2 _dumu-munus-mesz_-szu2\n137. _szesz-mesz_-szu2 _numun e2 ad_-szu2 as-su-ha-am-ma a-na _kur_ asz-szur{ki}\n138. u2-ra-asz2-szu2 {disz}lugal-lu-da3-ri _dumu_ {disz}ru-kib-ti\n139. _lugal_-szu2-nu mah-ru-u2 _ugu un-mesz_ {iri}is-qa-al-lu-na\n140. asz2-kun-ma na-dan _gun_ kad3-re-e be-lu-ti-ia\n141. e-mid-su-u2-ma i-sza2-a-at, ab-sza2-a-ni\n142. i-na me-ti-iq ger-ri-ia {iri}e2-da-gan-na\n143. {iri}ia-ap-pu-u2 {iri}ba-na-a-a-bar-qa {iri}a-zu-ru\n144. _iri-mesz_-ni sza {disz}s,i-id-qa-a sza a-na _giri3-min_-ia ar2-hisz\n145. la ik-nu-szu2 al-me _kur_-ud asz2-lu-la szal-la-su-un\n146. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na\n147. sza {disz}pa-di-i _lugal_-szu2-nu _en_ a-de-e u3 ma-mit sza _kur_ asz-szur{ki}\n148. bi-re-tu _an-bar_ id-du-ma a-na {disz}ha-za-qi-a-u2\n149. {kur}ia-u2-da-a-a id-di-nu-szu2 nak-risz\n150. a-na an-zil-li i-pu-szu2 ip-lah3 lib-ba-szu2-un\n151. _lugal-mesz_ {kur}mu-s,u-ri _{lu2}erin2-mesz {gesz}pan {gesz}gigir-mesz_\n152. _ansze-kur-ra-mesz_ sza _lugal_ {kur}me-luh-ha e-mu-qi2 la ni-bi\n153. ik-te-ru-nim-ma il-li-ku re-s,u-su-un\n154. i-na ta-mir-ti {iri}al-ta-qu-u2 el-la-mu-u2-a\n155. si-id-ru szit-ku-nu u2-sza2-\u0027a-lu _{gesz}tukul-mesz_-szu2-un\n156. i-na tukul-ti {d}asz-szur _en_-ia it-ti-szu2-un\n157. am-da-hi-is,-ma asz2-ta-kan _bad5-bad5_-szu2-un\n158. {lu2}_en {gesz}gigir-mesz_ u3 _dumu-mesz lugal_ {kur}mu-s,u-ra-a-a\n159. a-di {lu2}_en {gesz}gigir-mesz_ sza _lugal_ {kur}me-luh-hi bal-t,u-su-un\n160. i-na _muru2_ tam-ha-ri ik-szu-da _szu-min_-a-a {iri}al-ta-qu-u2\n161. {iri}ta-am-na-a al-me _kur_-ud asz2-lu-la szal-la-su-un\n162. a-na {iri}am-qar-ru-na aq-rib-ma _{lu2}szagina-mesz {lu2}nun-mesz_\n163. sza hi-it,-t,u u2-szab-szu-u2 a-duk-ma i-na di-ma-a-ti\n164. si-hir-ti _iri_ a-lul pag-ri-szu2-un _dumu-mesz iri_ e-pisz an-ni\n165. u3 gil2-la-ti a-na szal-la-ti am-nu si-it-tu-te-szu2-nu\n166. la ba-bil hi-t,i-ti u3 gul-lul-ti sza a-ra-an-szu2-nu\n167. la ib-szu-u2 usz-szur-szu2-un aq-bi {disz}pa-di-i _lugal_-szu2-nu\n168. ul-tu qe2-reb {iri}ur-sa-li-im-mu u2-sze-s,a-am-ma\n169. i-na _{gesz}gu-za_ be-lu-ti _ugu_-szu2-un u2-sze-szib-ma\n170. man-da-at-tu be-lu-ti-ia u2-kin s,e-ru-usz-szu2\n171. u3 {disz}ha-za-qi-a-u2 {kur}ia-u2-da-a-a sza la ik-nu-szu2\n172. a-na ni-ri-ia 4(u) 6(disz) _iri-mesz_-szu2 dan-nu-ti _e2 bad3-mesz_-ni\n173. u3 _iri-mesz tur-mesz_ sza li-me-ti-szu2-nu sza ni-ba la i-szu-u2\n174. i-na szuk-bu-us a-ram-me u3 qit-ru-ub szu-pi-i\n175. mit-hu-us, zu-uk _giri3-min_ pil-szi nik-si u3 kal-ban-na-ti\n176. al-me _kur_-ud 2(disz) _me lim_ 1(disz) _me_ 5(u) _ug3-mesz tur gal nita_ u3 _munus_\n177. _ansze-kur-ra-mesz {ansze}kunga-mesz ansze-mesz ansze-gam-mal-mesz gu4-mesz_\n178. u3 s,e-e-ni sza la ni-bi ul-tu qer-bi-szu2-un\n179. u2-sze-s,a-am-ma szal-la-tisz am-nu sza2-a-szu2 _gim muszen_ qu-up-pi\n180. qe2-reb {iri}ur-sa-li-im-mu _iri lugal_-ti-szu2 e-sir2-szu2\n181. {iri}hal-s,u-_mesz_ ugu_-szu2 u2-rak-kis-ma a-s,e-e _ka2-gal iri_-szu2\n182. u2-ter-ra ik-ki-bu-usz _iri-mesz_-szu2 sza asz2-lu-la\n183. ul-tu qe2-reb _kur_-szu2 ab-tuq-ma a-na {disz}mi-ti-in-ti\n184. _lugal_ {iri}as-du-di {disz}pa-di-i _lugal_ {iri}am-qar-ru-na\n185. u3 {disz}gissu-en _lugal_ {iri}ha-zi-ti ad-din-ma u2-s,a-ah-hir _kur_-su\n186. e-li _gun_ mah-ri-ti na-dan szat-ti-szu2-un man-da-at-tu\n187. kad3-re-e be-lu-ti-ia u2-rad-di-ma u2-kin s,e-ru-usz-szu2-un\n188. szu-u2 {disz}ha-za-qi-a-u2 pul-hi me-lam-me be-lu-ti-ia\n189. is-hu-pu-szu2-ma {lu2}ur2-bi u3 _{lu2}erin2-mesz_-szu2 _saga-mesz_\n190. sza a-na dun-nu-un {iri}ur-sa-li-im-mu _iri lugal_-ti-szu2\n191. u2-sze-ri-bu-ma ir-szu-u2 til-la-a-ti it-ti 3(u) _gun ku3-sig17_\n192. 8(disz) _me gun ku3-babbar_ ni-siq-ti gu-uh-li tak2-kas3-si _{na4}an-za-gul-me gal-mesz_\n193. _{gesz}na2-mesz zu2 {gesz}gu-za-mesz_ ne2-me-di _zu2 kusz am-si zu2 am-si_\n194. _{gesz}esi {gesz}tug2_ mim-ma szum-szu2 ni-s,ir-tu ka-bit-tu2 u3 _dumu-munus-mesz_-szu2\n195. {munus}_ug3-mesz e2-gal_-szu2 _{lu2}nar-mesz_ {munus}_nar-mesz_ a-na qe2-reb nina{ki}\n196. _iri_ be-lu-ti-ia _egir_-ia u2-sze-bi-lam-ma a-na na-dan\n197. man-da-at-ti u3 e-pesz _ARAD2_-u2-ti isz-pu-ra rak-bu-szu2\n198. i-na 4(disz)-e ger-ri-ia {d}asz-szur be-li2 u2-tak-kil-an-ni-ma\n199. um-ma-na-te-ia gap-sza2-a-te ad-ke-ma a-na {kur}e2-{disz}ia-kin7\n200. a-la-ku aq-bi i-na me-ti-iq ger-ri-ia sza {disz}szu-zu-bi\n201. {lu2}kal-da3-a-a a-szib qe2-reb {i7}a-gam-me i-na {iri}bi-it-tu-tu\n202. asz2-ta-kan _bad5-bad5_-szu2 szu-u2 hur-ba-szu2 ta-ha-zi-ia _ugu_-szu2\n203. im-qut-ma it-ru-ku lib-bu-szu2 ki-ma\n204. az-za-ri e-disz ip-par-szid-ma ul in-na-mir a-szar-szu2\n205. pa-an ni-ri-ia u2-ter-ma a-na {kur}e2-{disz}ia-kin7\n206. as,-s,a-bat har-ra-nu szu-u2 {disz}{d}marduk-ibila-szum2-na\n207. sza i-na a-lak ger-ri-ia mah-re-e _bad5-bad5_-szu2 asz2-ku-nu-ma\n208. u2-par-ri-ru el-lat-su ri-gim _{gesz}tukul-mesz_-ia dan-nu-ti\n209. u3 ti-ib ta-ha-zi-ia ez-zi e-dur-ma _dingir-mesz_ ma-rak _kur_-szu2\n210. i-na _ki-tusz_-szu2-nu id-ke-ma qe2-reb _{gesz}ma2-mesz_ u2-szar-kib-ma\n211. a-na {iri}na-gi-te-raq-qi2 sza qa-bal tam-tim is,-s,u-risz\n212. ip-pa-risz _szesz-mesz_-szu2 _numun e2 ad_-szu2 sza u2-masz-szi-ru a-hi tam-tim\n213. a-di si-it-ti _ug3-mesz kur_-szu2 ul-tu {kur}e2-{disz}ia-kin7\n214. qe2-reb {i7}a-gam-me u ap-pa-ra-a-te u2-sze-s,a-am-ma\n215. szal-la-tisz am-nu u2-ter-ma _iri-mesz_-szu2 ap-pul aq-qur\n216. u2-sze-me kar-mesz _ugu en_ sa-li-me-szu2 _lugal_ {kur}elam-ma{ki}\n217. na-mur-ra-tum at-bu-uk i-na ta-a-a-ar-ti-ia\n218. {disz}{d}asz-szur-na-din-mu _dumu_ resz-tu-u2 tar-bit bir-ki-ia\n219. i-na _{gesz}gu-za_ be-lu-ti-szu2 u2-sze-szib-ma\n220. _dagal_-tum _kur eme-gi7_ u uri{ki} u2-szad-gil pa-nu-usz-szu2\n221. i-na 5(disz) ger-ri-ia ba-hu-la-ti {iri}tu-mur-ri\n222. {iri}sza2-ru-um {iri}e-za-ma {iri}kib-szu2 {iri}hal-bu-da {iri}qu-u2-a\n223. {iri}qa-na sza _gim_ qin-ni _ti8_{muszen} a-sza2-red _muszen hi-a_\n224. s,e-er zuq-ti {kur}ni-pur _kur_-i mar-s,i szu-bat-su-un\n225. szit-ku-na-at-ma la kit-nu-szu2 a-na ni-i-ri\n226. i-na _giri3-min_ {kur}ni-pur ka-ra-szi u2-sza2-asz2-kin-ma\n227. it-ti {lu2}qur-bu-ti _giri3-min_-ia na-as-qu-u2-ti\n228. u3 _{lu2}erin2-mesz_ ta-ha-zi-ia la ga-me-lu-ti\n229. a-na-ku _gin7 am_ ek-di pa-nu-usz-szu2-un as,-bat\n230. hur-ri na-hal-li na-at-bak szad-di-i me-le-e\n231. mar-s,u-ti i-na _{gesz}gu-za_ asz2-ta-am-di-ih\n232. a-szar a-na _{gesz}gu-za_ szup-szu-qu i-na _giri3-min_-ia asz2-tah-hi-it,\n233. _gim_ ar-me a-na zuq-ti sza2-qu-ti s,e-ru-usz-szu2-un\n234. e-li a-szar bir-ka-a-a ma-na-ah-tu i-sza2-a s,e-er _na4 kur_-i u2-szib-ma\n235. _a-mesz_ {kusz}na-a-di ka-s,u-te a-na s,u-um-me-ia lu asz2-ti\n236. i-na _szu-si-mesz_ hur-sza2-a-ni ar-de-szu2-nu-ti-ma asz2-ta-kan\n237. tah-ta-szu2-un _iri-mesz_-szu2-nu _kur_-ud-ma asz2-lu-la szal-la-sun2\n238. ap-pul aq-qur i-na {d}gesz-bar aq-mu pa-an ni-ri-ia\n239. u2-ter-ma s,e-er {disz}ma-ni-ia-e _lugal_ {iri}uk-ki\n240. szad-da-a-a-e la kan-sze as,-s,a-bat har-ra-nu\n241. ur-hi la pe-tu-ti t,u-u2-di pa-asz2-qu-u2-ti\n242. sza la-pa-an _kur-mesz_ mar-s,u-ti ul-la-nu-u2-a\n243. qe2-reb-szu2-un ma-am-man la il-li-ku _lugal-mesz_ pa-ni mah-ru-ti\n244. i-na _giri3-min_ {kur}a-na-ra u3 {kur}up-pa _kur-mesz_-e dan-nu-ti\n245. _karasz_ u2-sza2-asz2-kin-ma a-na-ku i-na _{gesz}gu-za_ ne2-me-di\n246. it-ti _{lu2}erim-mesz_ ta-ha-zi-ia git2-ma-lu-u2-ti\n247. i-na ne-re-bi-szu2-un pi-qu-ti szu-nu-hi-isz e-ru-um-ma\n248. mar-s,i-isz e-te-el-la-a _szu-si-mesz kur_-i pa-asz2-qa-a-ti\n249. szu-u2 {disz}ma-ni-ia-e tur-bu-u\u0027 _giri3-min erin2 hi-a_-ia e-mur-ma\n250. {iri}uk-ku _iri lugal_-ti-szu2 e-zib-ma a-na ru-qe2-ti in-na-bit\n251. {iri}uk-ku al-me _kur_-ud asz2-lu-la szal-la-su\n252. mim-ma szum-szu _nig2-szu nig2-gur11_ ni-s,ir-ti _e2-gal_-szu2\n253. ul-tu qer-be2-e-szu u2-sze-s,a-am-ma szal-la-ti-isz am-nu\n254. u3 3(u) 3(disz) _iri-mesz_-ni sza pa-a-t,i na-gi-szu2 ak-szud{ud}-ma\n255. _ug3-mesz ansze-mesz gu4-mesz_ u3 s,e-e-ni ul-tu qer-bi-szu2-un\n256. asz2-lu-la ap-pu-ul aq-qur i-na {d}gesz-bar aq-mu\n257. i-na 6(disz) ger-ri-ia si-it-ti _ug3-mesz_ {kur}e2-{disz}ia-kin7\n258. sza la-pa-an _{gesz}tukul-mesz_-ia dan-nu-ti _gin7_ ser2-re-me ig-ru-ru\n259. _dingir-mesz_ ma-rak _kur_-szu2-un i-na szub-ti-szu2-nu id-ku-ma\n260. tam-tim _gal_-tum sza s,i-it {d}utu-szi e-bi-ru-ma\n261. i-na {iri}na-gi-ti sza {kur}elam-ma{ki} id-du-u2 szu-bat-sun2\n262. i-na _{gesz}ma2-mesz_ {kur}hat-ti tam-tim lu e-bir {iri}na-gi-tu\n263. {iri}na-gi-tu-di-i\u0027-bi-na a-di {kur}hi-il-mu {kur}pil-la-tu2\n264. u3 {kur}hu-pa-pa-nu na-ge-e sza {kur}_elam-ma{ki} kur_-ud\n265. _ug3-mesz_ {kur}e2-{disz}ia-kin7 a-di _dingir-mesz_-szu2-nu u3 _ug3-mesz_\n266. sza _lugal_ {kur}elam-ma{ki} asz2-lu-lam-ma la e-zi-ba mul-tah-t,u\n267. qe2-reb _{gesz}ma2-mesz_ u2-szar-kib-ma a-na a-ha-an-na-a\n268. u2-sze-bi-ram-ma u2-sza2-as,-bi-ta har-ra-an _kur_ asz-szur{ki}\n269. _iri-mesz_-ni sza qe2-reb na-ge-e sza2-tu-nu ap-pul aq-qur\n270. i-na {d}gesz-bar aq-mu a-na _du6_ u3 kar-me u2-ter\n271. i-na ta-a-a-ar-ti-ia {disz}szu-zu-bu _dumu_ babila2{ki}\n272. sza i-na e-szi-ti _kur_ be-lu-ut _kur eme-gi7_ u3 uri{ki}\n273. ra-ma-nu-usz u2-ter-ru i-na ta-ha-az _edin bad5-bad5_-szu2 asz2-kun\n274. bal-t,u-su i-na _szu-min_ as,-bat-su szum-man-nu u3 bi-re-tu2 _an-bar_\n275. ad-di-szu-ma a-na _kur_ asz-szur{ki} u2-ra-asz2-szu2 _lugal_ {kur}elam-ma{ki}\n276. sza _a2-min_-szu2 is-hu-ru-ma il-li-ku re-s,u-su _bad5-bad5_-szu2 asz2-kun\n277. _illat-mesz_-szu2 u2-sap-pi-ih-ma u2-par-ri-ir pu-hur-szu2\n278. i-na 7(disz)-e ger-ri-ia {d}asz-szur be-li2 u2-tak-kil-an-ni-ma\n279. a-na {kur}e-lam-ti lu al-lik {iri}e2-{disz}ha-\u0027i-i-ri {iri}ra-s,a-a\n280. _iri-mesz_-ni sza mi-s,ir _kur_ asz-szur{ki} sza i-na tar-s,i _ad_-ia\n281. e-la-mu-u2 e-ki-mu da-na-nisz i-na me-ti-iq ger-ri-ia\n282. ak-szud{ud}-ma asz2-lu-la szal-la-sun2 _{lu2}erin2-mesz_ szu-lu-ti-ia\n283. u2-sze-rib qe2-reb-szu2-un a-na mi-s,ir _kur_ asz-szur{ki} u2-ter-ram-ma\n284. _szu-min {lu2}gal_ {iri}hal-s,u bad3-an{ki} am-nu {iri}bu-be2-e\n285. {iri}dun-ni-{d}utu {iri}e2-ri-si-ia {iri}_e2_-ah-la-me-e\n286. {iri}du-ru {iri}dan-nat-{disz}su-la-a-a {iri}szi-li-ib-tu\n287. {iri}_e2_-a-s,u-si {iri}kar-_numun-ba_-sza2 {iri}_e2_-gi-is,-s,i\n288. {iri}e2-{disz}kat3-pa-la-ni {iri}_e2_-im-bi-ia {iri}ha-ma-a-nu\n289. {iri}e2-ar-ra-bi {iri}bu-ru-tu {iri}di-in-tu-sza-{disz}su-la-a-a\n290. {iri}di-in-tu-sza2-{disz}{d}dumu-e2-kar-ir {iri}har-ri-asz2-la-ke-e\n291. {iri}rab-ba-a-a {iri}ra-a-su {iri}ak-ka-ba-ri-na\n292. {iri}du6-u2-hu-ri {iri}ha-am-ra-nu {iri}na-di-i-tu\n293. a-di _iri-mesz_-ni sza ne2-re-bi sza {iri}e2-bu-na-ki\n294. {iri}du6-hu-um-bi {iri}di-in-tu-sza-{disz}du-me-_dingir_\n295. {iri}e2-u2-bi-ia {iri}bal-ti-li-szir {iri}ta-qab-li-szir\n296. {iri}sza-na-qi-da-a-ti {iri}ma-su-tu2-szap-li-ti\n297. {iri}sa-ar-hu-de-e-ri {iri}a-lum-sza-{disz}_gaszan-e2_\n298. {iri}e2-{disz}pap-mesz-szum2-na {iri}il-te-u2-ba\n299. 3(u) 4(disz) _iri-mesz_ dan-nu-ti a-di _iri-mesz tur-mesz_ sza li-me-ti-szu2-nu\n300. sza ni-ba la i-szu-u2 al-me _kur_-ud asz2-lu-la szal-la-sun2\n301. ap-pul aq-qur i-na {d}gesz-bar aq-mu qu-tur na-aq-mu-ti-szu2-nu\n302. _gin7 muru9_ kab-ti pa-an _an_-e rap-szu-ti u2-szak-ti-im\n303. isz-me-ma ki-szit-ti _iri-mesz_-szu2 {disz}ku-dur-{d}na-hu-un-du\n304. e-la-mu-u2 im-qut-su hat-tum si-it-ti _iri-mesz_-szu2\n305. a-na dan-na-ti u2-sze-rib szu-u2 {iri}ma-dak-ti\n306. _iri lugal_-ti-szu2 e-zib-ma a-na {iri}ha-i-da-la\n307. sza qe2-reb szad-di-i _su3-mesz_ is,-s,a-bat har-ra-nu\n308. a-na {iri}ma-dak-ti _iri lugal_-ti-szu2 a-la-ku aq-bi\n309. {iti}tam-hi-ri _en-te-na_ dan-nu e-ru-ba-am-ma\n310. sza2-mu-tum ma-at-tum u2-sza2-az-ni-na _szeg3-mesz_-sza2\n311. _szeg3-mesz_ u3 szal-gu na-ah-lu na-at-bak _kur_-i a-du-ra\n312. pa-an ni-ri-ia u2-ter-ma a-na nina{ki} as,-s,a-bat har-ra-nu\n313. i-na u4-me-szu-ma i-na qi2-bit {d}asz-szur _en_-ia {disz}nig2-du-{d}na-hu-un-du\n314. _lugal_ {kur}elam-ma{ki} 3(disz) _iti-mesz_ ul u2-ma-al-li-ma\n315. i-na u4-um la _nam_-szu2 ur-ru-hi-isz im-tu-ut\n316. _egir_-szu2 {disz}um-ma-an-me-na-nu la ra-asz2 t,e3-me u3 mil-ki\n317. _szesz_-szu2 dup-pu-us-su-u2 i-na _{gesz}gu-za_-szu2 u2-szib-ma\n318. i-na 8(disz)-e ger-ri-ia _egir_ {disz}szu-zu-bi is-se-hu-ma\n319. _dumu-mesz babila2{ki} gal5-la2-mesz_ lem-nu-ti _ka2-gal-mesz iri_\n320. u2-di-lu ik-pu-ud lib-ba-szu2-nu a-na e-pesz _{gesz}la2_\n321. {disz}szu-zu-bu {lu2}kal-da3-a-a et,-lum dun-na-mu-u2\n322. sza la i-szu-u2 bir-ki _ARAD2_ da-gil2 pa-an _{lu2}en-nam_ {iri}la-hi-ri\n323. {lu2}a-ra-me hal-qu mun-nab-tu a-mir da-me hab-bi-lu\n324. s,e-ru-usz-szu2 ip-hu-ru-ma qe2-reb {i7}a-gam-me u2-ri-du-ma\n325. u2-szab-szu-u2 si-hu a-na-ku ni-tum al-me-szu-ma\n326. nap-sza2-tusz u2-si-qa la-pa-an hat-ti u3 ne2-eb-re-ti\n327. a-na {kur}elam-ma{ki} in-na-bit ki-i ri-kil-ti u3 gil2-la-ti\n328. s,e-ru-usz-szu2 ba-szi-i ul-tu {kur}elam-ma{ki} i-hi-szam-ma\n329. qe2-reb szu-an-na{ki} e-ru-ub _{lu2}babila2{ki}-mesz_\n330. a-na la si-ma-ti-szu2 i-na _{gesz}gu-za_ u2-sze-szi-bu-szu\n331. be-lu-ut _kur eme-gi7_ u3 uri{ki} u2-szad-gi-lu pa-ni-szu2\n332. _e2 nig2-gur11_ sza e2-sag-il2 ip-tu-ma _ku3-sig17 ku3-babbar_\n333. sza {d}en {d}zar-pa-ni-tum _nig2-szu e2 dingir-mesz_-szu2-nu u2-sze-s,u-ni\n334. a-na {disz}um-ma-an-me-na-nu _lugal_ {kur}elam-ma{ki} sza la i-szu-u2\n335. t,e3-e-mu u3 mil-ku u2-sze-bi-lu-usz t,a-a\u0027-tu\n336. pu-uh-hi-ir um-man-ka di-ka-a _karasz_-ka a-na babila2{ki}\n337. hi-szam-ma i-da-a-ni i-zi-iz-ma tu-kul-ta-ni lu at-ta\n338. szu-u2 {lu2}elam-ma{ki}-u2 sza i-na a-lak ger-ri-ia\n339. mah-ri-ti sza {kur}_elam-ma{ki} iri-mesz_-szu2 ak-szud-du-ma\n340. u2-ter-ru a-na kar-me lib-bu-usz ul ih-su-us\n341. t,a-a\u0027-tu2 im-hur-szu2-nu-ti-ma _erin2 hi-a_-szu2 _karasz_-su\n342. u2-pa-hir-ma _{gesz}gigir-mesz_ {gesz}s,u-um-bi e-szu-ra\n343. _ansze-kur-ra-mesz {ansze}kunga-mesz_ is-ni-qa s,i-in-di-szu2\n344. {kur}par-su-asz2 {kur}an-za-an {kur}pa-szi-ru {kur}el-li-pi\n345. {lu2}ia-as-il3 {lu2}la-kab-ra {lu2}ha-ar-zu-nu\n346. {iri}du-um-mu-qu {iri}su-la-a {iri}sa-am-u2-na\n347. _dumu_ {disz}{d}marduk-ibila-szum2-na {kur}e2-{disz}a-di-ni {kur}e2-{disz}a-muk-ka-na\n348. {kur}e2-{disz}szil-la-na {kur}e2-{disz}sa-a-la ud-ud-ag{ki} {iri}la-hi-ru\n349. {lu2}pu-qu-du {lu2}gam-bu-lum {lu2}ha-la-tu {lu2}ru-\u0027u-u2-a\n350. {lu2}u2-bu-lu {lu2}ma-la-hu {lu2}ra-pi-qu {lu2}hi-in-da-ru\n351. {lu2}da-mu-nu kit-ru _gal_-u2 ik-te-ra it-ti-szu2\n352. gi-ip-szu-us-su-un u2-ru-uh _kur_ uri{ki}\n353. is,-ba-tu-nim-ma a-na babila2{ki} te-bu-u2-ni\n354. a-di {disz}szu-zu-bi {lu2}kal-da3-a-a _lugal_ babila2{ki}\n355. a-na a-ha-mesz iq-ru-bu-ma pu-hur-szu2-nu in-nen-du\n356. ki-ma ti-bu-ut a-ri-bi ma-a\u0027-di sza pa-an szat-ti\n357. mit-ha-risz a-na e-pesz tuq-ma-ti te-bu-ni s,e-ru-u2-a\n358. _sahar-hi-a giri3-min_-szu2-nu _gin7 muru9_ kab-ti sza dun-ni e-ri-ia-ti\n359. pa-an _an_-e rap-szu-ti ka-ti-im el-la-mu-u2-a\n360. i-na {iri}ha-lu-le-e i-na ki-szad {i7}idigna szit-ku-nu si-dir-ta\n361. pa-an masz-qi2-ia s,ab-tu-ma u2-sza2-\u0027a-lu _{gesz}tukul-mesz_-szu2-un\n362. a-na-ku a-na {d}asz-szur {d}3(u) {d}utu {d}en {d}muati {d}u-gur\n363. {d}inanna sza nina{ki} {d}inanna sza {iri}limmu2-dingir _dingir-mesz_ ti-ik-li-ia\n364. a-na ka-sza2-di _{lu2}kur2_ dan-ni am-hur-szu2-nu-ti-ma\n365. su-pe-e-a ur-ru-hi-isz isz-mu-u2 il-li-ku re-s,u-ti\n366. la-ab-bisz an-na-dir-ma at-tal-bi-sza2 si-ri-ia-am\n367. hu-li-ia-am si-mat s,i-il-ti a-pi-ra ra-szu-u2-a\n368. i-na _{gesz}gigir_ ta-ha-zi-ia s,ir-ti sa-pi-na-at za-\u0027i-i-ri\n369. i-na ug-gat lib-bi-ia ar-ta-kab ha-an-t,isz\n370. _{gesz}pan_ dan-na-tum sza {d}asz-szur u2-szat-li-ma i-na _szu-min_-ia as,-bat\n371. {gesz}szil-ta-hu pa-ri-i\u0027 nap-sza2-ti at-muh rit-tu-u2-a\n372. s,e-er gi-mir um-ma-na-ti na-ki-ri lem-nu-ti\n373. u4-mi3-isz s,ar-pisz al-sa-a _gin7_ {d}iszkur asz2-gu-um\n374. i-na qi2-bit {d}asz-szur _en gal en_-ia a-na szid-di u3 pu-ti\n375. ki-ma ti-ib me-he-e szam-ri a-na _{lu2}kur2_ a-zi-iq\n376. i-na _{gesz}tukul-mesz_ {d}asz-szur _en_-ia u3 ti-ib ta-ha-zi-ia ez-zi\n377. i-rat-su-un a-ne2-e\u0027-ma suh-hur-ta-szu2-nu asz2-kun\n378. _erin2 hi-a_ na-ki-ri i-na us,-s,i mul-mul-li u2-sza2-qir-ma\n379. gi-mir _adda-mesz_-szu2-nu u2-pal-li-sza2 _ud_-zi-zi-isz\n380. {disz}{d}hu-um-ba-an-un-da-sza2 {lu2}tur-ta-nu-szu2 et,-lu pit-qu-du\n381. mu-ma-\u0027e-er um-ma-ni-szu2 tu-kul-ta-szu2 _gal_-u2\n382. a-di _{lu2}gal-mesz_-szu2 sza _gir2_ szib-bi _ku3-sig17_ szit-ku-nu\n383. u3 i-na _har-mesz_ as-pi _ku3-sig17_ ru-usz-szi-i\n384. ruk-ku-sa rit-ti-szu2-un ki-ma szu-u2-ri ma-ru-ti\n385. sza na-du-u2 szum-man-nu ur-ru-hi-isz u2-pal-liq-szu2-nu-ti-ma\n386. asz2-ku-na tah-ta-szu2-un ki-sza2-da-te-szu2-nu u2-na-kis as-li-isz\n387. aq-ra-ti nap-sza2-te-szu2-nu u2-par-ri-i\u0027 qu3-u\u00273-isz\n388. _gin7 illu_ gap-szi sza sza2-mu-tum si-ma-ni u3-mun-ni-szu2-nu\n389. u2-szar-da-a s,e-er er-s,e-ti sza2-di-il-ti\n390. la-as-mu-ti mur-ni-is-qi s,i-mit-ti ru-ku-bi-ia\n391. i-na da-me-szu2-nu gap-szu-ti i-szal-lu-u2 {d}i7-isz\n392. sza _{gesz}gigir_ ta-ha-zi-ia sa-pi-na-at rag-gi u3 s,e-ni\n393. da-mu u3 par-szu2 ri-it-mu-ku ma-gar-ru-usz\n394. pag-ri qu-ra-di-szu2-nu ki-ma ur-qi2-ti u2-mal-la-a _edin_\n395. sa-ap-sa-pa-ti u2-na-kis-ma bal-ta-szu2-un a-bu-ut\n396. ki-ma bi-ni qisz-sze-e si-ma-ni u2-na-kis qa-ti-szu2-un\n397. _har-mesz_ as-pi _ku3-sig17 ki-sag_ eb-bi sza2 rit-ti-szu2-nu am-hur\n398. i-na nam-s,a-ri zaq-tu-ti hu-s,a-an-ni-szu2-nu u2-par-ri-i\u0027\n399. _gir2-mesz_ szib-bi _ku3-sig17 ku3-babbar_ sza2 _muru2-mesz_-szu2-nu e-kim\n400. si-it-ti _{lu2}gal-mesz_-szu2 sza la-pa-an ta-ha-zi-ia\n401. ip-la-hu id-ku-u2 i-da-szu2-un bal-t,u-su-nu\n402. i-na _muru2_ tam-ha-ri it-mu-ha _szu-min_-a-a _{gesz}gigir-mesz_\n403. a-di _ansze-kur-ra-mesz_-szi-na sza i-na qit-ru-ub ta-ha-zi dan-ni\n404. ra-ki-bu-szi-in de-ku-u2-ma u3 szi-na musz-szu-ra-ma\n405. ra-ma-nu-usz-szin it-ta-na-al-la-ka mit-ha-risz u2-ter-ra\n406. a-di 2(disz) _danna ge6_ il-li-ku da-ak-szu2-nu ap-ru-us\n407. szu-u2 {disz}um-ma-an-me-na-nu _lugal_ {kur}elam-ma{ki} a-di _lugal_ babila2{ki}\n408. {lu2}na-sik-ka-ni sza {kur}kal-di a-li-kut _a2-min_-szu2\n409. hur-ba-szu2 ta-ha-zi-ia ki-ma-le-e zu-mur-szu2-un is-hu-up\n410. {gesz}za-ra-ti-szu2-un u2-masz-sze-ru-ma a-na szu-zu-ub _zi-mesz_-szu2-nu\n411. pag-ri _erin2 hi-a_-szu2-nu u2-da-\u0027i-i-szu2 e-ti-qu\n412. ki-i sza at-mi _tu_{muszen} kusz-szu-di i-tar-ra-ku lib-bu-szu2-un\n413. szi-na-te-szu2-un u2-s,a-ar-ra-pu qe2-reb _{gesz}gigir-mesz_-szu2-nu\n414. u2-masz-sze-ru-ni zu-szu2-un a-na ra-da-di-szu2-nu\n415. _{gesz}gigir-mesz ansze-kur-ra-mesz_-ia u2-ma-\u0027e-er ar-ki-szu2-un\n416. mun-na-rib-szu2-nu sza a-na nap-sza2-a-ti u2-s,u-u2\n417. a-szar i-kasz-sza2-du u2-ra-sa-bu i-na _{gesz}tukul_\n418. i-na u4-me-szu-ma _e2-gal_ ku-tal-li sza nina{ki}\n419. sza a-na szu-te-szur ka-ra-szi pa-qad _ansze-kur-ra-mesz_\n420. sa-na-qi2 mim-ma szum-szu2 sza _lugal-mesz_-ni a-li-kut mah-ri\n421. _ad-mesz_-ia u2-sze-pi-szu2-ma tam-lu-sza2 la ib-szi-ma\n422. s,u-uh-hu-rat szu-bat-sa la-ba-risz _u4-mesz_ tem-me-en-sza2\n423. e-nisz-ma isz-da-a-sza2 ir-ma-a i-qu-pa re-sza2-a-sza2\n424. _e2-gal_ sza2-a-tu a-na si-hi-ir-ti-sza2 aq-qur\n425. ki-ma a-tar-tim-ma qaq-qa-ru ma-a\u0027-du ul-tu qe2-reb u2-szal-li\n426. u3 ta-mir-ti _iri_ as,-ba-ta i-na muh-hi usz-rad-di\n427. qaq-qar _e2-gal_ mah-ri-ti e-zib-ma i-na qaq-qa-ri\n428. sza ul-tu qe2-reb u2-szal-li as,-ba-ta tam-la-a usz-mal-li\n429. 2(disz) _me_ ti-ib-ki a-na e-la-ni u2-szaq-qi2 re-e-su\n430. i-na _iti_ sze-me-e u4-mu mit-ga-ri s,e-er tam-le-e szu-a-tu\n431. _e2-gal_ ra-bi-tum sza s,e-er mah-ri-ti ma-a\u0027-disz szu-tu-rat\n432. a-na mu-szab _lugal_-ti-ia u2-sze-pisz _gesz-ur3-mesz_ {gesz}ere-ni\n433. s,i-ru-ti u2-szat-ri-s,a e-li-sza2 _{gesz}ig-mesz_ {gesz}li-ia-ri\n434. me-ser _uruda_ nam-ri u2-rak-kis-ma u2-rat-ta-a _ka2-mesz_-sza2\n435. {na4}pi-i-lu pe-s,u-u2 sza i-na er-s,e-et {iri}ba-la-t,a-a-a\n436. in-nam-ru _{d}alad-{d}lamma_ u2-sze-pisz-ma im-na\n437. u3 szu-me-la u2-sza2-as,-bi-ta si-ga-ar-sza2\n438. _e2-gal_ sza2-a-tu ul-tu usz-sze-sza2 a-di na-bur-ri-sza2\n439. ar-s,ip u2-szak-lil _mu-sar_-e szi-t,ir szu-me-ia\n440. i-na qer-bi-sza2 asz2-kun a-na ar2-kat3 _u4-mesz_ i-na _lugal-mesz_-ni\n441. _dumu-mesz_-ia sza {d}asz-szur u3 {d}isz-tar a-na _re-e2-um kur_ u3\n442. _ug3-mesz_ i-nam-bu-u2 zi-kir-szu2 e-nu-ma _e2-gal_ sza2-a-tu\n443. i-lab-bi-ru-ma en-na-hu _nun_ ar-ku-u2 an-hu-sa lu-ud-disz\n444. _mu-sar_-e szi-t,ir _mu_-ia li-mur-ma _i3-gesz_ lip-szu-usz\n445. _{udu}siskur_ liq-qi2 a-na asz2-ri-szu2 lu-ter\n446. {d}asz-szur u3 {d}isz-tar ik-ri-bi-szu2 i-szem-mu-u\n447. {iti}x-x _u4 n-kam?_ li-mu {disz}en-igi-an-ni\n448. _{lu2}en-nam_ {iri}gar-ga-misz\n\n\n","is_atf2conll_diff_resolved":true,"is_latest":true}}]