object cone
surface a
1. {d}nergal en mah
2. usu gal tuku
3. ni2 me-lam2 szu du7
4. sag-kal kur gu2-erim2 su hul di
5. ki-bala zar-re-esz du8
6. dingir-ra-ni-ir
7. ri-im-{d}suen
8. nun ni2-tuku nibru{ki}
9. u2-a uri5{ki}-ma
10. lugal larsa{ki}-ma
11. lugal ki-en-gi ki-uri-ke4
12. e2-erim2-hasz-hasz
13. ki-tusz nam-ur-sag-ga2-ka-ni
14. tusz-u3-de3 ba-ab-du7-a
15. nam-ti-la-ni-sze3
16. u3 nam-ti
17. ku-du-ur-ma-bu-uk
18. a-a-ugu-na-sze3
19. u4 su3-ra2-se3 mu-du3
20. ur5-sze3-am3
21. {d}nergal
22. dingir sag du-ga-na
23. igi zalag u3-mu-un-szi-in-bar
24. ki me3-ka
25. a2 zi-da-na
26. he2-en-da-ab-ri
27. kur nig2 bala-a-na
28. szu-ne2 sa2 he2-eb2-be2