RINAP 5/2, Ashurbanipal 207 ex. 002 (P394596)

tablet
obverse
  beginning broken
1'. [...] _lugal# kur_ [...]
2'. [...]-pesz mal#-[x]-u2#?-[...]
3'. [...] na#-ki-ri# a#-na kun-nu-szi u2#-[...]
4'. [...]-it# _{d}utu_-szi u e-reb _{d#}utu_-szi il-lik-u2-nim-ma u2#-[x]-asz2-szi-qu# [...]
5'. [x x]-qu#-u2 ba-lu _dingir-mesz_ a-na e-kem {kur}mu-s,ur usz-tam-s,a-a# a#-na _da#_ [...]
6'. [x]-na-an an-szar2 _en_-ia e-mi3-isz-ma it-ta-kil a-na e-muq# ra-ma-ni#-[x]
7'. [x]-szet# ma-ru-usz-tu2 sza _ad_ ba-nu-u-a e-pu-szu2-usz ul ib-bal#-kit ina lib3#-bi#-[x]
8'. [x]-li-kam2-ma qe2-reb {iri}me-em-pi e-ru#-um-ma _iri_ szu#-a-tu u2-ter# ra-ma-nu-usz#
9'. [x]-li _ug3-mesz kur_ asz-szur{ki} sza qe2-reb {kur}mu-s,ur _ARAD-mesz_-ni da#-gil2 pa-ni-ia#
10'. [x x] asz-szur-pap-asz _lugal kur_ asz-szur{ki} _ad_ ba-nu-u2-a a-na _lugal_-u2-ti# ip-qi2-du ina lib3-bi#
11'. [x x] da-a-ki ha-ba-a-te sza2-la-a-li u2-ma-'e-e#-ra um-man-szu2
12'. al#-la-ku ha-an-t,u ina qe2-reb# nina{ki} il-li-kam-ma u2-sza2-an-na#-a ia-a-szi
13'. e-li ep-sze-e-ti an-na-a-ti lib3-bi i-gu-ug-ma is,-s,a-ri-ih# ka-bat-ti
14'. al-si-ma {lu2}tur-tan _{lu2}nam-mesz_ a-di _erin2-mesz szu-min_-szu2-nu e-mu-qi2-ia _mah#-mesz_
15'. a-na na-ra-ru-ti ha-mat _lugal-mesz {lu2}nam-mesz ARAD-mesz_-ni da-gil2 [x x]-ia
16'. ur#-ru#-hisz t,e3-e-mu asz2-kun-szu2-nu-ti har-ra-an {kur#}mu-s,ur u2-sza2-asz2-ki-na [...]
17'. szam#-risz ha-an-t,isz ir-du-u2 il-li-ku a-di {iri}kar-ba-ni#-[x]
18'. {disz}tar-qu-u2 _man_ {kur}ku-u-si sza a-lak _erin2-hi-a_-ia qe2-reb {iri}me-em-pi isz-me-[x]
19'. a-na e-pesz _muru2 {gesz}tukul edin# erin2-hi-a_-szu2 id-ka-a is-di-ra me2-eh-ret _erin2-hi-a#_-[x]
20'. ina tu-kul-ti an-szar2 {d}sin _dingir-mesz gal-mesz en-mesz_-ia a-lik i-di-[x]
21'. ina _me3 edin# bad5-bad5_-szu2 isz-ku-nu# _erin2-mesz_ tuk-la-ti-szu2 u2-ra-as-si-bu ina {gesz#}[x]
22'. sza2-a-szu hat-tu pu-luh-tu im-qut-su-ma il-li-ku mah-hu#-[x]
23'. ul-tu {iri}me-em-pi _iri lugal_-ti-szu2 a-szar tu-kul-ti-szu2 us,-s,i#-[x]
24'. a-na szu-zu-ub na-pisz-ti-szu2 qe2-reb _{gesz}ma2_ ir-kab#-[x]
25'. _karasz#_-su u2-masz-szir3-ma e-disz ip-par-szid-ma qe2-reb {iri}ni-i' e-[x x]
26'. _{gesz#}ma2-mesz_ qa-ra-bi ma-la it-ti-szu2 _erin2-mesz me3_-szu2 u2-s,ab-bi-tu2 [...]
27'. _{lu2}a kin_ pu-us-su-rat ha-de-e sza a-tam-ra iq-ba-a ia#-[x x]
28'. _{lu2#}gal sag {lu2}nam-mesz lugal-mesz_ e-ber _id2 ARAD-mesz_ da-gil2 pa-ni-ia# [...]
29'. [x]-di e-mu-qi2-szu2-nu _{gesz}ma2-mesz#_-szu2#-[x]
30'. _[x]-mesz#_ {kur}mu-s,ur _ARAD-mesz_ da-gil2 pa-ni-ia a-di e-mu-qi-szu2-nu# _{gesz#}ma2-mesz_-szu2-nu
31'. [x x] hul#-lu-uq {disz}tar-qu-u2 ul-tu qe2-reb {kur}mu-s,ur {kur#}ku-u-si
32'. [x] e#-mu-qi2-ia# mah-ra-a-ti u2-rad-di-ma asz2-pur
33'. [x]-na {iri}ni#-i' _iri_ dan#-nu-ti {disz}tar-qu-u2 _man_ {kur}ku-u-si il-li-ku ma#-lak _iti_ 1(u) u4-me
34'. {disz}tar-qu-u2 sza a-lak _erin2-hi-a_-ia isz-me-ma# {iri#}ni#-i'# _iri#_ dan-nu-ti-szu2# u2-masz-szir3-ma
35'. {i7}ia-ru#-'u-u2 e-bir-[x] a-he-en-na-a isz#-ku#-na ma-dak-tu2
36'. {disz}ni-ik-ku-u2 {disz}lugal-lu#-da3-ri {disz}pa-aq-ru-ru# _[x]-mesz_ sza2 qe2-reb {kur}mu#-s,ur isz#-ku-nu _ad_ ba-nu-u-a
37'. a-de-e an-szar2 u _dingir-mesz gal-mesz en-mesz_-ia# [x]-ti#-qu-ma ip-ru#-s,u# ma-mit-sun2
38'. _du10#-ga_-ti _ad_ ba-ni-ia im-szu-ma lib3#-ba-szu2-nu ik-pu#-ud# _hul_-tum
39'. da#-bab-ti sur-ra-a-ti id-bu-bu-ma [x]-lik# la ku-sziri4 im#-[x x] ra#-man-szu2-un
40'. um#-ma {disz}tar-qu#-u2 ul-tu qe2-reb {kur}mu-s,ur# [...]-u2#-ma at-tu#-[...]-ba#-ni mi-i-nu
41'. e#-li {disz}tar-qu-u2 _man_ {kur}ku-u-si a-na sza2-kan# [...]-e#-ru {lu2}rak-be2-szu2-un
42'. um#-ma su-lum-mu-u2 ina bi-ri-ni lisz-[...]-ga#-ra a-ha-mesz
43'. _kur#_ a-he-en-na-a ni-zu-uz#-ma# [...]-ri#-ni sza2-nu-um-ma be-lum
44'. sza# _erin2-hi-a kur_ asz-szur gap-sza2-a-ti# e#-[...]-'u#-u2 a-mat _hul_-tim
45'. [x x] na#-kas na-pisz-ti-szu2-un# ik#-[...]-lu#-qu a-di la ba-sze-e
46'. [...] _sag#-mesz_-ia a-ma-a-ti [...] ik-ki-lu nik-lat#-sun2#
47'. [...]-di# szip-ra-ti#-szu2-nu# [...]-ru# ep-szet sur-ra-a-ti-szu-un
48'. [...] ni#-ku-u2# is,#-[...] isz-qa-te u2-tam-me-hu _szu-min_ u _giri3-min_
49'. [...]-t,u#-u2 ina a-de-e _gal-mesz_
50'. [...] qa#-tusz-szu2-un# [...]-us-su-nu-ti du-un-qu#
51'. [x _x]-mesz iri-mesz_ ma-la [...]-nu# ik-pu-du a-mat _hul_-ti
52'. [...] ina _{gesz}tukul_ u2-szam#-[...]-lu#? la# e-zi-bu ina lib3-bi
53'. [x x]-a#-szu2-un a-di [...]-di# mah-ri-ia ub-lu-ni
54'. [x x]-na#-ku {disz}asz-szur-du3-a# [...]-pisz# _mun_ sa-hi-ru dam-qa-a-ti#
55'. [...]-ku#-u2 _ARAD_ da#-[...]-te# ip-qi2-du ina {iri}kar-en-kur-kur
56'. [x x]-mu# ar-szi-[...] hi#-t,i-is-su
57'. [x x]-e# ni#-isz# _dingir#-mesz# ugu#_ sza2# mah#-[...]-ti#-szu2# asz2#-pur#
58'. lib3#-bu u2-szar-hi-is-su-ma lu-bul#-[...]-bi-su#-[x]
59'. al-lu _ku3-sig17_ si#-[...] asz2-kun#-[x]
60'. _har-mesz ku3-sig17_ u2#-[...] rit-ti#-[x]
61'. _gir2_ szib-bi sza2# ih#-zu-szu2 _ku3-sig17_ ni-bit _mu_-ia# [...]-ma# a-din-[x]
62'. _{gesz#}gigir-mesz ansze-kur-ra-mesz ansze-kunga-mesz_ a-na# [...]-ti#-szu2 a-qis-su
63'. {lu2}szu-ut _sag-mesz_-ia _{lu2#}nam-mesz_ a-na [...]-ti#-szu2 asz2-pur
64'. a#-szar _ad# du3_-u-a ina {iri}sa#-a-a sza2 {iri#}[x x]_-kur#-kur mu_-szu2
65'. a#-na _lugal_-u-te ip-qid#-du#-szu2 a-na masz#-[...] u2-ter-szu2
66'. t,a-ab-tum _saga_-tum# _ugu#_ sza2 _ad_ ba-ni-ia u2-[...]-ma# e-pu-us-su
67'. u3# {disz}{d}muati-sze-zib-an-ni _dumu_-szu2 ina {iri#}[x]-at#-ha-ri-ba
68'. sza {iri}li-mir_-ensi2_-asz-szur# _mu_-szu2 a-na _lugal#_-u2#-te asz2-kun
69'. {disz}tar-qu-u2 _man_ {kur}ku-u-si hat-tu pu-luh-ti _en_-ti-ia# is-hu-up-szu#-[x] il#-lik nam-mu-szi-szu2
70'. {disz}ur-da-ma-ne2-e _dumu nin9_-szu2 ina _{gesz}gu-za_-szu2 u2-szib-ma u2-ma-'e#-er ma-a-tum
71'. {iri}ni-i' a-na dan-nu-ti-szu2 isz-kun#-ma u2-pa-hir el-lat-su
72'. a-na e-pesz _muru2_ u _me3 ugu erin2-hi-a_-ia _{gesz}tukul-mesz_-szu2 u2-szat-ba#-a is,-ba-ta har-ra-na
73'. ina tu-kul-ti an-szar2 {d}sin u3 _dingir-mesz gal#-mesz en-mesz_-ia
74'. ina _me3 edin_ rap-szi _bad5-bad5_-szu2 isz-ku-nu u2-par-ri#-ru# el-lat-su
75'. {disz}ur-da-ma-ne2-e e-disz# ip-par-szid-ma e-ru-ub a-na {iri}ni-i' _iri lugal_-ti-szu2
76'. ma-lak _iti_ 1(u) _u4-mesz_ ur-hi pa#-asz2-qu-u2-ti# _egir_-szu2 il-li#-ku a-di qe2-reb {iri}ni-i'#
77'. _iri_ szu-a-tu a-na si-hir-ti-szu2 ik-szu-du is#-pu-nu a-bu-bisz#
reverse
1. _ku3-sig17 ku3-babbar_ e-per _kur_-szu2 ni-siq-ti _na4-mesz_ mim-ma aq#-ru#? ni#?-s,ir#-ti _[x]-gal#_-[x]
2. [x]-bul#-ti bir-me _gada-mesz ansze-kur-ra-mesz gal-mesz# un-mesz nita#_ u _munus#_
3. _[x]-za_-a-ti pa-ge-e u2-qu-pe tar#-bit szad-de-szu2-un#
4. ina la mi3-ni a-na mu-'u-de-e _ta_ qe2-reb-e-szu2 u2-[x]-s,u-nim-ma im-nu-u szal-la-tisz#
5. a-na nina{ki} _iri_ be-lu-ti-ia szal-mesz isz-szu-nim-ma# u2-na-asz2-szi-qu _giri3-min_-ia
6. {iri}qir-bit2 sza qe2-reb {iri}ha-le-e-ha-as#-ta# na#-da-ta szu-bat-su#
7. _ug3-mesz_ a-szib _sza3_-szu2 _ugu kur-mesz_-szu2-nu mar-s,u#-u2#-ti# tak#-lu#-ma la pit-lu-hu be-lut# _kur_ asz-szur
8. {disz}ta-an-da-a-a _{lu2}en-iri-mesz_-szu2-nu# sza2 a#-na# _lugal#-mesz# ad#-mesz_-ia la kit-nu#-szu2 a-na ni-i-ri#
9. hu-bu-ut {kur}ia-mut-ba-la ka-a-a-an ih#-ta#-nab#-ba#-tu# u2-szah-ri-bu na-me-e-szu2
10. asz2-szu2 ep-sze-e-ti an-na-a-ti _dumu-mesz_ |BAD3.AN|#{ki} im#-da#-ha-ru-ni-ma u2-s,al-lu-u be-lu-ti
11. {lu2}szu-ut _sag-mesz_-ia _{lu2}nam-mesz ugu_-szu2-nu u2-ma-'e-er {iri#}qir-bit2 ik-szu-du isz-lu-la _ug3-mesz_-szu2
12. _ug3-mesz iri-mesz_ sza2-tu-nu ki-szit-ti _szu-min_-ia as-suh#-ma qe2-reb {kur}mu-s,ur u2-sza2-as,-bit
13. {disz}gu-gu _lugal_ {kur}lu-ud-di na-gu-u2 ne2#-ber#-ti _a-ab-ba_ asz2-ru ru-u2-qu
14. sza _lugal-mesz_ a-li-kut mah-ri _ad-mesz_-ia# la isz-mu-u2 zik-ri _mu#_-szu2#
15. ni-bit _lugal_-ti-ia kab-ti ina _masz2-ge6_ u2#-szab-ri-szu2-ma an-szar2 _dingir_ ba-nu-u2-[x]
16. um#-ma sza {disz}asz-szur-du3-a _lugal kur_ asz-szur{ki} hi-szih#-ti an-szar2 _lugal dingir-mesz en_ gim#-ri#
17. [x _x]-mesz_ ru-bu-ti-szu2 s,a-bat-ma _lugal_-su# pit-luh#-ma s,u-ul-la-a be-lut-su#
18. [x] e-pisz _ARAD_-u-ti u na#-din man-da#-at#?-ti# lil#-li-ku-usz su-up-pu-ka#
19. [...]-ni#-tu# e#-mu#-ru#? _[...]-gaba#_-u2#-szu2 isz-pu-ra a-di mah-ri-ia#
20. [x x]-mir#-ra#?-[...]-t,u#-us#-su ik-szu-da _szu-min_-szu2
21. [x x] ta-mar#-ti# [...]-bil#-am#-ma#? u2#-na-asz2#-sziq# _giri3#?-min#?_-ia#?
22. [x x]-li _lugal_ {kur}[x x] a#-szib# hur#-sza2#-a-ni sza2-di-i pa-asz2-qu#-[x x]
23. [x] a#-na _lugal-mesz ad-[x_ x] _{gesz#}tukul#-mesz#_ szit-pu-ru e-tap-pa-lu da-s,a-a#-[x]
24. [x]-reb _kur_-szu2 hat-ti im#-[x x]-ma pu-luh#-ti _lugal_-ti-ia is-hup-szu#-[x]
25. [x x] e#?-pesz# [...] a#-na# nina#{ki#} isz-pu-ram-ma u2-s,al-la-a be-lu-u2#-[x]
26. [x _x]-ra#-mesz gal#-mesz#_ [x x]-at#-tu# na-dan szat-ti-szu2 u2-kin s,e-ru-usz-szu2
27. [x x]-ki-lu-u2 _lugal#_ {kur#}ar#-u2-a-da# a-szib ra-pa-asz2-ti _muru2_ tam-tim
28. [x] ki-ma _ku6_ ina _a-mesz_ la ni-i-bi gi#-pisz# e-de#-e dan-ni szit-ku-nu szub-tu
29. [x] _ugu_ tam-tim gal-la-ti tak#-lu#-u2-ma la kit-nu-szu2 a-na ni-i-ri
30. [x]-lu#-u-ti ip-lah3#-ma a-na# e-pesz# _ARAD#_-ti-ia ik#-nu#-usz-ma i-szu-t,a ab-sza2-a-ni
31. _[x]-gi#-mesz sig2 sa5-mesz sig2 ge6-mesz ku6#-mesz# muszen-mesz_ szat-ti-szam-ma u2-kin e-li-szu2
32. [x] tu#-kul-ti _dingir-mesz gal-mesz_ u3# {d#}[x] a#-szib# {iri}har-ra-na _en_-ia
33. [x]-gi ik-nu-szu2 szi-ip-s,i mi#-[x x]-ti# u2-na-asz2-szi-qu# _giri3-min_-ia#
34. _[x]-kur#_ la ma-gi-re-ia ak-szu-ud# [x x]-la# szal#-[x x]-nu# ka-bit-tu
35. _sag#-mesz ku3-babbar ku3-sig17_ mim-ma aq-ru# [...] szad-lu-u2-ti
36. [x]-na# _dingir-mesz kur_ asz-szur{ki} _dingir-mesz kur eme#-[...]_-qisz a-na qisz-ti
37. [x] u4#-me-szu2 e2-hul2-hul2 _e2_ {d}sin# [(...) x] qe2#-reb {iri}har-ra#-na
38. [...] sal2#-ma-nu_-masz dumu_ {disz}asz-szur-pap-ibila# [...]-ri#-ia e-pu-szu2
39. [x] szu#-a#-[x x] la#-ba-risz il#-li#-[...]-ba _e2-gar8-mesz_-szu2
40. [x]-hu-us#-su# am-si ad-ke tem-me-en#-[...] _asz2#?_-szi-szu2 du-rug-szu2
41. si#-hir-ti _e2_ szu-a-tu 3(u) ti-ib-ki u2#-[...]-qa pi-ti-iq-szu2
42. [x] _me_ 5(u) _gid2-da_ 1(gesz2) 1(u) 2(disz) _dagal_ ti-ib _{tu15}kur-ra_ x [...]-rad#-di ina muh-hi
43. [x] _me_ 3(u) ti-ib-ki _ta_ ku-tal _iri_ u2-mal-li [...] x qe2-reb _muru2 iri_
44. ina# esz-qi2 _na4-mesz kur_-i dan-ni _usz8_-szu2 ad-di tem-me-en-szu2 u2#-[...]-su#? u2-rap-pisz
45. _{gesz}eren-mah-mesz_ sza2 qe2-reb {iri}lab-na-na ik#-[...]-hu# la-a-nu
46. _{gesz}szur-min3_ e-re-szu2 _du10-ga_ sza2 qe2-reb {iri}si-ra-ra u2-x [...]-nu# {d#}[x]
47. sza _lugal-mesz_ ki-szad tam-tim _ARAD-mesz_ da-gil2 pa-ni-ia ik-ki#-[...]
48. _ta_ szad-de-szu2-nu a-szar nam-ra-s,i pa-asz2-qisz u2-szal-di-du-u-ni# [...]
49. s,e-er e2-hul2-hul2 szu-bat _hul2-mesz_ u2-s,a-lil-ma u2-[...]
50. _{gesz}ig-mesz {gesz}szur-min3_ rab-ba-a-ti me-ser _ku3-babbar_ u2-rak-kis u2#-[...]
51. _sag lugal_-ti-ia e2-kur szu2-a-tu2 a-na si-hir-ti-szu2 u2-szar-ri#-[...]
52. at-man {d#}sin# _en_-ia 1(gesz2) 1(u) _gun_ za-ha-lu-u2 eb-bu u2-[...]
53. 2(disz) _am-mesz ku3-babbar_ ek-du-u-ti sza2 mal-ma-lisz pat-qu ti-is,#?-[...]
54. ina 2(u) _gun_ esz-ma-re-e mesz-re-te-szu2-nu nak-lisz ap#-[...]
55. a#-na# it-ku-up za-ma-a-ni da-a-isz a-a-bi-ia# [...]
56. [x] {d#}lah3-me _ku3-babbar_ tam-szil szu-ut _a-ab-ba_ sza ziq-ni#? [...]
57. [x] ina a-tu-li-ma-ni-szu2-nu {gesz}szu-ri-in-ni tam-hu# [...]
58. [x] 3(u)# _gun_ gat-ta-szu2-nu ap-ti-iq u2-szar-ri-ih# [...]
59. [x]-na# mu-ter-risz _ti-la_-ia ina _ka2_ pa-pa-hi s,i-it [...]
60. [...] _{na4#}zu2 {na4}za-gin3_ ne2-be2-hu e-bi-ih-szu2 u2#-[...]
61. [...] a#-na si-hir-ti-szu2 ina ep-szet {d}nu-dim-mud [...]
62. [...]-ia# as,-bat-ma ina _hul2-mesz_ u2-sze-rib-szu2 u2-szar-[...]
63. [...] _ku3#-mesz_ ma-har-szu2 aq-qi2-ma u2-szam-[...]
64. [...] u {d}nusku ep-sze-ti-ia dam-qa-a-ti# [...]
65. [...] x x-e i-da-at dum-qi2 li-sza2-pa-a [...]
66. [...] nam#-ru-u2-ti it-ti _{d}utu_-szi# [...]
67. [...] szul#-bur isz-di _{gesz}gu-za lugal_-ti-ia# [...]
68. [...]-szu2# sza2 szum-qut na-ki-ri-ia li-[...]
69. [...]-ia# re-e-mu li-ir-szi-ma li-im#-[...]
70. [...] _uzu#-mesz_ hu-ud lib3#-[...]
71. [...] li#-ha-as-si-sa# [...]
72. [...]-ka#-a li#-[...]
73. [...] be-lut# [...]
74. [...] i#-lab#-[...]
  rest broken